Ẹtore 9:3 - IWE ỌNỊNỊ

³ Dị akụvarịva nịnị jịnẹ hụụnị areyi ọnọọ hi ẹhẹ nị. Dị a sị ụkata yị wa anka iku ene hi ịnị ẹhẹ avọọ nị.

Ẹtore 9:3 ပူးပေါင်းရင်းမြစ်များ

1 Ohinọyị 12:11

Kà ẹ yị wa ka ịzẹyịza ada awụ ô kune ẹnya ọrata tụra wa, ama ẹwụ vị ana vaa dà tụ́ ịnị ẹnya ọnọọ. Dị ụ rẹ kà a tụ́ ọ yị wa ka ada awụ vị ana sị ịjapa tụ́ wa, ama iku ẹwụ ve sii che wa nị.”

2 Ịtọpa 10:11

Ẹ kà Irehobowami ọ kà a yị wa ka, ọnị vị ana vaa nyị tụ́ ịnị ẹnya orata ọnị ada anị kune yị wa. Inori ada anị sị tụ́ wa nị, ama ịjapa umaata ọnị vee sii tụ́ wa nị.

2 Ịtọpa 10:14

anka ezwọọmụha mẹ sị ajuwe yọ. Ộ kà a ada anị vị ana kune ẹnya ọrata kẹnẹ tụra wa, ama ọnị vị ana vaa nyị tụ́ ọ. Inori ada anị sị tụ wa nị, ama ịjapa umaata ọnị vee si tụ́ wa nị.

Ayịsaya 33:4

Ẹwụ nịnị anẹkụra aza vị ana vaa sùu kú ogu awụ nịnị dị ẹ kụ́ ọ anka akụvarịva mèe sùu kú avị avọọ.

Ezikẹẹrị 2:6

Ẹnẹyịmavara kà, ama, ọnị ozi-ọza, asị ọnị hí angwa ẹnịnị o. A sị ọnị hí angwa ịsa tụra ịsa ọnị ẹẹ ka ẹnịị kà. Ọ kà ẹnịnị vaa sị eyii wụ̀ ọnị, dị ẹnịnị ẹ yị sị ụbanyị yị ọnị; vị́ ọ́ vaa sị mẹẹ anka ọza oo rere ra ịnị akakana iku nịnị avọọ nị. Asị ọnị hí angwa aza ẹnẹẹ anaa kụ̀ụ hịrẹ ọza avọọ. Asị ọnị hí angwa ịsa tụra ịsa ẹẹ ka ẹnịị ka.

Ijowẹrị 1:4

Ọkọnị akụvarịva tụra ẹngụ tụra ẹngụ vaa chaka hi wa aarẹ; Avị ọnị ọba ẹnyị rị vọ, dị ọba ọsa va rị avaba ana vọ za ẹtẹ.

Ijowẹrị 2:25

Ẹnẹyịmavara kà ọnị vaa va ịsa ana mẹ wa ihi ịnị ụmẹ ọnị akụvarịva sị rị ịsa ịnị aarẹ ẹnịnị ịrẹma yị wa.

Ịnahụmị 3:15

A vaa rị wa ịra, à vị dị aa sị ụhwọ sẹ wa. Aa vaa hụ́ wa anka akụvarịva mẹẹ̄ rị ịsa ịnị aarẹ avọọ. Ẹ yị nyị ẹnịnị mẹmẹ sị rụrụ.

Ịnahụmị 3:17

Ọkụrẹkụ ọnịrị ọdọvịdị Anininivẹ vi ene vee zwe anka akụvarịva ana tara ku ọvọ ịnị ụmẹ ahị avọọ. Ama ịjị ọyị ọ̀ọ da eyi zụ́ kẹnẹ, di e hira nọ ịzị ọza ẹ yị yẹ.

Iruuku 10:19

Re, mâ sị ụkata wụ nịnị ka waa kụ́ ahụụ hi ẹwụ ọnịrị iku, dị ụ wa rẹ zụ nyị ehuna ụkata Echu nịnị. Ẹ yị nyị ịsị ẹ va zụụ mẹ wụ nịnị.

Iwe Ọhụhị Imosiisi ana aa hị́ Ọyịvatụrọda 8:15

Ẹnẹyịmavara ộ zụ nịnị oze jịnẹ ụnọmị odivi ịzị ẹ́wụ́ odivi, ọnịrị uku hi nị, ịnị ẹtẹ ọyịwụ ịzị ẹ yị nyị enyi, ộ mẹ̀ ka enyi o si hụụnị ịda yị wụ nịnị nị.

Ẹtore 9:5

A rẹ ka asị ẹ wụ̀ aza ẹnẹẹ, ama ẹ̀ yịị sị ụyaa rị wa pooro mẹ ụhwẹ ẹẹhị. Èe che ọza, dị aa zị ọza anka iku òo rere che ọza avọọ.

Ẹtore 9:7

Akụvarịva ẹnẹẹ vị ana sị mẹẹ anka umaata ene e tenyi tịtẹ ka à sị na kụ̀ ịrẹkụ avọọ. Ệ nyị ịsa ẹnyị aanị tụ́ ịrẹsụ ana sị mẹẹ anka ọkẹkẹrẹkụ ana a sị igooru mẹ avọọ. Eyirẹsụ ẹnịnị vị ana rẹ sị mẹẹ anka eyirẹsụ ọza avọọ.

Ọdọvịdị 7:12

Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄.