Ẹtore 9:1 - IWE ỌNỊNỊ

¹ Anggẹẹrị ọhụhị ô hú ọpanyị anị. Di mi re ka ụzọmị ọnya ộ jị hụrẹ ẹbẹẹba va nya ẹtẹ ẹhẹ nị. Dị a sị ụkọkọrọ ọbọbọọ yọ nị.

Ẹtore 9:1 ပူးပေါင်းရင်းမြစ်များ

Ayịsaya 14:12

Ho! Ẹwụ ohinọyị Anibabironi ọnị ịra anị vịdị aa za anka ụzọmị etumeyọnị avọọ, ẹwụ ọnọọ a maanị tụ́ ụvọ hụrẹ ẹbẹẹba va nya ẹtẹ aanị nịị? Ẹwụ ọnọọ wáá yị, ana vịdị maanị mẹ ehuna yị anẹkụra?

Iruuku 10:18

Dị Ijeesu ka, “Mê re, Échu mẹ̀ hụrẹ ẹbẹẹba anka ịnyanya avọọ.

Iruuku 8:31

Dị ụhwẹ echu ẹnẹẹ dá ịpẹ yị Ijeesu ka asị ọ dụ ẹnị na ngụ ini ẹkụra nị.

Aniroomi 10:7

Asị u re ne roo ka ẹnẹ vaa vaa chíi nọ ụvẹtẹ? (Ọnọọ vị ka dị ọ̀ na sị Ikirisiti hụụnị eku jịnẹ vẹ.)

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 11:7

Ẹ̀ẹ sị ịrẹyị ẹnịnị kà ta, dị uye odivi ana jịnẹ hụụnị ọbọbọ ọnọọ vẹ, ve pe wa kụ̀ ịrẹkụ. O vee huna wa, dị ọ wụ̀ wa.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Ẹtore 20:1

Mê re anggẹẹrị ọnya aanị ene ee chíi hụrẹ ẹbẹẹba vẹ. Ộ nyị ụkọkọrọ ọbọbọ ọnọọ rị ụvọ ọnịrị ẹba ọbanyị ọnya aanị.

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.

Ẹtore 6:13

Dị ụzọmị nịnị hụrẹ hụrị ẹbẹẹba va nya ẹtẹ ẹhẹ nị, anka ẹ́tụtụ ana aa tụ́ụ vẹ mẹ̀ẹ sụ̀, ahị ọbanyị òo henyi ọọ avọọ nị.

Ẹtore 8:10

Dị anggẹẹrị ọhụta oni re hú ọpanyị anị nị. Dị ụzọmị ọbanyị ọnya ana aa za giri-giri anka ịra avọọ jị hụrẹ ẹbẹẹba, di o ne ngụ achẹta irehu nịnị ọnịrị enyi ẹtẹ nịnị nị.

Ẹtore 8:12

Dị anggẹẹrị ọhụna oni re hú ọpanyị anị nị, dị a sị ịsa nya achẹta ọyị ọnịrị achẹta ụhwẹ ne beri achẹta ụzọmị nịnị, dị achẹta ẹtohweyi ẹnịnị sị hozi nị. Achẹta ụmẹ ọọdụ ọnịrị achẹta ịrahụ ẹnị ẹ yị rẹ kụkụ nyị ẹtohweyi.

Ẹtore 8:2

Di mi re anggẹẹrị ịhịmba ana jẹẹ ọvịdị Ohomorihi, dị a sị ọpanyị ịhịmba yị wa nị.

Ẹtore 9:2

Dị ọ na oze ọbọbọ ọnọọ, dị areyi dà va jịnẹ hụụnị anị anka areyi ọrịra ọbanyị avọọ nị. Dị areyi ana dà jịnẹ hụụnị ọbọbọ ọnọọ mine ọyị ọnịrị eguhi tịtẹ kẹnẹ nị.