Ezikẹẹrị 27:8 - IWE ỌNỊNỊ

⁸ Anisidoni ọnịrị Anaavadi nịnị aa sị ẹpa a wụ nịnị zị nị. Aza awụ nịnị ana yara mẹ̀ ụkọrọ ẹtẹẹrẹ aa mẹ̀ ụkọrọ ịnị ẹpa awụ nịnị nị.

Ezikẹẹrị 27:8 ပူးပေါင်းရင်းမြစ်များ

Oyinyima 10:15

Ezi ọnị Ikanaani ma yị. Ozi ọzọkụ anị ọ̀ vị Ịsịdọnị nị. Ana vọ ẹ vị Iheti,

Oyinyima 10:18

Dị ọ rẹ ma Anaavadi, Anizema ọnịrị Anihamati. Ịjị ọ dà kụ̀ di obooro Anikenaani gara ngụ ọ zịịzị nị.

Oyinyima 49:13

Izeburuni, ẹwụ vị ana vaa ra ụtọ okù. Ịnị ụtọ okù ọnị ụ ra ẹpa nịnị vaa jẹẹ nị. Ẹhwị ẹtẹ awụ vee tù Ịsịdọnị.

1 Ohinọyị 5:6

Avọọ kà a ka à da ọchị Isida hụrị Ịrẹbanọnị va mị. Ezi ahụ amị vaa vẹ ve tù ezi awụ. Mi vaa sị ẹkẹhị ụkọrọ ezi ahụ awụ yị wa anka irihi ọnị waa jị. Wâ yẹ ka ẹ yị nyị ọdarehi ana yara dà ọchị anka Anisidoni nịnị.”

1 Ohinọyị 9:27

 nyị ezi ahụ Ihirami ana yẹ eyi ẹpa dị ẹ rẹ yẹ eyi enyi ẹtẹẹtẹrẹ. Di Ihirami aa sị ẹpa ọnọọ tụ́ ẹnịrị ezi ahụ Isoromọnị ụtụ.

1 Ịtọpa 1:16

dị ọ rẹ vị ohiku Anavadi nịnị, Anizema nịnị ọnị Anihamati nịnị.

Ayịsaya 10:9

Ẹ rẹ ka ẹnị mè huna Ikakemisi ịnị ẹtẹ Aripadi nị. Ẹ ka ẹnị ệ kụ́ ịrẹkụ na rị anẹkụra Ịsamarịya ọnịrị Ịdamasịkọsị.

Ijeremaya 49:23

 nyị ẹkụra ana aā hị́ Ịdamasịkọsị. Ịrẹyị anị ọnị Ẹnẹyịmavara kà yị: Ọ kà, Anẹkụra ana aā hị́ Ihamati ọnịrị Aripadi nịnị aa hụrẹ ayịnẹ, ẹngụkata ô tu wa agụvị ka ẹnịnị ệ wụ enube ịrẹyị odivi. Ayịhụrịnẹ ọ sị wa vazi anka enyi ịnị oku avọọ, ẹnịnị ẹ́ yị zụ tụhwọ.

Ezikẹẹrị 27:11

Isoja Anavadi nịnị ẹnịrị Anihẹrẹkị nịnị ee sere ọvọ awụ nịnị nị. Dị Isoja Anigamadi nịnị ẹnị ee sere irehi ọgọdọ ịzị oserẹtẹ awụ nịnịị̄ hi nị. Ogonto ẹnịnị vị ọnị ẹẹ̄ kụụ gẹ ịnị ọvọ awụ nịnị. Ẹnị ẹ̀ mẹ ka wa vavọọ zoza nịnị nị.

Ezikẹẹrị 27:28

Ịjị aa mụnẹ aza ene hi ịnị ẹpa, dị eyee nowu, ụtọ irehu vi enee henyi jigi-jigi.

Ezikẹẹrị 28:21

Ozi-ọza, ọnị ọ̀ và eyi ka ẹkụra Anisidoni nịnị dị ọnị ọ̀ kà ịsẹ yị wa.

Ijosuwa 11:8

Ịzẹyịza, dị Ẹnẹyịmavara za isoja ẹnẹẹ chire Anisirẹrị ụvọ, Ẹnịnị e huuna wa, dị ẹ dụ wa na ngụ oze Ịsịdọnị ọbanyị ọnịrị oze Imisirehwoti-Imayimi, huu na ngụ inozi Imizipe; va nyị ọza ana ha ịnị ẹnịnị vụrụ-vụrụ.