Ẹtore 9:8 - IWE ỌNỊNỊ

⁸ Ẹyị ẹnịnị vị ana sị mẹẹ anka ẹyị ọnyẹnẹẹ avọọ, dị anyị ẹnịnị yà anka anyị idu avọọ nị.

Ẹtore 9:8 ပူးပေါင်းရင်းမြစ်များ

2 Ohinọyị 9:30

Ijehu ộ va ngụ Ijezirẹẹrị, Ijezebẹrị ộ vịdị raà wụ ịsị ẹ mẹ, dị ọ mẹ ọvị nị. Ộ da ịsa sisi eyi anị, di o tenyi ẹyị anị ẹtẹẹtẹrẹ nị. Ini irehi ohinọyị ọnị ọ yà, dị o zi oze ini ozokete ee re ịsị aa na oze nị.

Ahẹ Ụgama 57:4

Aza ana kara mị vị ana yà anka idu avọọ Ẹnịnị vi uye odivi ana aā na ọzaa rị Ẹ zụ sị ịrẹyị irenu ẹnịnị wụ̀ ọza obobooro anka ụhwọ Ịrẹyị ẹnịnị ọ zụ wụ̀ ọza anka ọpa ọnịrị ọha mẹ̀ẹ wụ̀ ọza avọọ.

Ayịsaya 3:24

Eturare e vịdị sii sisi ẹngụ nị, ama ẹngụ ẹnịnị kụkụ vaa ngụ agụ odivi. Ẹnịnị ẹ yị kụkụ vaa sị ịbanụ za ọtẹ, ama ẹda ana a sị tụ́ ọrịhị avọọ ẹ vanaa sịị za ọtẹ nị. Ẹyị ẹnịnị ene vịdị nyị ọyịza-ọyịza vaa ta, dị ẹ kụkụ kụ́ ọmarị. E yi kuku vee re ịta ozozaa kú ẹngụ, ụsẹ ẹ vanaa za nị. Ọvị ẹnẹ ẹ vịdị aa mẹ avọọ, ụhị ọ vanaa dọ ọ ịrẹsụ nị.

Ijowẹrị 1:6

Otomiroku akụvarịva e reè du ẹtẹ. Ẹnịnị ẹẹ rụrụ, dị ẹ nyị ụkata ẹnẹmẹhị nị. Anyị ẹnịnị ẹ nyị ụkata dị ẹ rẹ anka anyị idu avọọ nị.

Aniroomi 9:29

Ayịsaya ọ rẹ vịdị kà a ka, “Ẹ̀ yị vị oni Ohomorihi Ochẹtẹngụ navọ aza chee yị, ị yaanị kụkụ sị mẹẹ anka anẹkụra Isodọmị avọọ nị, dị ị rẹ yà anka anẹkụra Igomora.”

1 Itimoti 2:9

Mi ree sì ka anẹẹ nịnị ẹ̀ẹ kụ́ ẹhwị ẹnya, anka ọ mẹ̀ vọrọ tụra ọnyẹnẹẹ, dị ẹ̀ sị eyi pe ẹngụ ẹnịnị ịnị anị. Asị ẹ rẹ̀ mẹ ọvị ahaahara, ẹhụụ ẹyị ọkajuwa oyigu, àa vị igooru ọnịrị uweyi ọkatarihi ọyịhara hi ẹngụ, ọnịrị achị ẹbanyị-ẹbanyị!

1Ipita 3:3

Asị ụ sị ayị tụ́ ịnị ọvị ahaahara ọyịmẹ̀, ẹhụụ ẹyị ọkajuwa oyigu ọnịrị igooru ọ̀yịhara hi ẹngụ beri ịta ẹbanyị-ẹbanyị ọ̀yịza kẹnẹ.