Ịdanịyẹrị 10:3 - IWE ỌNỊNỊ

³ Dị ọsẹ ẹẹta ọnọọ gụ, ọnị ẹ yị rị ịsa ohinẹ ọnyọọnyị ọnị ẹ yị rị uye, ọnị ẹ yị hu eche, a vị ka ọnị ọ hyakụ dị ẹpara sisi ẹngụ bẹẹ.

Ịdanịyẹrị 10:3 ပူးပေါင်းရင်းမြစ်များ

2 Ịsamụwẹrị 19:24

Imehwibọsẹtị ozi Ịsọọrụ oni o re chi na ka ọnị ọ̀ na gẹrị ohinọyị. Ọ yị nyịna ahụ anị, ọ yị kụ́ ọkara irenu anị, ọ yị rẹ nyịna awuru anị hụrẹ ịhị oni ohinọyị sị jịnẹ hụụnị hụrẹ Ijerusarẹmị pooro ne tù ẹkụhị ọnị ọ sị vavẹ ịnị ẹngwọọrọ.

Ijoovu 33:20

Dị ịsọyịrị ọ yị zee wa eyi, dị ịsa ene sì ịrẹyị anị hu kụkụ ee gu wa ahẹrẹ.

Ịdanịyẹrị 10:12

Dị ộ ka, asị ọnị hí angwa, agụvị ka hụrị ịhị ịpaapa ọnị ọnị hụrẹ ka ẹngụ anị chi dị ọnị ê si ka ọnị ọ yẹ́ iruvo ịrẹyị ẹnẹnị, Ohomorihi hụrẹ tụ́ ohi aduwa anị nị, aduwa anị ọnọọ ọnị ve aanị nị.

Ịdanịyẹrị 11:8

Ori Anisiriya nịnị ẹnị ẹ bẹ vene ịsị irenyi-irenyi vị ọnị ọ vaa kụ ne hi ẹtẹ Ijipiti. Ẹnya ana sị igooru mẹ ọnịrị ana sị isiriva mẹ ẹnẹ sịị̄ hẹkẹ ori ẹnẹẹ vị ọnị ọ vaa kụ vaka a bẹẹ. Ọ vaa sị ịrayị chee tịtẹ ka a sị mẹ ẹngwọọrọ.

Ịdanịyẹrị 6:18

Dị ohinọyị varẹma nọ ịnị eehi anị nị. Ô tu ini eehi, ẹ yị rị ịsa, ẹ hyakụ dọ ka ọnị ọ mẹ ayị ohine ọnyọọnyị, dị ẹ̀ yị rẹ zụ sụ ara ịrahụ nị.

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Ịnahụmị 2:9

Dị ọga ịrẹkụ ẹnịnị nowu, dị ọ kà, Kụ isiriva! Kụ igooru! Ogu vị ana gwẹẹtẹ ịnị ẹkụra ọnọnị!

Imatiwu 6:17

Ama ẹwụ nịnị, wàa sị awẹ, nyịna eyi awụ, dị ụ wa dá ịsa sisi ịrẹsụ awụ,

Iruuku 7:46

Wẹ yị rẹ sị angwẹ sisi mi ibe; ama eturare ọnẹẹ ọnọnị sị, di ee sii sisi mi ahụ nị.

1 Anịkọrịntị 9:27

Maa sị ẹngụ amịị dọ avaba ụya, maa sị ụvọọ za ẹngụ amị, agụvị asị ọ na sị vị ka ẹmị ana aa kà enube ọyịzaa yị ọza, áamị ọ̀ sị vị osusu.