Ezikẹẹrị 7:9 - IWE ỌNỊNỊ

⁹ Ẹnẹyịmavara kà ọnị ẹ́ yị vaa sị eyii kwooze yị wụ nịnị, Ọnị ẹ́ yị vaa vayị awụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị waa mẹ nịnị. Ịjọnọọ, ụ vaa yẹ nịnị ka, ọnị ọ̀ vị Ẹnẹyịmavara anaa sị ụyaa rị wụ nịnị nị.

Ezikẹẹrị 7:9 ပူးပေါင်းရင်းမြစ်များ

Ayịsaya 9:13

Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ.

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 36:31

Ẹnẹyịmavara kà ẹwụrị ezi ewu beri ọdọvịdị ana kara awụ, vị ọnị ọnị vaa sị ụyaa rị agụvị avaba ebira odivi ẹnẹ ẹ mẹ. Ọ kà ẹwụrị aza ene hi Ijerusarẹmị ọnịrị Ijuda ẹ́ yị wụ́ ịrẹyị anị ọnị maa kà wụ, nịnị ọnọ. Agụvị avọọ, avaba ụya ọnị ọnị wo oto ka ọnị vaa sịị rị wụ nịnị, vị ọnị ọnị vaa sịị rị wụ nịnị ịzẹyịza.

Arụwẹ 2:17

Ẹnẹyịmavara ọ raà mẹ̀ ịsa ọnị o wo ka ọnị vaa mẹ̀, Ẹ yị vayị ẹnịnị, ọ sị ẹnị vú ẹtẹ saka-saka anka ọ mẹ vịdị raà kà ẹnị ọ̀nọ̀. Ọ sị eni hu ẹtẹ yị ọnịvị ẹnịnị ka ẹ̀ kụkụụ jẹ.

Ezikẹẹrị 22:22

Ọnị vaa mẹ wa pẹpẹpẹ vàa hi ẹtẹ Ijerusarẹmị anka a mẹẹ kà ịraa hi isiriva dị ọ na và hi ịzị aā yaa kà ịraa hi enyusẹ avọọ.

Ezikẹẹrị 23:49

Ẹnẹyịmavara kà, ẹwụ nịnị ẹyịnyara ẹyịva ẹnẹnị, ọnị vaa sị ụyaa rị wụ nịnị agụvị ịrẹkọyịsẹ awụ nịnị, ọnịrị agụvị ka waa mẹ ori nịnị. Ịjọnọọ, ụ vaa yẹ nịnị ka ọnị ọ vị Ẹnẹyịmavara Ananyị ụkata hu nị.

Ezikẹẹrị 5:11

Ẹnẹyịmavara Ohomorihi ka, ọnị ọ̀ọ yị yá ịzọọ da, agụvị ka ẹwụ nịnị Anijerusarẹmị ọ́ raa sị ịsị edivi-edivi anaa nyị ọnị ịhyẹrẹ du irehi anị ẹngụ nịnị, ọnị ẹ́ yị vaa vayị awụ nịnị dị ọnị ọ̀ và wụ nịnị nẹtẹ.

Ezikẹẹrị 7:10

Ọ kà, ẹwụ nịnị Anisirẹrị ẹkụhị ọnị ụ vaa sị rị ụya nịnị aa vẹ. Ebira jugu-jugu vị ọnị ọzọza kụkụ aa mẹ o me zee e eyi. Ọzọza vị ana kụkụ à sị ẹngụ tụ ẹba ọ mẹ zụ mẹ zụ.

Ezikẹẹrị 7:8

Ọka, é yị vee kù dị ọnị ọ̀ sị ọyịkụ zụ̀ wụ nịnị ẹtẹẹtẹrẹ ọnị vaa mẹ̀ ọkarẹyị avaba ịsị ụ mẹ yị wụ nịnị. Ọnị vaa sị́ ụya avaba ịsị enyisi ọnị waa mẹẹ rị wụ nịnị.

Imika 6:9

Ẹnẹyịmavara ee nowuu hị́ anẹkụra Ọza ana àa yẹ ịrẹyị ọ sị ụbanyị yị Ẹnẹyịmavara Ụya awụ nịnị aa vẹ. Ẹnẹyịmavara aa tụ́ ọ hi wu nini.

Anigaratiya 6:7

Asị u vene ẹngụ awụ nịnị! ẹ yị nyị ọza ana zụ mẹ Ohomorihi rị. Ịsa tụra ịsa ọnị ọza òo chire, ọnị ọ rẹ vaa há nị.

Ẹtore 20:13

Dị òkū kụ́ oku ene sú hi ịnị anị vẹ nị. Di iswọọza ọnịrị eku ẹnị rẹ hụrẹ oku ẹnịnị ụvọ nị. Dị a mẹ̀ ọkarẹyị yị ọzọza anka ịsa ọnị ọ mẹ nị.