Ezikẹẹrị 40:6 - IWE ỌNỊNỊ

⁶ Dị ọza ọnọnị nọ oze ọbanyị ana a zịị̄ ngụ eehi ana và eyi ka ịzị ọyịị̄ zịị hụrẹẹ vẹ nị. Ộ hịrẹ ọbụna na ngụ ẹbẹẹba; ịjị ó tu ịzọọ, dị ọ́ mọ enoze anị nị. Ộ nyịnẹ ahụ ẹẹta.

Ezikẹẹrị 40:6 ပူးပေါင်းရင်းမြစ်များ

1 Ohinọyị 6:8

Oze ana a zị naa ngụ ịnị ọtụrọsa ọhụta irehi ọnọọ vị ana yà eyi ụvọrị, dị a nyị ịzị a zị̄ị hịrẹ irehi ana na ngụ ịnị ọtụrọsa ịnị akakana ọnọọ. Avọọ ọ mẹ rẹ hụrẹ ịnị ọtụrọsa ịnị akakana na ngụ ịnị ọtụrọsa ọhụta nị.

1 Ịtọpa 9:18

Va ngụ ụmẹ ọnọọ, ịpa ịrẹsụ ẹnịnị vị ana á ku hi eyi ịzị ọyịị̄ zịị hụrẹẹ vẹ enoze oze ọbanyị ana na ngụ udi Anireevi nịnị nị.

1 Ịtọpa 9:24

 nyị oze ọbanyị ana va eyi ka eyi ẹbẹẹba ọnịrị eyi-ụvẹtẹ, dị a nyị ana rẹ va eyi ka eyi ọnị ọyịị̄ hụrẹẹ vẹ ọnịrị eyi ọnị ọyịị̄ zịị na ngụ ẹtẹ nị, ọzọza ộ nyị ohirẹsụ ene ee sere ẹtẹ ịzọọ.

Inehemaya 3:29

Ịzadọkị ozi Imeri vị ana tụra ẹhụ ọvọ ana ya ọvịdị irehi anị. Dị Isemaya ozi Isekaniya eneē sere oze ọbanyị ịzị ọyị zị hụrẹ vẹ ộ tụra ọvọ ana vatụra a.

Ahẹ Ụgama 84:10

Ọza ọ̀ọ yà ini eehi awụ ẹkụhị ọnya, ô hine ọza huna ka ọ̀za ọ̀ na yà aha ọsa mẹ ẹkụhị otomiroku. Ọ̀ọ sị ka ọnị mị va naa ra ịnị ajẹngụ aza edivi, mâ vana dọ ka ma si eyi pè oze ini eehi Ohomorihi amị.

Ijeremaya 19:2

Ọ kà ọnị ọ zị oze ana a zịị̄ ngụ eehi ịzị aā kụ ururaa hi, dị ọnị ọ̀ nọ inoze ẹtẹ ọnọrụ ana aā hị́ Ihinọmị. Ọnị òo tu ịzọọ dị ọnị ọ̀ ka ụtụ ọnị ọnị tụ ọnị.

Ezikẹẹrị 10:18

Dị ẹtohweyi anaa zaa kara Ẹnẹyịmavara rẹ hụrị enoze irehi Ohomorihi, dị ọ na ya ẹbẹẹba icherubi ẹnẹnị nị.

Ezikẹẹrị 11:1

Ezikẹẹrị ka ụhwẹ Ohomorihi ộ sị ọnị tụ ẹba, dị ọ sị ọnị na tụ oze ọbanyị ana a zịị̄ ngụ ịnị Irehi Ohomorihi nị. Oze ọnọọ vị ana và eyi ka ịzị ọyịị̄ hụrẹẹ vẹ. Ọ̀ sị gụrị oze ọbanyị ọnọọ ịzọọ, ọnị ô re aza ẹnị ohurẹẹhị. Ọnọrụ ana aā hị́ Ijaazaniya ozi Azuri ọnịrị Iperatiya ozi Ịbẹnaya yà ịnị aza ẹnẹẹ. Ẹnị ẹyịva ẹnẹnị vị ọdọvịdị ẹkụra Ijerusarẹmị.

Ezikẹẹrị 40:20

Ọnọrụ ộ rẹ mọ oze ana a mẹ tụ ịnị ọvọ ana yà oze eyi ẹbẹẹba, ana na ngụ ịnị ohweje ana yà ẹhẹ.

Ezikẹẹrị 40:22

Aku ana a dà tụ enoze ọnịrị ozokete anị beri ụmọmọ ọsọchị ana á và hi ini ugene anị vị ana sị mẹẹ anka ẹngụ ene hi eyi ịzị ọyịị̄ zịị hụrẹẹ vẹ. Â nyị aha ana aa sị ahụụ hí ịhịmba dị à na ngụ ịnị oze ọbanyị ọbanyị ọnọọ. Aku ana á dà tụ enoze aanị vị ana và eyi ka ohweje.

Ezikẹẹrị 40:24

Ezikẹẹrị ka ọnọrụ ọnọnị re aanị ộ sị ọnị nọ eyi ụvẹtẹ, dị ọnị re oze ọnya ana a mẹ tụ ịnị ọvọ ịzọọ nị. Ộ mọ ọvọ anị ana yà ịnị ịnẹ ọnịrị aku ana a dà tụ enoze, dị ahịka ọnyọọnya ẹnịrị ana vọ vị nị.

Ezikẹẹrị 40:26

Aha ịhịmba aa kụ ahụụ hí naa ngụ ịnị anị nị. Aku ana á dà tụ enoze aanị vị ana na yà ọnataha ụgana eyi ọvọ ọnọọ, dị ahịka vị ọ́ và eyi ka ohweje nị. Ụmọmọ ọsọchị vị ana á và tụ ịnị ugene ịnịnẹ eehi ana và eyi ka oze.

Ezikẹẹrị 40:5

Ezikẹẹrị ka ọnị ô re irehi Ohomorihi, dị a jị ọvọ kara a nị. Ọza ọnọnị ộ sị ọchị ana a sịị̄ mọ ịsa aanị, ụgọdọ ọchị ọnọọ vị ẹhwị ahụ ẹẹta avọọ, dị ọ sị mọ ọvọ ọnọọ nị. Ọvọ ọnọnị ộ nẹba ahụ ẹẹta va hịrẹ, dị ọ́ rẹ gana eyi ahụ ẹẹta nị.

Ezikẹẹrị 40:7

Wàa kana chee, â nyị oze ana zị avọọ, ộ nyị aku oserẹtẹ nịnị ẹtẹẹta tụ eyi ọnyị-eyi ọsa. Ụgana aku ikonyi ikonya vị ẹ̀hụ ahụ ẹẹta avọọ eyi ẹyịna. Ọvọ ana jị wa ịnị akakana ộ gana eyi ẹ̀hụ ahụ ẹẹva rị ẹjịjị avọọ. Waa kana chee yị aku ẹnẹnị, â nyị oze ọnya aanị; ụgọdọ anị vị ẹ̀hụ ahụ ẹẹta avọọ. Oze ọnọnị vị ana na ngụ ịnị aku ọnya aanị ana yà enoze. Aku ọnọọ vị ana và eyi ka Irehi Ohomorihi.

Ezikẹẹrị 41:16

Aku ana a zịị̄ ngụ ịnị Irehi Ohomorihi ọnọnị, aha ọnịnị ịnị anị ọnịrị aha ana nị hu kere-kere ịnị anị, vị ana á sị ọchị (ipako) ku, hụụnị eteesu na ngụ ịnị ozokete. A yaanị rẹ zụ sị ịsa ku ozokete ẹnẹnị.

Ezikẹẹrị 42:15

Ezikẹẹrị ka ịjị ọnọrụ ọnọnị sị ịnịnẹ irehi Ohomorihi mọ ta, dị ọ́ zị oze ọbanyị ana yà eyi ọnị ọyịị̄ zịị hụrẹ vẹ, dị ọ́ sị ọnị tụ ẹhẹ nị, ó mẹ tu ẹhẹ, dị ọ́ mọ ẹtẹ ana tịtẹ kara irehi Ohomorihi nị.

Ezikẹẹrị 43:1

Ezikẹẹrị ka ọnọrụ ọnọnị mẹ maanị sị ọsọnị mẹ ta, dị ọ́ sị ọnị va jẹẹ oze ọbanyị irehi Ohomorihi nị. Oze ọbanyị ọnọọ vị ana và eyi ka eyi ọnị ọyịị̄ zịị hụrẹẹ vẹ.

Ezikẹẹrị 43:17

Ụgọdọ ọnịrị ụgana ịpa ịnị akakana ụta ọnọnị rẹ vị ẹbẹẹbẹ. Ẹ̀hụ ahụ ohurẹẹna rị ẹjịjị eyi ọnya eyi ọnya vị nị. Â nyị enyusẹ chee aanị ana a sị kara a ụtụụtọ. Ụgana enyusẹ ọnọọ vị ẹ̀hụ achẹva okuvọ avọọ. Ụvẹtẹ anị vị okuvọ ọnya kara ẹngụ. Ịzị a zịị̄ hịrẹ ụta ọnọnị vị ana a mẹ tụ eyi ọnị ọyịị̄ zịị vẹ.

Ezikẹẹrị 43:8

Ohinọyị ẹnịnị ệ mẹ ẹbanoze ọnịrị oze irehi ẹnịnị, dị ẹ́ và wa eyi ka oze irehi ọnị Ohomorihi gẹdẹ-gẹdẹ, dị ahịka ugene kẹnẹ ọ jị ọnịrị wa ịnẹ nị. Ẹnịnị aa sị ịsị eenyisi ẹnẹ ẹ́ yaa mẹẹ du ọnị ịrẹha, agụvị avọọ ọnị sị ọyịkụ-ọyịkụ vu wa ẹtẹ nị.

Ezikẹẹrị 44:1

Ezikẹẹrị ka ọnọrụ ọnị ọnị vịdị ré aanị, ộ sị ọnị varẹma zị oze ọbanyị ịnị irehi Ohomorihi ana yà ẹhẹ. Oze ọbanyị ọnọọ vị ana và eyi ka oze ọnị ọyịị̄ zịị hụrẹẹ vẹ, Dị ahịka vé gù ọ nị.

Ezikẹẹrị 46:12

Ịhị ọ̀ọ hụụnị ayị ohinọyị vẹ ka ọnị aa mẹ ịsọvọọ hi Ẹnẹyịmavara, ọ̀ọ vị ịsọvọ ana aa rị ịra, ọ̀ọ va vị ịsọvọ ana a sịị mẹ uzee, à na oze ana và eyi ka ịzị ọyị zịị hụrẹẹ vẹ yị ọ. Ọ vaa mẹ̀ ịsọvọ anị anka ọ́ mẹẹ̄ mẹ̀ ẹ ẹkụhị ụhwọtụ. Ọ̀ọ sị ọ mẹ, dị ọ jịnẹ tụ ẹhẹ; ọ̀ọ sị jịnẹ tụ ẹhẹ, di e gù oze ọnọọ varẹma.

Ezikẹẹrị 47:1

Ezikẹẹrị ka ọnọrụ ọnị ọnị maanị ré ịnị ẹtẹ ọnị ré aanị ộ rẹ sị ọnị varẹma vẹ enoze irehi Ohomorihi. Â nyị enyi anaa tụ̀ụ hụụ iruvo enoze ọnọọ, dị ee sìi zi oze eyi ọnị ọyịị̄ zịị hụrẹẹ vẹ nị. Irehi Ohomorihi vị ana và eyi ka oze avọọ. Enyi ọnọnị vị enee sìi vaachi hụụ iruvo eyi-ụvẹtẹ irehi Ohomorihi di aa parahu eyi-ụvẹtẹ ụta ịsọvọ nị.

Ezikẹẹrị 8:16

Ịzẹyịza dị ọ sị ọnị ngụ ịnị ohweje ịnị Irehi Ohomorihi nị. Ọ̀ sị gụrị enoze aha ọnịnị, ịnị akakana ụtọ ịsọvọ ọnịrị oze ana a zịị paraahu dị aza ẹnị ohurẹẹhị yà ịzọọ nị. Ẹnịnị ệ varẹma ka aha ọnịnị, dị ẹ va eyi ka ịzị ọyịị̄ hụrẹẹ vẹ, dị ẹ ka ịrẹsụ hi aa hẹkẹ ọyị nị.