Ẹtore 8:12 - IWE ỌNỊNỊ

¹² Dị anggẹẹrị ọhụna oni re hú ọpanyị anị nị, dị a sị ịsa nya achẹta ọyị ọnịrị achẹta ụhwẹ ne beri achẹta ụzọmị nịnị, dị achẹta ẹtohweyi ẹnịnị sị hozi nị. Achẹta ụmẹ ọọdụ ọnịrị achẹta ịrahụ ẹnị ẹ yị rẹ kụkụ nyị ẹtohweyi.

Ẹtore 8:12 ပူးပေါင်းရင်းမြစ်များ

Ayịsaya 13:10

Avaba ụzọmị ene hi ẹbẹẹba ẹ yị kụkụ vaa zẹtẹ. Ọ yị ana hụrẹ vi ene vee hozi, dị ụhwẹ ọ yị zẹtẹ.

Ayịsaya 24:23

Ụhwẹ ọ yị kụkụ vaa zẹtẹ ịnị ụmẹ ọnọọ. Ọyị ọnị ọ yị rẹ kụkụ vaa ha. Ẹnẹyịmavara Ochẹtẹẹngụ ọ vaa vị ohinọyị nị. Ọ vaa yà ịnị ataba ini Ijerusarẹmị dị aa mẹ ịjọva. Ọdọvịdị aza nịnị vee re ụbanyị anị.

Ijeremaya 4:23

Ijeremaya ka ọnị ô ré ẹtẹ, ẹtẹ vana tịtẹ juguu kẹnẹ, dị ọ rẹ vị osusu nị. Ọnị ô ré ẹbẹẹba, ẹ yị kụkụ nyị ẹtohweyi.

Ijowẹrị 2:10

Dị ẹtẹ ọnịrị ẹbẹẹba ee ziizi; dị ọyị ọnịrị ụhwẹ ẹ yị re oze sị ẹtẹ hweyi, dị ụzọmị nịnị ẹ yị kụkụ zẹtẹ nị.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ijowẹrị 3:15

Ọyị ọnịrị ụhwẹ vee hozi, dị ụzọmị nịnị ẹ yị kụkụ za ẹtẹ.

Emọsị 8:9

Ịnị ụmẹ ọnọọ, dị Ẹnẹyịmavara Ohomorihi mẹ ka ọyị ọ ngụ ẹtẹ, dị ẹtẹ hozi ịnị ọọdụ ọnọọ.

Imatiwu 24:29

“Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

Imatiwu 27:45

Ịnị ụmẹ agogo ẹwụrẹva, avaba ẹtẹ ọnọọ saka-saka ọ sị vara ịrahụ, pooro na ngụ ụmẹ agogo ẹẹta.

Ịmaakị 13:24

Ama ịjị ụmẹ ụya ẹnẹnị ọ̀ọ ta, ọyị vee hozi, ụhwẹ ọ yị kụkụ vaa vwẹtẹ,

Ịmaakị 15:33

Ịnị ụmẹ agogo ẹwụrẹva, avaba ẹtẹ ọnọọ saka-saka ọ sị vara ịrahụ, pooro na ngụ ụmẹ agogo ẹẹta.

Iruuku 21:25

Dị Ijeesu ka, “A vaa nyị apọtẹrẹwa ịnị ọyị ọnịrị ịnị ụhwẹ beri ụzọmị nịnị. Anẹhẹ nịnị vaa rị ụya ẹtẹẹtẹrẹ, dị ayị ẹnịnị kụ́ vazi agụvị òkū ana aa dà, dị aa sụ́ ịrẹyị.

Odeyi 2:20

Ọyị vee hozi, dị ụhwẹ ee ví anka anya avọọ, dị ẹkụhị ọnọọ ò ve tù oni Ohomorihi Ananyị yị vaa sị vaa mẹ̀ ịsa ọbanyị ọnị ọza vee re.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

Ẹtore 12:4

Omu anị ô tura achẹta ụzọmị ẹbẹẹba, dị ọ jị wa va nya eteesu nị. Di uye odivi ọnọọ jẹẹ ọvịdị ọnẹẹ ana aa vaa ma ozi aanị, ka ọnị ọ̀ za ozi anị rị, ọ̀ọ ma a kẹnẹ nị.

Ẹtore 16:10

Dị anggẹẹrị ọhụhị và ene hi ịnị ịchacha anị hi ịnị aga uye ịnị avị ọnọọ nị. Dị ịzị ọ yà aa mẹ ịjọva kụkụ vị ịrahụ-ịrahụ nị. Dị ẹyaa dà ịrarẹ ẹnịnị rị, ịsa màa zị wa nị.

Ẹtore 6:12

Di mi re re, ọ mẹ̀ hụ̀ ịsa ọhụhịnọnyị ana a sị vá iwe ọnọọ nị. Dị ẹtẹ henyi jigi-jigi, dị ọyị kuku ee mine anka ịta ojooji avọọ nị. Dị ụhwẹ ọnị ee ví pooo anka anya avọọ nị.

Ẹtore 9:15

Dị a ngwara anggẹẹrị ẹẹna ẹnẹẹ nị. Agụvị ụmẹ ọnọnị ịnị ẹkụhị ọnọnị, ọnịrị ịnị ụhwẹ ọnọnị beri ịrayị gẹdẹ-gẹdẹ ọnọnị e tenyi wa tịtẹ ka ẹ̀ va wụ achẹta anẹhẹ nị.

Ẹtore 9:18

Ụyọrị odivi ẹẹta ana wụ achẹta anẹhẹ yị: Ịra ọnịrị areyi beri agụ ohuru ana hụụnị irenu umaata ẹnẹẹ jịnẹ vẹ.