Ẹtore 9:4 - IWE ỌNỊNỊ

⁴ A ka asị ẹ kanyị avị ene hi ẹhẹ, asị ẹ kanyị ịsa ohwoohu ọnyọọnyị, dị asị ẹ rẹ kanyị ọchị ọnyọọnyị! A ka ẹnịnị èe che aza ẹnẹ ẹ̀ yị nyị apọtẹrẹwa Ohomorihi tụ́ ini ibe ẹnịnị.

Ẹtore 9:4 ပူးပေါင်းရင်းမြစ်များ

Ijoovu 1:10

Wee sere ọnịrị aza anị ne beri ogu ọnị ọ nyị. Dị ụ mẹ ka ẹhẹ anị oo zee yọ nị. Dị ọ ka Ẹnẹyịmavara ò re ogu ọnị Ijoovu nyị aanị.

Ijoovu 1:12

Dị Ẹnẹyịmavara kà ooho! Echu ọ na mẹ ogu Ijoovu o me zee eyi, ama asị ọ sị ụvọ kanyị ọ. Dị Echu hụrị ịzọọ aa na nị.

Ijoovu 2:6

Dị Ẹnẹyịmavara kà ooho! Echu ọ na mẹ ọchẹngụ Ijoovu oo me zee eyi, ama asị ọ dọ ụhwẹ.

Ahẹ Ụgama 76:10

Aza aa kụ́ ayị ọnọọ vị ana vaa mẹ ka aza ẹ̀ẹ sị ụbanyịị wụ, dị aza ana vọ ana aa kụ́ ayị za ụvọ chire enyi nị.

Ọyịkụra 12:23

Ọ kà ịjị Ẹnẹyịmavara aa ngụ Ijipiti di aa wụ ozi ọzọkụ ẹnịnị nị, o vee re ọnọọ ini ihweremi oze ẹyịva ọnịrị ịnị ọbana oze, dị ọ para oze ọnọọ hu. Ọ kà ọ yị vaa zẹẹ ka ọwọza ọnọọ ọ̀ ngụ ini eehi na wụ̀ ọza.

Ezikẹẹrị 9:4

Ọ̀ ngụ avaba Ijerusarẹmị zịịzị, avaba aza enee du ayị agụvị ka aza aa mẹ ịsị aa nyị ọnị ịhyẹrẹ aanị ịnị ẹkụra, dị ọ̀ tọ̀ wa ịrẹwa ịnị ibe nị.

Ezikẹẹrị 9:6

Ọ kà, ẹnịnị ẹ̀ wụ ọnọrụ ọzọkụ-ọzọkụ, dị ẹ̀ wụ ezwọọmụha. Ẹnịnị ẹ̀ wụ ezwoorihi, ọnyị ozi nịnị ẹnịrị ezweyi bẹẹ. Ama asị ẹ́ kanyị ọza ọnyọọnyị ana a raa tọ̀ ịrẹwa ịnị ibe. Ọ kà ẹnịnị è nyima hụụnị irehi ọnị Ohomorihi Ịzẹyịza dị é nyima hụụ ịrẹsụ ẹnị ọdọvịdị ana jẹẹ ịnị Irehi Ohomorihi ịzọọ nị.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Anẹhwẹsọsị 4:30

Asị ụ mẹ ka ayị Ụhwẹ Ọnịnị Ohomorihi ò du nịnị! Ụhwẹ Ọnịnị oni Ohomorihi sị wụ nịnị vị apọtẹrẹwa ana sị zụ̀ ka ẹkụhị aa vẹ oni Ohomorihi vaa sị dọ wụ nịnịị há.

Ẹtore 14:1

Dị mị kana eyi nị, re, Ozi Atẹmẹ ọnọọ ọ́ọ jẹẹ ịrẹsụ Ataba Ịzayọnị. Dị aza ẹnị akawụ-akawụ oze ẹtarẹwụ tụra ẹẹva (144,000) jẹẹ pee nị. Áa chẹrẹ ịrẹha Ozi Atẹmẹ ọnọọ ọnịrị ịrẹha Ada anị tụ́ ini ibe ẹnịnị.

Ẹtore 6:6

Dị mị wụ́ ịrẹyị ẹnyị aanị anka ọngwẹ avọọ ịnị akakana ịsa ẹẹna ẹnẹẹ ana nyị ụhwẹ nị. Dị ọ ka: Akụ ẹnya ọnya vị Ịnayịra ẹẹva, apaapa ẹnya ẹẹta rẹ vị Ịnayịra ẹẹva. Asị ụ zẹẹ ka angwẹ ọnịrị eche ẹ̀ zwọ!

Ẹtore 7:1

Ịjị ịsa ẹnẹẹ sị mẹ kwooze, di mi re anggẹẹrị ẹẹna, ẹ mẹ̀ jẹẹ eyi ẹẹna ẹnẹ ẹhẹ kụ́ ịrẹsụ gẹ nị. Dị ẹ za ahị eyi ẹẹna ẹhẹ ka asị ẹ tụ́ ku ẹhẹ, àa vị oku, àa daka vị ọchị ọnyọọnyị.

Ẹtore 8:7

Anggẹẹrị ịpaapa ô hú ọpanyị anị. Dị ata ihinẹba ọnịrị ịra và hura anya aa zụ̀ụ hi ịnị ẹhẹ nị. Dị achẹta ẹhẹ rị ịra, dị achẹta avaba ọchị rị ịra, dị avaba ohwoohu rẹ rị ịra nị.