Ịdanịyẹrị 1:8 - IWE ỌNỊNỊ

⁸ Dị Ịdanịyẹrị kà a yị ẹngụ anị ka ọnị ọ yị vaa sị ịsọyịrị ọnịrị eche ohinọyịị du ẹngụ anị ẹngụ nị. Dị ọ kà a yị Asipenazi ka ọ̀ navọ ọ̀ gụ ọnị ụvọ ka oni e yi sì ka ọnị ò du ẹngụ anị ẹngụ nị.

Ịdanịyẹrị 1:8 ပူးပေါင်းရင်းမြစ်များ

1 Ohinọyị 5:5

Avọọ mê ro o ka maa dà irehi yị Ẹnẹyịmavara Ohomorihi amị. Ohomorihi ộ vịdị vavọọ kà a yi Idevidi ada amị ka ọ̀ yà ịrẹsụ ode ohinọyị anị ọ vaa dà irehi yị ọnị nị.

Ahẹ Ụgama 106:28

Aza Ohomorihi mè hi Ịpẹyọ, e yee pè aza ẹnẹẹ hẹkẹ ori anaā hị́ Ịbaarị-Ịpẹyọ, Dị ẹ yaa rị ịsa ana a sị mẹ̀ ịsọvọ yị ori ẹnẹẹ ẹnẹ ẹ̀ yị nyị ụhwẹ nị.

Ahẹ Ụgama 119:106

Ma sị eku hị́ ka ọda awụ ẹnẹẹ ana maanị vọrọ aanị mị vaa saasa nị.

Ahẹ Ụgama 119:115

Ẹwụ nịnị aza ana aa mẹ̀ ebira edivi è jesi hụrẹ mi eyi di me re oze saasa ọda oni Ohomorihi amị mẹ.

Ahẹ Ụgama 141:4

Aarịhịnị asị ụ navọ ka ma sị ịrẹyị odivi tụ́ ịnị ayị amị. Asị mị na bẹ ụvọ tụ́ ini ebira aza edivi aa mẹ Navọ asị mi ne pè wa rị ịsa.

Ụhịrẹyị 23:3

Asị ụ ha ọhọha ịsa chomi-chomi ana a kụ hi ọvịdị awụ. Ịsa ẹnẹẹ vị ene e si vene wu.

Ịdanịyẹrị 1:5

Dị ohinọyị ka aa mẹ ịsọyịrị ọnị ọnị a rị yị wa, dị a rẹ sị eche ọnị nị ee hú yị wa nị. Dị à zụ́ wa ịsa pooro mẹ ịrayị ẹẹta, ịrẹma anị dị ẹ̀ vee beri ọnị mẹ̀ ụkọrọ nị.

Ịdanịyẹrị 5:4

Dị ẹ yàa ká ẹngụrẹhaa kú ori ẹnịnị ẹngụ e mee hú eche nị. Ori ẹnẹnị vị ana sị igooru, isiriva ọnịrị enyusẹ ana vọ beri ọchị ọnịrị ịrẹta mẹ.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 15:20

Ama à vẹ ya chẹrẹ iwe tụ́ hi wa ka asị ẹ nyị ụvọ tụ́ ịnị ịrẹyị ori, ka ọ va vara wa aza ẹnẹ ẹ̀ yị nị. À rẹ kà a yị wa ka asị ẹ rẹ sẹ̀ ịrẹka, asị ẹ rẹ̀ rẹ rị uye enee sima ọrọkọ wụ. Asị ẹ rẹ rị anya.

1 Anịkọrịntị 7:37

Ama ọza ọ̀ọ raà sị ayị anị sị ọọ ka ọnị ọ yị nyị ọnẹẹ, dị ẹ̀ yị vị ọza ọ vavọọ sị ụkata za a nị; ọ̀ọ rẹ yẹ ka ọnị ọ zụ sị ụvọ za ẹngụ nị, ọ́ọ mẹ̀ ẹ ẹtẹẹrẹ, ọ̀ yị nyị ọ.

2 Anịkọrịntị 9:7

Ịsa ọzọza òo ro tụ́ ịnị ayị, ọ̀ vavọọ sị ọọ vẹ! Agụvị ka ọza ana sị ayohine sị ịsa vẹ Óhomorihiī sì ịrẹyị anị nị.

Iwe Ọhụhị Imosiisi ana aa hị́ Ọyịvatụrọda 32:38

Ệ sị ụ̀hị̀ ịsọvọ pa wa, dị ẹ sị eche yị ori ẹnẹnị. Ẹ hị́ wa ẹ jịnẹ tụ ẹhẹ, dị ẹ gụ wa ụvọ booro aanị. Ẹnịnị e zwe vaa gụ wa ụvọ.