Ezikẹẹrị 7:3 - IWE ỌNỊNỊ

³ Ẹwụ nịnị Anisirẹrị, eyi awụ nịnị ọ sị nị. Ọnị vaa sị ọyịkụ anịị zụ̀ wụ nịnị, dị ọnị mẹ̀ ọkarẹyị avaba ịsị ọnị Ụ mẹ yị wụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị u mẹ nịnị.

Ezikẹẹrị 7:3 ပူးပေါင်းရင်းမြစ်များ

Oyinyima 6:13

di Ohomorihi va kà a yị Inowa dị ọ ka, “Ọnị o si aro mẹ ka ọnị ee vú anẹhẹ ẹtẹ, agụvị ka ẹ raà kụ́ ebira ẹngụkata hi ịnị ẹhẹ. Ọ kà ọnị ee vú wa ẹtẹ ọnịrị avaba ịsa ene hi ịnị ẹhẹ.

Ayịsaya 47:7

Ví ú ro ka vị ụ vaa vị ohinọyị anyẹnẹẹ pooro nị, wẹ yị sị ịrẹyị ẹnẹnị tụ́ ịnị ayị; we yi ro o ka sị ẹ vaa vị ọzẹtẹ anị kẹ”.

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ezikẹẹrị 11:21

Ama ọnị vaa sị ụyaa rị aza eneē sì ka ẹnị hẹkẹ ori ịyẹyẹ-ịyẹyẹ anaa nyị ọnị ịhyẹrẹ. Ọnị Ẹnẹyịmavara Ananyị ụkata hu kere-kere ka ọnị vaa sị ụyaa rị wa agụvị ịsị ẹnịnị mẹ.

Ezikẹẹrị 16:38

Ọnị vaa sị ụyaa rị wụ agụvị ka waa sẹ̀ ịrẹka, ọnịrị agụvị ka waa wụ̀ ọza. Ọnị vaa sị ọyịkụ-ọyịkụụ sị ụyaa rị wụ, dị ọnị wụ.

Ezikẹẹrị 16:43

Ọ kà ayị ô hí wu nịnị avaba ebira ọnị ọnị mẹ hi wu nịnị ụmẹ ọnị ụ vị ozweyi, dị ụ mẹ ka ọnị ọọ kụ ayị nịnị agụvị ebira ẹnẹnị ọnị waa mẹ nịnị nị. Ẹnẹyịmavara Ananyị ụkata hu ka, sị ẹ vẹ, dị ụ rẹ kụkụ sẹ̀ ịrẹka ọ̀yị sẹ vaka ebira edivi ana vọ ọnị waa mẹ nịnị kẹ?

Ezikẹẹrị 16:59

Ẹnẹyịmavara kà, ọnị va mẹ wụ ịsị ene rere wu gẹdẹ-gẹdẹ, agụvị ka wâ sị ahụ jịnẹ eku ọnị ụ hị́, wẹ́ yị mẹ ịsị ụ kà a ka ụ vaa mẹ.

Ezikẹẹrị 18:30

Avọọ, ẹwụ nịnị Anisirẹrị, Ẹnẹyịmavara Ananyị ụkata hu ka, ọnị vaa mẹ̀ ọkarẹyị yị ọzịnya-ọzịnyara awụ nịnị anka ịsị ọzọza mẹ. Ro ịnẹ varẹma, dị wa và hụụnị ebira odivi ọnị waa mẹ nịnị; Asị ụ zẹẹ ka ebira odivi awụ nịnị ò wú wu nịnị ẹtẹ.

Ezikẹẹrị 21:25

Ẹwụ ọza ọhịmị anaa mẹ ohinọyị yị Anisirẹrị nịnị aanị, ụmẹ o si tu ka wa rị ụya awụ ana vọ.

Ezikẹẹrị 22:31

Avọọ, ọnị vaa kụ ayịị hi wa, agụvị avaba ịsị ẹnẹ ẹ́ mẹ; dị ọnị sị ọyịkụ-ọyịkụ vu wa ẹtẹ anka ịra mee vu ịsa ẹtẹ avọọ. Ọnị Ẹnẹyịmavara Ananyị ụkata hu, ọ ka avọọ nị.

Ezikẹẹrị 24:14

Ọnị Ẹnẹyịmavara Ananyị ụkata hu ọ sị ịrẹyị anị ka, o si tu ka ọnị ọ̀ mẹ ịsị ọnị ka ọnị aa mẹ, ọnị ẹ́ yị va sị eyi hụụnị ebira odivi ọnị ụ mẹ nịnị; ọnị ẹ́ yị vaa vayị awụ nịnị. Ọnị vaa sị avaba ụya ịsị ọnị ụ mẹẹ rị wụ nịnị.

Ezikẹẹrị 33:20

Ama ẹwụ nịnị Anisirẹrị ka ịsị ọnị mẹ ẹ́ yị vọrọ. Ọnị vaa sị ụyaa rị ọza-ịnya-ọza-ịnyara awụ nịnị anka ịsị ụ mẹ nịnị.

Ezikẹẹrị 36:19

Ọnị ộ jị ịvị yị wa agụvị ẹngụ ẹhẹ ẹnẹ ẹyaa ra ọnịrị ebira ẹnẹ ẹyaa mẹ. Dị ọnị gara wa hi ẹkụra ọsa zịịzị nị.

Ezikẹẹrị 5:12

Ọ kà, achẹta awụ nịnị vị ọnị ụkụ ọnịrị ụngwẹ vaa wụ̀ wụ ha. Dị aa kụ́ ịrẹkụ va wụ achẹta awụ nịnị ọsa. Achẹta awụ nịnị ana vọ vị ọnị, ọnị Ẹnẹyịmavara vaa tụ̀ ụhwọ, dị ọnị dụ wa ne hi avaba aha.

Ezikẹẹrị 5:13

Aanị ọnị mẹ vaa kụ́ ayịị hi wa dị ọnị sị họ̀ oponu ịrẹyị ẹngụ anị, dị ayị anị ọ̀ nẹtẹ nị.

Ezikẹẹrị 7:2

Ọnị ozi-ọza, ọnị Ẹnẹyịmavara Ohomorihi aa kà a yị ẹtẹ Isirẹrị ka, ẹzẹtẹ ẹnịnị o si tu o! vị ẹzẹtẹ avaba ẹtẹ Isirẹrị tù aanị nị ọ.

Ezikẹẹrị 7:27

Ẹnẹyịmavara kà ohinọyị vee sụ́ ùnè, dị ẹnị ọdọvịdị ẹkụra nịnị é yi kuku re ịsị ọnyọọnyị tụra eyi. Ẹngụ Anisirẹrị nịnị vaa dá ẹgahị angwa mee hi wa. Ọ kà ọnị vaa sị ụya avaba ịsị ọnị ụ mẹẹ rị wụ nịnị, dị ọnị mẹ̀ ọkarẹyị yị wụ nịnị anị ka ẹwụ nịnị mẹ rẹ mẹ yị aza. Ọ kà ọsọnị vaa mẹ ka wa yẹ nịnị ka, ọnị ọ vị Ẹnẹyịmavara nị.

Ezikẹẹrị 7:4

Ọ kà ọnị ẹ́ yị vaa sị eyi kwooze yị wụ nịnị; ọnị ẹ́ yị vaa vayị awụ nịnị; ama ọnị vaa sị ụyaa rị wụ nịnị agụvị avaba ịsị enyisi ọnị waa mẹ nịnị. Ịjọnọọ, ụ vaa yẹ nịnị ka ọnị ọ vị Ẹnẹyịmavara nị.

Ezikẹẹrị 9:10

Ama ọnị ẹ́ yị vaa vayị ẹnịnị. Ọnị vaa mẹ wa, ịsị ẹ́ mẹ aza ana vọ.

Ihoseya 12:3

Dị a va ma ada ẹnịnị Ijekọvụ, ô sị vụrị ka ọnị ọ mẹ ẹnẹbẹnị anị Iisọ rị ịnị ịrẹka ọnyị anị. Avọọ ọ mẹ rẹ beri Ohomorihi vụ ịrẹvụ ọ mẹ vị ọmụha nị.

Emọsị 8:2

Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa.