Ezikẹẹrị 27:9 - IWE ỌNỊNỊ

⁹ Aza ana kọsẹ ụkọrọ ẹtẹẹtẹrẹ hụrị ẹtẹ Ịgẹba ẹ vị ikahunta ana mẹ̀ ụkọrọ ịnị ẹpa awụ nịnị. Avaba aza ana aa ngụ ẹpaa jịnẹ vị anaā haa vẹ ịdị awụ nịnị vaa sẹ̀ ohu.

Ezikẹẹrị 27:9 ပူးပေါင်းရင်းမြစ်များ

1 Ohinọyị 5:18

Aza Isoromọnị ọnịrị aza Ihirami ne chire Anigebari ẹ bẹ ịrẹta ẹnẹẹ nị. Avọọ a mẹ̀ mẹ tenyi ọchị ọnịrị ịrẹta ana a vaa sị dà irehi ọnọọ tịtẹ nị.

Ahẹ Ụgama 104:26

Ẹpa nịnị aa vàa chi vàa hịrẹ ịnị anị, dị agụgụ ẹnị rẹ gwẹtẹ ana aa mẹ aahẹ ịnị anị nị.

Ahẹ Ụgama 83:7

Anigebari, Anamọnị ọnịrị Anamarẹkị yà ịnị ẹnịnị. Ẹnị ana vọ ẹ vị Anihwirisiti ya, ne beri anẹkụra Ịtaya.

Ahẹ Ụgama 83:8

Anasiriya vị ana rẹ na vaka wa bẹẹ, ka ọnị sị ezi Ịrọọtị ẹnẹẹ nyị ụkata.

Ijosuwa 13:5

ẹtẹ Anigebari; avaba ẹtẹ Ịrẹbanọnị na ngụ eyi ịzị ọyịị̄ zịị vẹ hụrẹ Ịbaarị-Igadi ana ya eyi ụvẹtẹ ataba Ihamọnị na ngụ oze Ihamati.

Ẹtore 18:11

Dị osohu anẹhẹ nịnị ẹnị raa jị òrèrè anị, dị ẹ kụ́ ẹngụ và hí, agụvị ka ẹ yị nyị ọza ana kụkụ aa hị́ ịsa ẹnịnị,

Ẹtore 18:3

Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.