Ịdanịyẹrị 1:1 - IWE ỌNỊNỊ

¹ Â nyị ọnọrụ ọnya aanị ana aā hị́ Ijehoyakimi ana vị ohinọyị Ijuda ịnị ụmẹ ọnya aanị. Ụmẹ ọnọọ ọnọrụ ana aā hị́ Inebukadineza ọnị rẹ sị vị ohinọyị ẹtẹ Ịbabịrọnị nị. Ịnị ịrayị ọhụta ọnị Ijehoyakimi rị ohinọyị, dị Inebukadineza kụ ịrẹkụ ne tu anị Ijerusarẹmị dị ẹ họ̀ karaa okiri-okiri nị.

Ịdanịyẹrị 1:1 ပူးပေါင်းရင်းမြစ်များ

2 Ohinọyị 23:36

Ijehoyakimi vị ịrayị ohurẹẹhị dị ọ rị ohinọyị Ijuda, dị ộ mẹ̀ ẹ ịrayị ẹwụrọnya Ijerusarẹmị nị. Ịrẹha ọnyị anị ọ rị Izebuda, ozi Ipedaya ana vị Anẹkụra Iruma.

2 Ohinọyị 24:13

Inebukadineza ộ kụ́ avaba ogu ene hi ini irehi Ẹnẹyịmavara ọnịrị ini irehi ohinọyị. Ộ chaka ẹnya ana a sị igooru mẹ̀ ọnị Isoromọnị ohinọyị Isirẹrị mẹ̀ anka Ẹnẹyịmavara vịdị ka tịtẹ.

Ayịsaya 39:7

Ezi ẹnịnị ẹnyị ana a vaa mà vị ana vaa za ọrịhị nọ ẹkụra ọsa, dị a mẹ̀ wa osuretu tu ịnị eehi ohinọyị Ịbabịrọnị.

Ijeremaya 25:1

Ana tụ ọ ịrayị ọhụna ọnị Ijehoyakimi ozi Ijosaya sị rị ohinọyị Ijuda, Ijeremaya ka Ẹnẹyịmavara ộ kà ịrẹyị yị ọnị ịnị ịpa Anijuda nịnị. Ụmẹ ọnọọ ọ vị ịrayị ịpaapa ọnị Inebukadineza nyima aa mẹ ohinọyị Ịbabịrọnị nị.

Ijeremaya 35:1

 nyị ọnọrụ ọnyara aanị, ana aā hị́ Ijehoyakimi; ozi ọnọrụ ana aā hị́ Ijosaya ọ vị nị. Ijeremaya ka Ẹnẹyịmavara ộ kà a yị ọnị ka,

Ijeremaya 35:11

Ama ịjị Inebukadineza ohinọyị Ịbabịrọnị kụ ịrẹkụ va ngụ Ijuda, dị ẹnị ka, a vẹ dị ẹnị ẹẹ vị Ijerusarẹmị agụvị ka angwa isoja Anibabironi ẹnịrị Isiriya ee hi ẹnị nị. Ịsị ẹ vana sị ẹnị va ra Ijerusarẹmị yị.

Ijeremaya 36:1

Ijeremaya ka, ana tụ ọ ịrayị ọhụna ọnị Ijehoyakimi ozi Ijosaya rị ohinọyị Ijuda, Ẹnẹyịmavara ộ kà a yị ọnị ka,

Ijeremaya 45:1

Ịnị ịrayị ọhụna ọnị Ijehoyakimi ozi Ijosaya sị rị ohinọyị Ijuda, Ijeremaya ka, ọnị ộ za ịrẹyị ọnị Ẹnẹyịmavara kà yị ọnị ịrịka hi ẹtẹ yị Ibaruki ozi Ineraya, dị ọ́ chẹrẹ wa tụ ịnị iwe nị. Ọnị ộ kà a yị ọ ka,

Ijeremaya 50:1

Ijeremaya ka, ịrẹyị ọnị Ẹnẹyịmavara kà yị ọnị ịnị ịpa ẹkụra ana aā hị́ Ịbabịrọnị ọnịrị Anẹkụra ọnọọ yị.

Ijeremaya 52:12

Ịnị ẹkụhị ẹẹwụ, ụhwẹ ọhụhị ịnị ana tụ ọ ịrayị ẹwụrịhịịna ọnị Inebukadineza rị ohinọyị Ịbabịrọnị, Inebuzaradani anaā sịị ajuwe yị ohinọyị, dị ọ́ rẹ vị ọdọvịdị isoja ene e sere ohinọyị, ộ ngụ Ijerusarẹmị.

Ijeremaya 52:28

Ọpa aza ọnị Inebukadineza za ọrịhị hụrị Ijuda yị: Ịnị ịrayị ọhụhịmba ọnị ọ rị ohinọyị, ộ za aza ẹnị akahị-akahị oze ẹẹta tụra ohurẹẹta (3,023).

Ịdanịyẹrị 5:13

Obooboro ọnọọ, dị a na hị́ Ịdanịyẹrị vẹ nị. Dị ohinọyị họ̀ ọ ka, ọnị ọ́ọ vị Aniju ana aā hị́ Ịdanịyẹrị ana ada anị ohinọyị za ọrịhị hụrị ẹtẹ Ijuda vẹ nị?