Ezikẹẹrị 24:9 - IWE ỌNỊNỊ

⁹ Ẹnẹyịmavara Ananyị ụkata hu ka: Ẹkụra ọwọza nịnị ọnọnị ọ sị da! Ọnị ụvọta vaa kụ ọkụụ gụ agụvị ẹnịnị.

Ezikẹẹrị 24:9 ပူးပေါင်းရင်းမြစ်များ

Ihabaku 2:12

Ọ yị vee zee yị wa agụvị ebira odivi ẹnịnị ọnịrị anya ọza beri ogu onogu ẹnị ẹ sị da ẹkụra ẹnịnị nị.

Ezikẹẹrị 24:6

Ịsị Ẹnẹyịmavara Ananyị ụkata hu aa kà yị: Ẹkụra ọwọza nịnị ọnọnị, ọ sị da! Vị́ ọ sị mẹẹ anka ụnọkọ enyusẹ ene kurẹ dị ọza ẹ̀ yị hárá avọọ nị. Â tụ̀ uye ikonyi ikonya hụụnị anị pooro, uye ộ ta.

Ayịsaya 30:33

O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 16:19

Dị ẹkụra ọbanyị ọnọọ che hi oze ẹẹta nị. Dị ẹkụra avaba ẹhẹ hyẹdụ va hi ẹtẹ nị. Ohomorihi ọ́ọ tamayị ẹkụra ọbanyị Ịbabịrọnị ọnọọ, dị ọ ká ọyịkụ ọbanyị anị tụ́ ini ako yọ ka ò hú ọọ nị.

Ẹtore 16:6

Ệ wụ̀ aza awụ beri ọnịsẹ awụ nịnị, dị e che anya ẹnịnị sẹ́ ẹtẹ nị. Ẹwa rẹ raà sị anya yị wa ka èe hụ́ ọọ. Ịsị ẹ vọrọ tụra wa gẹdẹ-gẹdẹ ọ vị ọnọọ nị.

Ẹtore 14:20

Dị a kwọrọ ẹtụtụ ẹnẹẹ ị́rẹma ẹkụra nị. Dị anya ee sìi hụụnị ụkọ ọnọọ ẹtẹẹtẹrẹ nị. Óo sì gọdọ gụ ahụ akahịnta (1,600). Ọ́ọ nẹba tù irenu umaata.

Ijudi 1:7

Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

Ịnahụmị 3:1

Ụ vaa daa re ẹkụra ana wụ̀ aza ha, ẹkụra ọ dọ ọọza mẹ anị, ẹkụra evene, ẹkụra ọnị ako ọnịrị ezigi ẹ yị ma ta hụụnị anị!

Ezikẹẹrị 22:31

Avọọ, ọnị vaa kụ ayịị hi wa, agụvị avaba ịsị ẹnẹ ẹ́ mẹ; dị ọnị sị ọyịkụ-ọyịkụ vu wa ẹtẹ anka ịra mee vu ịsa ẹtẹ avọọ. Ọnị Ẹnẹyịmavara Ananyị ụkata hu, ọ ka avọọ nị.

Ayịsaya 31:9

Angwahi vị ana vaa dị waa hụụ ịzị ẹ vịdị naa tẹ ka asị a nyị ịsị ẹ kanyị ẹnị. Ọga isoja ẹnịnị ọ̀ọ maanị sị eyi re ịrẹkụ kẹnẹ dị angwahi ngụ ọ ẹngụ. Ịsị Ẹnẹyịmavara kà ọ vaa mẹ ọ vị ọnọọ nị. Ẹnẹyịmavara ọnọọ á aā yà Ijerusarẹmị hẹkẹ, dị aa sị ịsaa mẹ̀ ịsọvọ dị a rị ọ ịra ịzọọ yọ nị.

Ezikẹẹrị 24:10

Ọ kà wa kụ ọkụ vẹ hu avọọ nịnị! Hu ahị hi ịra ọnọọ nịnị! Chịnẹ uye ọnọọ nịnị! Và enyi uye anị ha nịnị, dị wa rị ẹchụkụ anịị ịra nịnị.

Ezikẹẹrị 21:2

Ozi-ọza, ọnị ọ̀ và eyi ka Ijerusarẹmị, dị ọnị ò tụ ọ ohuvọ. Ọ kà ọnị ọ̀ tụ ịzị ẹ yaa mẹ ahẹkẹ ohuvọ; dị ọnị ọ̀ kà ẹtẹ Isirẹrị ọnọ ka

Ezikẹẹrị 21:3

Ọnị, Ẹnẹyịmavara ọ́ sị vara ọnịvị awụ nịnị o, ọnị vaa tụ̀ ụhwọza anị, dị ọnị wụ̀ avaba awụ nịnị ha, hi ọza ọyịza, hi ọza odivi awụ nịnị.

Ezikẹẹrị 22:2

Ọnị ozi-ọza, ọnị oo tenyi ẹngụ ka ọnị aa mẹ̀ ọkarẹyị yị Ijerusarẹmị agụvị aza ana aa wụụ ha ịzọọ aanị? Ọnị ọ̀ sị zụ̀ wa gedebee avaba ịsị edivi ẹnẹ ẹ yaa mẹ.

Ezikẹẹrị 24:5

Uye ẹnẹ ẹ vaa sị ọ̀ vị uye atẹmẹ ene zoza hu kere-kere. Ẹnịnị è che ọkụ hi iruvo ụnọkọ ọnọọ ẹtẹẹtẹrẹ. Navọ enyi anị ọ̀ há; dị à hụ ẹchụkụ ọnịrị uye ẹnẹẹ.