Ẹtore 9:16 - IWE ỌNỊNỊ

¹⁶ Â kà a mị ịrịka isoja nịnị onumaata ẹnẹẹ. Ẹnịnị vị akawụ-akawụ oze ẹchẹhị (200,000,000).

Ẹtore 9:16 ပူးပေါင်းရင်းမြစ်များ

Ahẹ Ụgama 68:17

Ananyị yị ọ raà hụrẹ Ịsịnayị vẹ va ngụ ini eehi anị. Ộ nyị ịkẹkẹ ịrẹkụ oni umaataā tura. Ệ rụrụ ẹnẹmẹhị, ọza ọ yị zụ za wa ịrịka.

Ezikẹẹrị 23:6

Onyeehi anị ẹnẹnị vị isoja nịnị ẹnịrị aza ọkụmị-ọkụmị ana nyị udi ya. Ẹnịnị vị ezwọọmụha ọyịza-ọyịza ana wụra re.

Ezikẹẹrị 38:4

Ọnị vee jesi ọ kara ẹngụ, dị ọnị jị arị chire irenu, dị ọnị tụra ọnịrị avaba isoja anị hi ẹhẹ. Isoja anị nịnị beri umaata ẹnịnị ọnịrị ẹnị anaa tụra umaata ẹnẹẹ, ẹẹ dẹngụ. Isoja ọzọza vị ana sị ogonto ọnịrị ụhwọ rị ụvọ.

Ịdanịyẹrị 11:40

Ịjị ụmẹ ohinọyị Isiriya àa vaa gụ, ohinọyị Ijipiti vaa kụ ịrẹkụ ne tu ọ, ohinọyị Isiriya ọnọnị vaa sị avaba ụkata nọ ọ́ ịrẹvụ, dị ọ kụ ịkẹkẹ ịrẹkụ anị, umaata anị nịnị ọnịrị ẹpa ọrụrụ-ọrụrụ. Ọ́ vaa ha na ngụ ẹkụra ọrụrụ-ọrụrụ anka ọhaara mẹ̀ ẹ ngụ ẹkụra avọọ nị.

Ịdanịyẹrị 7:10

Dị ịra â dà wụụrụ ọvịdị anị nị. Ọkọnị aza ee ku ẹtẹ kụ ọ, dị aza otomiroku ẹnị rẹ jẹẹ ọvịdị anị nị. Ịjị ọmọkarẹyị nịnị sị yaatụ, dị ẹ hụ̀ iwe ana a chẹrẹ ịsa ọnị ọzọza mẹ hi ịnị anị nị.

Ẹtore 5:11

Dị mị rẹ kana eyi, dị mị wụ́ ọngwẹ anggẹẹrị ọrụrụ-ọrụrụ nị. Dị ẹnịrị ịsa ẹẹna ẹnẹẹ ana nyị ụhwẹ, beri azọkụ ẹnẹẹ jẹẹ kara aga ohinọyị ọnọọ nị. Anggẹẹrị ẹnẹẹ ẹ rụrụ ẹtẹẹtẹrẹ, ana ahịka ọza ọ yị zụ za ịrịka.

Ẹtore 7:4

 kà a mị ịrịka aza ana mẹ apọtẹrẹwa tụ́ ibe. Ẹnịnị vị ana hụrẹ ovwoovu Anisirẹrị vẹ, dị ẹ vị akawụ-akawụ oze ẹtarẹwụ tụra ẹẹva (144,000).