Ezikẹẹrị 40:7 - IWE ỌNỊNỊ

⁷ Wàa kana chee, â nyị oze ana zị avọọ, ộ nyị aku oserẹtẹ nịnị ẹtẹẹta tụ eyi ọnyị-eyi ọsa. Ụgana aku ikonyi ikonya vị ẹ̀hụ ahụ ẹẹta avọọ eyi ẹyịna. Ọvọ ana jị wa ịnị akakana ộ gana eyi ẹ̀hụ ahụ ẹẹva rị ẹjịjị avọọ. Waa kana chee yị aku ẹnẹnị, â nyị oze ọnya aanị; ụgọdọ anị vị ẹ̀hụ ahụ ẹẹta avọọ. Oze ọnọnị vị ana na ngụ ịnị aku ọnya aanị ana yà enoze. Aku ọnọọ vị ana và eyi ka Irehi Ohomorihi.

Ezikẹẹrị 40:7 ပူးပေါင်းရင်းမြစ်များ

1 Ịtọpa 23:28

Aa sị ụkọrọọ yị wa ka ẹẹ gụ ohirẹsụ Irehi Ohomorihi nịnị ana vị ezi Eerọnị ụvọ ẹ̀ẹ yaa mẹ ahẹkẹ ini Irehi Ohomorihi. Dị ẹnịnị è ree tenyi ohweje ọnịrị aku ene hi ini irehi Ohomorihi. Dị e re sị eyi pe avaba ịsa ana a sịị̄ mẹ̀ ụkọrọ ahẹkẹ ini irehi Ohomorihi agụvị asị e ne du wa ẹngụ.

1 Ịtọpa 9:26

Ẹnị ẹyịna ana vị ohi-ohi oserẹtẹ aanị avaba ọda ụkọrọ ọnọnị yà ụvọ nị. Ẹnị ee sere aku-aku ene hi ini irehi Ohomorihi ọnịrị avaba ịsa á kụ́ hi ịzọọ nị.

2 Ịtọpa 3:9

 sị igooru ana rata mẹ iso irehi ọnọọ. Dị a rẹ wụ́ igooru ku avaba ugene aku ene hi ẹbẹẹba nị.

2 Ịtọpa 31:11

Dị ohinọyị mẹ ọda ka a dà aku rụrụ ana a kụ́ ịsa gụrị irehi Ohomorihi.

Ẹzịra 8:29

Ẹnịnị e re ka ẹnị e si eyi pe e, dị asị a nyị ịsị ẹ kanyị wa pooro dị ẹ ngụ Ijerusarẹmị. Dị a ngọ wa ini irehi Ohomorihi eyi ohirẹsụ ọbanyị irehi Ohomorihi ohirẹsụ, Anireevi ọnịrị ọdọvịdị Anisirẹrị nịnị.

Ijeremaya 35:4

dị ọnị kụ wa vẹ ịnị irehi Ẹnẹyịmavara nị, ọ ka ọnị ộ kụ wa ngụ ịnị akụ ezi ọza Ohomorihi ọnya ana aā hị́ Ihanani. Ada Ihanani â hị́ Igidarịya nị ọ ka aku ọnị ọnị kụ wa ngụ ịnị anị aanị vị ana gụrị aku ẹnị ọdọvịdị ịnị irehi Ẹnẹyịmavara, dị ọ yà ẹbẹẹba akụ ọnọrụ ana aā hị́ Imaseya ana vị ozi Isarumi nị.

Ezikẹẹrị 40:10

Aku ẹnẹnị ana yà akaha oze ọnọnị aanị vị ẹbẹẹbẹ. Ọvọ ana a tụra jị wa akakana vị ana rẹ gana eyi ẹbẹẹbẹ.

Ezikẹẹrị 40:21

 nyị aku oserẹtẹ ẹẹta ana ya akaha oze eyi ẹnyị-eyi ọsa, ọvọ ana jị wa akakana, beri aku ana dà tụ enoze ẹnịrị ẹngụ ẹnẹẹ ene hi oze ana yà eyi ọnị ọyịị̄ zịị hụrẹẹ vẹ vị ẹbẹẹbẹ á mẹ mọ wa. Avaba ụgọdọ oze ọnọọ vị ẹ̀hụ ahụ ohurẹẹhị avọọ, dị ụgana nị vị ẹ̀hụ ahụ ẹwụrẹva rị ẹjịjị nị.

Ezikẹẹrị 40:29

Aku oserẹtẹ ene hi ịzọọ, aku ana á dà tu enoze anị, ọnịrị ọvọ ana a tụra hi ịzọọ, ẹnịrị ene hi oze ana vọ vị ẹbẹẹbẹ. Avaba aku ene hi oze ọnọnị vị ana nyị ozokete.

Ezikẹẹrị 40:33

Aku oserẹtẹ ene hi ịzọọ, aku ana á dà tụ enoze anị, ọnịrị ọvọ ana tụra hi ịzọọ ẹnịrị ene hi oze ana vọ vị ẹbẹẹbẹ. Aku ana á dà tụ enoze aanị ọnịrị aha ana vọ, vị ọnị ozokete hi ịnị anị. Avaba ụgọdọ anị vị ẹ̀hụ ahụ ohurẹẹhị avọọ, dị ụgana anị vị ẹ̀hụ ahụ ẹwụrẹva nị.

Ezikẹẹrị 40:36

Ọnị ộ rẹ nyị aku oserẹtẹ nịnị, ọvọ ana á mẹ ọvị, aku ana á dà tu enoze ọnịrị ozokete kara ẹngụ. Ụgọdọ avaba anị vị ẹ̀hụ ahụ ohurẹẹhị avọọ, dị ụgana anị vị ẹ̀hụ ahụ ẹwụrẹva rị ẹjịjị nị.

Ezikẹẹrị 40:8

Ọza ọnọnị mẹ mọ aku ọnọọ, dị ahịka ẹ̀hụ ahụ ẹẹna avọọ ọ vị nị.

Ezikẹẹrị 42:5

Aku ene hi ịnị ọtụrọsa ana ya ẹbẹẹba ẹ nyị hwịtị-hwịtị huni ene hi ịnị akakana ọnịrị ene hi ụvẹtẹ nị. Aha ana á dà tụ ẹbẹẹba ịzị aza ee hi ré ẹtẹ ọ mẹ ka asị aku ẹnẹẹ kụkụ banyị nị.