Ẹtore 8:3 - IWE ỌNỊNỊ

³ Dị anggẹẹrị ọsa ana nyị ẹnya eturare ana a sị igooru mẹ vẹ, dị ọ va jẹ ẹ pe ụta nị. Â sị eturare rụrụ yọ ka ọ̀ và a hura aduwa avaba aza Ohomorihi, dị ọ̀ sị ọọ nọ ị́rẹsụ ụta ana a sị igooru mẹ ana yà ọvịdị aga ohinọyị ọnọọ.

Ẹtore 8:3 ပူးပေါင်းရင်းမြစ်များ

1 Ohinọyị 7:50

A rẹ nyị ako ọnịrị ịzị aā và aremi ozotupaa hi ne beri ẹnya ana a sịị̄ rị eturare ịra ọnịrị ịchacha ana a sịị̄ sị akịna. Dị a rẹ nyị ịsị ẹ si ukere gẹ oze ana na ngụ aha ọnịnị keekere ne beri ukere oze ajẹhẹ irehi ọnọọ nị. Avaba ịsa ẹnẹnị vị ana a sị igooru obooro mẹ.

Ahẹ Ụgama 141:2

Navọ wa dọ aduwa ọnị maa mẹ̀ anka ụ mẹ̀ẹ dọ eturare ana rị ịra mẹ̀ ịsọvọ wụ avọọ. Navọ m mẹ̀ tana ụvọ tụ́ ẹba aa mẹ̀ aduwa, wa dọ anka ụ mèẹ dọ ịsọvọ oruva ana mẹ wụ avọọ.

Ọyịkụra 40:26

Di Imosiisi sị ụta ana a sị igooru kú dị ọ sị tụ́ ịnị ajẹngụ ọnọọ nị. Dị ahịka ọvịdị ịta ana sị jị oze ọ sị tụ́,

Ayịsaya 6:6

Dị ọnya ịnị ịsa ịrịịra ẹnẹẹ sị apụka dị ọ sị akịna hụụnị ụta ịzị a yàa rị ịsọvọ ịra di o hira ve tù mi nị.

Ezikẹẹrị 41:22

Ụta ọnọnị ộ nẹba ẹ̀hụ ahụ ọnya rị ẹjịjị avọọ, dị ọ́ gana ẹ̀hụ ahụ ọnya avọọ nị. Ịzị o si hi ẹtẹ, ọgọgọ anị ẹyịna, ọnịrị akaha-akaha anị vị ana a sị ọchị mẹ Ezikẹẹrị ka ọnọrụ ọnọnị ộ kà a yị ọnị ka, ụta ọnọnị ọ vị itevuru ene e si hi ẹtẹ ọvịdị Ẹnẹyịmavara nị.

Emọsị 9:1

Emọsị kà ọnị ô rẹ Ananyị yị ka ò jẹẹ akaha ụta ịsọvọ. Dị ọ ka yị Emọsị ka o va ịsa hi ịrẹsụ irehi Ohomorihi ẹnẹẹ ẹtẹẹtẹrẹ, di ohyẹtẹ ẹnịnị e ziizi. Dị ọọ chaka a, dị ọ wu za aza ene hi uruvo anị. Àa na nyị aza ana ha, dị ọnị wụ́ wa eyi ịrẹkụ, vaa nyị ọza ana va ha.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Ịrịka 4:11

Eerọnị ọnịrị ezi anị vaa sị achị onuvuru kú ụta ana a sị Igooru mẹ̀. Dị ẹ va ụtụmpaha ozoza kú ọ, dị ka ọchị ana a sịị̄ sị ọ ngụ ọ.

Ịrịka 7:62

Ẹnya igooru oweyi ọnya ana kụ eturare ohihi tụ;

Iruuku 1:10

Ịnị ụmẹ ana aā sịị rị eturare ịraa hi Ohomorihi, dị ọkọnị aza ana vọ ẹnị hi ẹhẹ aa mẹ̀ aduwa nị.

Aniroomi 8:34

Áá nyị ọza ana kụkụ zụ jị ịvị yị wa? Ẹ yị nyị, agụvị ka Ijeesu Ikirisiti, ô wusu yị wa. Ohomorihi ộ hyakụ rẹ sị ọọ ha kwẹẹtẹ hụụnị isu bẹẹ. Ọ kụkụ yà eyi ụvọrị Ohomorihi booro aanị. Aa dá ịpẹ ịrẹyị ayịị yị Ohomorihi.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Anihiburu 9:4

Ịsị a rẹ kụ́ hi ịnị ọnọọ yị: ụta ana a sị igooru mẹ ịzị a yàā rị eturare ịraa yị Ohomorihi, ọnịrị apoti ana aā hị́ apoti oto Ohomorihi ana a sị igooru kú avaba ịrẹma anị. Ini apoti ọnọọ â nyị ụnọkọ ana a sị igooru mẹ, dị a sị ịsọyịrị ana aā hị́ ịmana tụ́ ịnị ụnọkọ ọnọọ nị. Okutẹ Eerọnị ene nyị avị beri ịrẹta ẹẹva oni Ohomorihi chẹrẹ ọda tụ́ ịnị anị, rẹ yà ini apoti ọnọọ.

Ẹtore 10:1

Me re re anggẹẹrị ọbanyị ọsa ene ee chii hụrẹ ẹbẹẹba vẹ. Eguhi o si kú ẹngụ, dị ọgaazị jị karaa ịrẹsụ nị. Eyirẹsụ anị vị ana a sị mẹẹ anka ọyị avọọ, dị ahụ anị yà anka ịra nị.

Ẹtore 14:18

Dị anggẹẹrị ọnya aanị ana sị eyi pe ịra ịnị ụta hụụ ịzọọ vẹ nị. Di o nowu tụ́ ẹba kà ịrẹyị yị ana nyị ụhwọ ana rẹ avọọ nị, dị ọ ka, “Sị ụhwọ awụ, dụ wa sị há ẹtụtụ ịvayịnị ene hi ẹhẹ, agụvị ka ẹ́ẹ ta ví.”

Ẹtore 5:8

Ịjị ọ raà sị iwe ọnọọ, dị ịsa ẹẹna ẹnẹẹ ana nyị ụhwẹ, beri azọkụ ohurẹẹna ẹnẹẹ tana tụra ẹtẹ ọ́vịdị Ozi atẹmẹ ọnọọ nị. Avaba ẹnịnị ệ sị ịsa a sịị̄ jị ahẹ ene véné igita rị ụvọ, dị ẹ rẹ nyị ịchacha ọgana ana a sị igooru mẹ ene eturare ozoza yà ịnị anị nị. Eturare ọnọọ vị aduwa aza Ohomorihi.

Ẹtore 6:9

Ọ mẹ̀ rẹ hụ̀ ịsa ọhụhị ana a sị vá iwe ọnọọ, di mi re ụhwẹ aza ana vịdị sị wụ agụvị ịrẹyị Ohomorihi ẹnẹ ẹ dọ wụ dị ẹ rẹ yaa kà a e mè hi iruvo ụta nị.

Ẹtore 7:2

Me re re anggẹẹrị ọsa ana hịrẹ hụrị eyi ọnị ọyịị̄ zịị hụrẹ vẹ. Dị ọ sị ịsa oni Ohomorihi ana yára sịị̄ sị ụvọọ tụ́ ịnị ịsa rị ụvọ nị. Dị ọ nowu hị́ anggẹẹrị ẹẹna ana a sị ụkata yị ka è du ẹhẹ ọnịrị eku ha nị.

Ẹtore 8:4

Dị areyi eturare ana aa rị ịra aanị dà, beri aduwa avaba aza Ohomorihi hụụnị ẹnya eturare ọnị anggẹẹrị ọnọọ sị rị ụvọ nọ ọvịdị Ohomorihi nị.

Ẹtore 8:5

Dị anggẹẹrị ọnọọ nyị ịra hụụ ịrẹsụ ụta ọnọọ tụ́ ịnị ẹnya eturare ọnọọ ohihi, dị o ne e na ngụ ẹhẹ nị, Dị apaana ihinẹba aa sụ́ wara-wara, dị ịrẹka aa sụ́, dị ịnyanya aa rị vee-vee, dị ẹtẹ ee henyi jigi-jigi nị.

Ẹtore 9:13

Anggẹẹrị ọhụhịnọnyị ô hú ọpanyị anị. Dị mị wụ́ ọngwẹ ọnya hụrẹ eyi ẹyịna ụta igooru ene e hi tụ́ ọvịdị Ohomorihi nị.