Ịdanịyẹrị 1:5 - IWE ỌNỊNỊ

⁵ Dị ohinọyị ka aa mẹ ịsọyịrị ọnị ọnị a rị yị wa, dị a rẹ sị eche ọnị nị ee hú yị wa nị. Dị à zụ́ wa ịsa pooro mẹ ịrayị ẹẹta, ịrẹma anị dị ẹ̀ vee beri ọnị mẹ̀ ụkọrọ nị.

Ịdanịyẹrị 1:5 ပူးပေါင်းရင်းမြစ်များ

Oyinyima 41:46

Ijosẹẹhụ vị ịrayị ohurẹẹwụ di o nyima ee pè ohinọyị Anijipiti mẹ̀ ụkọrọ. Di Ijosẹẹhụ hụụ ịda Ihwarawo, di o ne chire avaba ẹtẹ Ijipiti ahụ nị.

1 Ohinọyị 10:8

Ese ewu ẹnịrị ezi ahụ awụ ệ dà jẹ kẹnẹ! Dị ẹnịnị maanị hi ịda awụ pooro, dị ẹ maanị aa wụ́ ịrẹyọyẹ awụ.

2 Ohinọyị 25:30

Eyinị-eyinị ohinọyị aa sị sị ẹkẹhị yị Ijehoyakimi pooro dị ọ mẹ̀ ẹhẹ anị nị.

2 Ịtọpa 9:7

Ọnẹẹ ọnọọ kà a ezi ahụ Isoromọnị ẹ nyarị ịrẹsụ ọyịza agụvị ka ụmẹ tụra ụmẹ ẹ ya pe e, dị ẹ yaa wụ́ ịrẹyọyẹ ọnị aa ka nị.

Ụhịrẹyị 23:3

Asị ụ ha ọhọha ịsa chomi-chomi ana a kụ hi ọvịdị awụ. Ịsa ẹnẹẹ vị ene e si vene wu.

Ijeremaya 15:19

Ọsọnị Ẹnẹyịmavara ve tu ọnị ohi anị dị ọ ka, ọnị ọ̀ọ vavẹ, ọnị Ẹnẹyịmavara vaa sị ọnị varẹma dị ọnị rẹ vị ozi ahụ anị. Ọnị ọ̀ọ hụụnị ịrẹyị kẹnẹ-kẹnẹ ọ̀yị kà dị ọnị aa kà ịrẹyị obooro nị, ọnị vaa varẹma vị ọnịsẹ anị. Aza ẹ vaa vẹ vee tu ọnị nị, ẹ yị vị ẹwụ o ve nee tu wa.

Ịdanịyẹrị 1:19

Ohinọyị mè pe wa ka ịrẹyị, ô re ka ịnị avaba ẹnịnị ẹ yị nyị ọza ana da ọgụ gụrị Ịdanịyẹrị, Ịhananịya, Imisẹrị ọnịrị Azarịya. Agụvị avọọ dị ohinọyị nyị wa ka ẹ̀ ya ịnị aza anaa mẹ̀ ụkọrọ ini ikootu anị nị.

Ịdanịyẹrị 1:8

Dị Ịdanịyẹrị kà a yị ẹngụ anị ka ọnị ọ yị vaa sị ịsọyịrị ọnịrị eche ohinọyịị du ẹngụ anị ẹngụ nị. Dị ọ kà a yị Asipenazi ka ọ̀ navọ ọ̀ gụ ọnị ụvọ ka oni e yi sì ka ọnị ò du ẹngụ anị ẹngụ nị.

Imatiwu 6:11

Sị ịsọyịrị ẹkụhị ajịnị yị yị,

Iruuku 1:19

Dị anggẹẹrị tụ́ ọọ ohi dị ọ ka, “Ẹma vị Igebirẹẹrị nị. Ọvịdị Ohomorihi mịị̄ jẹẹ nị. Ộ tụ́ mị ka ma va kà ịrẹyị yị wụ, dị ma sị enube ịrajẹ ọnọnị va yị wụ nị.

Iruuku 11:3

Navọ wa sị ịsọyịrị ẹkụhị-ẹkụhị ana a vọrọ ka yaa rịị yị!

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

1 Ịsamụwẹrị 16:22

Dị Ịsọọrụ va tụ́ na kà yi Ijeese ka ọ̀ navọ di Idevidi ọ̀ kụkụ yà ịda anị, ka ebira anị ô zee ọnị eyi.