Ezikẹẹrị 22:4 - IWE ỌNỊNỊ

⁴ Waa rị ịvị nịnị agụvị aza ọnị ụ wụ nịnị, dị ori ọnị ụ mẹ nịnị rẹ sịị ụ nịnị du ẹngụ nị. Agụvị avọọ, ụmẹ awụ nịnị aa vẹ, eyi awụ nịnị ọ sị nị. Ịsị ẹ mẹ ka ọnị ọ̀ mẹ ka anẹkụra ana vọ nịnị ẹẹ kụ́ wụ nịnị isiya, di ee nyị wu nịnị unyi ọ vị ọnọọ nị.

Ezikẹẹrị 22:4 ပူးပေါင်းရင်းမြစ်များ

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

2 Ohinọyị 21:16

Ịmanasẹ ộ wụ̀ aza ọrụrụ-ọrụrụ ẹnẹ ẹ yị nyị ịsị ọ mẹ̀, dị ee sí chava avaba aha Ijerusarẹmị nị. Ịrẹma ịvị ọnọnị, dị ọ rẹ mẹ ka aza ene hi Ijuda ẹ mẹ̀ ebira odivi ọvịdị Ẹnẹyịmavara nị.

2 Ịtọpa 7:20

dị ọnị kụ́ wa hụụnị ẹtẹ ọnị ọnị vịdị sị yị wa, dị ọnị kara ụvọ hụụnị irehi anị ọnị ọnị sị tụ́ irenyi ka aa hẹkẹ ọnị ịzọọ. Avaba aza vị ana vaa sị wa mẹ̀ isiya, dị ẹ yaa si eyi wụ́ wa.

Ahẹ Ụgama 79:4

Anokokooro ayị ana ra kara yị vị ana kụkụ aa sị yịị mẹ̀ isiya, di e yee nyị yi unyi.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 24:9

Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Ezikẹẹrị 16:57

dị ebira odivi awụ va sị wu iruvo tụ ẹhẹ? Ẹwụrị ọ ọ́ sị vị ọnyọọnya booro aanị. Vị Anedomi nịnị, Anihwirisiti nịnị ọnịrị anẹkụra ana vọ kara wụ, ene e yi sì ịrẹyị awụ, kụkụ aa mẹ wụ isiya booro aanị nị.

Ezikẹẹrị 21:28

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ọọ kà ịsẹ. Ọnị ọ̀ nọọ yị Anaamọnị nịnị anaa kụ Anisirẹrị nịnị ụhụ aanị, ịsị ọnị ọnị Ẹnẹyịmavara Ananyị ụkata hu aa kà. Ọ kà, ọnị ọ̀ kà a yị wa ka, asị ụhwọ tụ̀ a vaa wụ̀ aza. Asị ọ ne, dị a da ịsa sisi ọ ka ọọ za nyoonyo anka ịnyanya avọọ nị.

Ezikẹẹrị 22:2

Ọnị ozi-ọza, ọnị oo tenyi ẹngụ ka ọnị aa mẹ̀ ọkarẹyị yị Ijerusarẹmị agụvị aza ana aa wụụ ha ịzọọ aanị? Ọnị ọ̀ sị zụ̀ wa gedebee avaba ịsị edivi ẹnẹ ẹ yaa mẹ.

Ezikẹẹrị 23:32

Ụ vaa sị ako ụyọrị onyeyiza awụụ hú enyi. Ako ọnọọ ọọ nyịnẹ, dị ọ gana nị. Aza vee nyị wu unyi, dị ẹyaa mẹ wụ isiya agụvị ka ụya ana ya ịnị ako ọnọọ ọọ dẹngụ.

Ezikẹẹrị 23:7

Ọnịrị avaba ọdọvịdị isoja Asiriya ẹẹ sẹ̀ ịrẹka nị. Ịrẹkọyịsẹ ọnọọ ọ sị ọ naa mẹ ori Anasiriya nịnị, ọnị ọ sị me ẹngụ anị ọsọọsa nị.

Ezikẹẹrị 24:7

 wụ̀ aza ịnị ẹkụra Ijerusarẹmị, ọza ẹ̀ yị jị wa hi ini eteesu dị a zụ ku ezi ku ọ. Ịrẹsụ ịda a jị wa hi nị.

Ezikẹẹrị 24:8

Ẹnẹyịmavara kà ọnị ộ navọ ọnọọ tụ ịzọọ ka asị ọ tẹ̀. Anya ọnọọ yà ịzọọ aa kà a ka ọnị sị ọyịkụ-ọyịkụ họ̀ oponu ịrẹyị ẹnịnị.

Ezikẹẹrị 36:15

Ọnị ẹ́ yị ma vana zẹẹ ka ẹwụ ẹtẹ ọnọnị ọ̀ wụ ụhụ ọnị anẹkụra ana vọ aa kụ̀ wụ. Ọnị ẹ́ yị ma vana zẹẹ ka anẹkụra ana vọ nịnị ẹ̀ mẹ̀ ụhị nyị wụ. Ọnị Ẹnẹyịmavara kà, wẹ́ yị ma vana dọ anẹkụra awụ ezi wụ.

Ịdanịyẹrị 9:16

Ẹnẹyịmavara, anka ụ mẹ mẹ̀ ịzẹyịza hi yị ịyẹẹyẹ navọ a sị ụ kụkụ kụ ayị hi Ijerusarẹmị huni aanị. Ẹkụra awụ ọnị ụ yaā sị ẹngụ awụ zụ ọ vị nị. Ama agụvị ebira odivi ohiku ayị nịnị, Ijerusarẹmị ọnọọ ọnịrị aza awụ avaba anẹkụra ana kara a kụkụ a sị mẹ enyinyi aanị nị.

Ireevi 26:32

Ẹnẹyịmavara kà ọnị vee vú ẹtẹ ẹnịnị ẹtẹ saka-saka dị evu-ẹtẹ ọnọọ za ọnịvị nịnị ene ve hi ịzọọ zizi.

Ịrịka 32:14

Dị Imosiisi kà, Anirubẹnị ọnịrị Anigadi ẹnẹẹ vị ana sị mẹ̀ anka ohiku ẹnịnị. Ẹ yaa mẹ̀ ebira odivi ana rẹẹ̀ vaa mẹ̀ ayị kụ́ Ẹnẹyịmavara hị́ Anisirẹrị nịnị.

Iwe Ọhụhị Imosiisi ana aa hị́ Ọyịvatụrọda 28:37

Anẹkụra ana vọ èe re ịsị ẹ mẹ wụ nịnị, ọ vaa za waa zizi ẹtẹẹtẹrẹ. Ẹnịnị vị ana vaa kụ́ wụ isiya, di e yee nyị wu nini unyi.

Iwe Ọhụhị Imosiisi ana aa hị́ Ọyịvatụrọda 29:24

Ịjọnọọ avaba anẹkụra ana vọ ịnị ẹhẹ vee họ̀ use ka sị ẹ vẹ dị Ẹnẹyịmavara maanị mẹ ẹtẹ awụ nịnị? Sị ẹ vẹ dị ọ maanị nyayịnẹ kụ́ ayị?

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.