Ezikẹẹrị 47:3 - IWE ỌNỊNỊ

³ Ọnọrụ ọnọọ ộ sị ọchị ọnị ọ sịị̄ mọ ẹtẹ, dị ọ́ sị mọ ẹtẹ ụgọdọ okuvọ akava rị ẹchẹhị vachi zi oze ọnị ọyịị̄ zịị vẹ nị. Ịjị ọ́ sị ọ mọ, dị ọ ka ọnị ọ̀ vavọọ ngụ enyi ọnọọ nị, ọnị ộ ngụ ọ, dị enyi ọnọọ zá ọnị ataahụ nị.

Ezikẹẹrị 47:3 ပူးပေါင်းရင်းမြစ်များ

Ezikẹẹrị 40:3

Ẹnẹyịmavara ộ kà ọnị pèe, dị ọnọrụ ọnya anaa za nyoonyo anka enyusẹ ọkatarihi ọnya aanị avọọ nị. Ọza ọnọnị ộ sị obo ọnịrị ọchị ana a sịị̄ mọ ịsa rị ụvọ, dị ọ́ jẹẹ enoze ọbanyị ana a zịị̄ ngụ eehi nị.

Ezikẹẹrị 47:2

Ọ kà ọnọrụ ọnọnị ộ sị ọnị zị oze ọbanyị ana yà eyi ẹbẹẹba jịnẹ hụrị ẹngụ irehi Ohomorihi di ọ́ sị ọnị jesi kara oze ọbanyị ana và eyi ka oze ọnị ọyịị̄ zịị hụrẹ vẹ nị. Â nyị okuha oweyi oni enyi anị ê sìi tụ ẹhẹ hụrị eyi-ụvẹtẹ oze ọbanyị ọnọọ.

Ezikẹẹrị 47:4

Dị ọ rẹ mọ ẹ̀hụ okuvọ akava rị ẹchẹhị ọsa nị, ọ nị mẹ ngụ ọ, dị enyi anị zá ọnị idinku nị. Ộ rẹ mọ ẹ̀hụ okuvọ akava rị ẹchẹhị ọsa vachi, dị enyi anị zá ọnị ẹ̀hwị ọtẹ nị ọnị mẹ rẹ ngụ ọ nị.

Ịzakaraya 2:1

Ịzakaraya ka ọnị ộ kana eyi va hịrẹ, dị ọnị re ọnọrụ ọnya aanị ana sị obo ọyịmọ̄ ịsa rị ụvọ nị.

Ịzakaraya 2:5

Ẹnẹyịmavara kà a ọnị ụvọta vee sere wa, dị ọnị vị́ ịra kara wa anka ọvọ avọọ. Ụbanyị anị vaa ya ịnị ayị ẹnịnị.

Iruuku 24:49

Re, mị vaa sị ịsa ana Ada amị kà a ka ẹ yị zụ nyị ka ọnị ọ yị sị wụ nịnị, tụ́ hi wu nịnị. Ama jẹẹ Ijerusarẹmị nịnị pooro di Ohomorihi ọ̀ sị ụkata hụrẹ ẹbẹẹba va wụ nịnị!”

Odeyi 2:33

Ohomorihi ọ raà sị Ijeesu tụ́ ẹba, dị ọ yaayịtẹ éyi ụvọrị Ohomorihi nị. Ọ raà dọ Ụhwẹ Ọnịnị hụụnị ụvọ Ohomorihi Ada anị, anka Óhomorihi mẹ̀ vịdị kà a ka ẹ yị zụ nyị ka ọnị ọ yị vaa sịị yọ. Ụhwẹ Ọnịnị ọnọọ Íjeesu sị yị oni u wee re, dị ụ raa wụ́ nịnị aanị nị.

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Ẹtore 11:1

 sị ịkẹ ọnya aanị yị mị. Ịkẹ ọnọọ vị ana sị mẹẹ anka okutẹ avọọ. Dị a kà a mị ka: Ma kwẹẹtẹ, dị ma ngọ irehi Ohomorihi ọnịrị ụta, dị ma rẹ za aza ana aa mẹ ahẹkẹ ịzọọ ịrịka nị.

Ẹtore 21:15

Anggẹẹrị ene ee pe mii kà ịrẹyị aanị, ộ nyị ịkẹ igooru ọnya rị ụvọ ana aa sịị ngọ ẹkụra ọnọọ ọnịrị oze anị beri ọvọ anị.