Ezikẹẹrị 26:1 - IWE ỌNỊNỊ

¹ Ezikẹẹrị ka, ẹkụhị ịpaapa ịnị ụhwẹ ana tụ ọ ịrayị ẹwụrọnya ana a kụ ẹnị ve hi Ịbabịrọnị, Ẹnẹyịmavara ộ kà a yị ọnị ka.

Ezikẹẹrị 26:1 ပူးပေါင်းရင်းမြစ်များ

Ijeremaya 39:2

Ịnị ana tụ ọ ẹkụhị ịhịịna ịnị ụhwẹ ọhụna ịrayị ẹwụrọnya ọnị Ịzẹdẹkaya rị ohinọyị, dị ẹ chaka ọvọ ana a jị kara Ijerusarẹmị nị.

Ezikẹẹrị 1:2

Ana tụ ọ ịrayị ọhụhị ana a za ohinọyị Ijehoyakini ọrịhị va ngụ ẹtẹ Ịbabịrọnị ọnị vavọọ re ẹtẹ nị.

Ezikẹẹrị 20:1

Ezikẹẹrị ka, ịhị ẹ tụ ọ ẹkụhị ẹẹwụ ịnị ụhwẹ ẹẹhị, ịnị ịrayị ọhụhịmba ana a kụ ẹnị ve hi Ịbabịrọnị, ọdọvịdị Anisirẹrị nịnị ẹnyị ệ kụ ẹngụ ve tu ọnị. Ẹnịnị ệ va yaatụ pe ọnị ka, ọnị ò pe ẹnị họ̀ Ẹnẹyịmavara use ka, sị́ ó sì ka ẹnị ẹ̀ mẹ?

Ezikẹẹrị 25:17

Ọnị àa họ̀ oponu ịrẹsụ ẹnịnị vị ọnị ọnị vaa sị ụyaa rị wa ẹtẹẹtẹrẹ. Ẹnịnị vaa yẹ ọnị mẹẹ kụ ayị. Dị ẹ̀ yẹ ka ọnị ọ vị Ẹnẹyịmavara nị.

Ezikẹẹrị 26:2

Ozi ọza, ịsị Anitaya nịnị hụvị anị aa jẹ ịrajẹ yị o. Ẹyaa jẹ ka asị oze ọbanyị ana a zịị̄ ngụ Ijerusarẹmị gara ha. Oze anị ọ sị na hi ẹtẹ yị ọnị. A mẹ sị Ijerusarẹmị gara ha aanị, ọnị kụkụ ee vee re mẹ.

Ezikẹẹrị 27:27

Ịjị ahị vavọọ gara ẹpa awụ nịnị ha, avaba ịsị ohu awụ nịnị ana vị ogu awụ nịnị, avaba aza ana ngụ ẹpa awụ nịnị aa jịnẹ, Ikahunta nịnị enee tenyi ẹpa awụ nịnị, ẹnịrị ẹnị osohu nịnị, beri avaba isoja ene hi ịnị ẹpa ọnọọ vị ene vú ẹtẹ.

Ezikẹẹrị 28:1

Ezikẹẹrị ka Ẹnẹyịmavara ộ kà a yị ọnị ka,

Ezikẹẹrị 29:1

Ezikẹẹrị ka, ịhị ẹ tụ ọ ẹkụhị ẹwụrẹva ịnị ụhwẹ ẹẹwụ ịnị ịrayị ana tụ ọ ịrayị ẹẹwụ ana a zá ẹnị ve hì Ịbabịrọnị, Ẹnẹyịmavara ộ kà a yị ọnị ka,

Ezikẹẹrị 29:17

Ezikẹẹrị ka, ịnị ẹkụhị ịpaapa, ụhwẹ ịpaapa ịrayị ana tụ ọ ịrayị ohurịhịmba ana a za ẹnị ve hi Ịbabịrọnị, Ẹnẹyịmavara ộ kà a yị ọnị ka,

Ezikẹẹrị 30:20

Ezikẹẹrị ka ịnị ẹkụhị ịhịmba, ụhwẹ ịpaapa ịrayị ana tụ ọ ịrayị ẹwụrọnya ana a za ẹnị ve hi Ịbabịrọnị, Ẹnẹyịmavara ộ kà a yị ọnị ka,

Ezikẹẹrị 8:1

Ezikẹẹrị ka, ịnị ẹkụhị ọhụhị ụhwẹ ịhịnọnyị ịnị ana tụ ọ ịrayị ịhịnọnyị ana za ohinọyị Ijehoyakimi ọrịhị, azọkụ-azọkụ Anijuda nịnị ana a za ọrịhị ne hi Ịbabịrọnị ệ yaatụ pe ọnị ịnị eehi anị, kẹnẹ, dị ụkata Ẹnẹyịmavara Ohomorihi vana vẹ ọnị ịrẹsụ nị.

Ihoseya 9:13

Ọnị vịdị e re Isirẹrị ka o zoza anka ọsọchị ana aa hụ ịnị ẹtẹ zoza avọọ, ama booro aanị ẹnịnị ụvọta ẹ kụ́ ezi ẹnịnị tụ́ ẹhẹ ka aa wụ̀ wa nị.

Emọsị 1:9

Ẹnẹyịmavara kà ọnị aa pa ịva yị Anitaya agụvị ebira odivi odivi ọnị ệ mẹ̀. Ẹnịnị ê va jịnẹ eku ọnị ẹnịrị aza anị hị́ yị ẹngụ dị ẹ za wa ọrịhị ne chire Anedomi nịnị ụvọ nị. Ẹnịnị ẹ yị mẹ e sị rị.

Ịzakaraya 9:2

Ọ kà Ihamati ana gụrị Ihadiraki rẹ vị anị. Avọọ ẹkụra Ịtaya ọnịrị Ịsịdọnị beri eyohweyi anị.