Ezikẹẹrị 10:2 - IWE ỌNỊNỊ

² Ọ kà Ohomorihi ộ kà a yị ọza ana kụ ẹnya ọvwọọvụ hi ẹngụ ịjọọ ka, ọ̀ nọ ịnị akakana ịsị e vene ahụ ụkẹkẹ ana yà akẹtẹ icherubi nịnị ẹnẹnị, dị ọ̀ na nyị akịna rị ụvọ hụụ ịzọọ. Ọ kà ọ̀ọ sị akịna nyị, dị ọ̀ na gara a hi Ijerusarẹmị. Di oni re e ọ́ maa na nị.

Ezikẹẹrị 10:2 ပူးပေါင်းရင်းမြစ်များ

2 Ohinọyị 25:9

Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị.

Ahẹ Ụgama 140:10

Navọ ịra ọ̀ gara kú wa. Navọ è ne wa ngụ ịnị ahata dị asị ẹ kụkụ zụ kwẹẹtẹ.

Ahẹ Ụgama 18:10

Ịsa ana nyị avaka ana ahịka ahị ọọ tụra aa zị nị.

Ọyịkụra 25:18

Dị ụ sị igooru tụ́ icherubi ẹẹva,

Ayịsaya 30:30

Ịjị Ẹnẹyịmavara aa kà ịrẹyị ịnị ụbanyị ẹngụ anị, ọ vaa mẹ ka aza ẹ̀ wụ́. Ọ rẹ vaa mẹ ka ẹ̀ yẹ ka ayị aa kụ́ ọnị. E vee re ọ́ màa sị ụkataa kụ́ ayị ka ọyịkụ ọnọọ ộ ngụra ẹtẹẹtẹrẹ. Eguhi vị ana aa dà, dị apaana ihinẹba aa há, dị ata ihinẹba aa zụụ hi ẹtẹ.

Ezikẹẹrị 1:13

Ezikẹẹrị ka ọnị ô re ịsị ẹ sị mẹẹ anka ịra akịna à vị ozotupa anaa zẹtẹ chanyị-chanyị avọọ ịnị akakana ịsa ẹyịna anaa tụ ụhwẹ aanị. Ịra ọnọnị vị anaa zị ụsẹẹ vaa chi vahịrẹ ngụ ịnị akakana ịsa anaa tụ́ ụhwẹ aanịị zị, dị aa rị ịnyaanya veeve nị.

Ezikẹẹrị 10:16

Ịjị Icherubi ẹnẹnị ẹ̀ẹ zị ụsẹ, dị ịsị ẹ sị mẹẹ ahụ ụkẹkẹ aanị aa dụ wa akaha-akaha. Ịjị ẹnịnị ẹ̀ẹ kụ̀rà avaka ka ẹnị è hira tụ ẹba dị ịsị ẹ sị mẹẹ ahụ ụkẹkẹ aanị vavọọ yịị yà akaha ẹnịnị.

Ezikẹẹrị 9:11

Dị ọza ana kụ ẹnya ọvwọọvụ hi ẹngụ ịsọọnị vavẹ dị ọ va ka ụtụ yị Ẹnẹyịmavara kà, ọnị ọ raa mẹ ịsị ọ ka ọnị ọ̀ na mẹ nị.

Ịdanịyẹrị 7:9

Ịdanịyẹrị ka ọnị mee re ẹtẹ, dị ọnị re ka ê to aga ohinọyị nịnị hi ẹtẹ nị. Dị ọnị re ka ọza ana ya ịzọọ hụrị ụmọrụmọ ka ộ va yaatụ ịnị aga ẹnẹẹ ọnya nị. Ịta ọnị ọza ọnọnị kụ hi ẹngụ vị ọvwọọvụ sẹnẹ-sẹnẹ, dị ẹyịrẹsụ anị â vwẹtẹ anka owu oyiche avọọ nị

Ẹtore 8:5

Dị anggẹẹrị ọnọọ nyị ịra hụụ ịrẹsụ ụta ọnọọ tụ́ ịnị ẹnya eturare ọnọọ ohihi, dị o ne e na ngụ ẹhẹ nị, Dị apaana ihinẹba aa sụ́ wara-wara, dị ịrẹka aa sụ́, dị ịnyanya aa rị vee-vee, dị ẹtẹ ee henyi jigi-jigi nị.