Ẹtore 8:10 - IWE ỌNỊNỊ

¹⁰ Dị anggẹẹrị ọhụta oni re hú ọpanyị anị nị. Dị ụzọmị ọbanyị ọnya ana aa za giri-giri anka ịra avọọ jị hụrẹ ẹbẹẹba, di o ne ngụ achẹta irehu nịnị ọnịrị enyi ẹtẹ nịnị nị.

Ẹtore 8:10 ပူးပေါင်းရင်းမြစ်များ

2 Ịtọpa 32:3

dị Ihezekaya hị́ ọdọvịdị ẹkụra nịnị ọnịrị ọga isoja nịnị ka ẹnịnị e gu oze enyi ana zị ịrẹma ẹkụra ngụ eehi. Dị ẹnịnị vavọọ gụ ọ ụvọ nị.

Ayịsaya 12:3

Enyi àa kụ̀ ọza di o re enyi ohunẹnẹ hú nị, wâ yẹ ọ mẹ̀ẹ jẹ. Avọọ aza Ohomorihi mẹ̀ vaa jẹ ịhị ọ̀ọ raà dọ wa ha nị.

Ayịsaya 14:12

Ho! Ẹwụ ohinọyị Anibabironi ọnị ịra anị vịdị aa za anka ụzọmị etumeyọnị avọọ, ẹwụ ọnọọ a maanị tụ́ ụvọ hụrẹ ẹbẹẹba va nya ẹtẹ aanị nịị? Ẹwụ ọnọọ wáá yị, ana vịdị maanị mẹ ehuna yị anẹkụra?

Ịzakaraya 13:8

Àa ga aza ana ra hi avaba ẹtẹ ọnọọ tụ́ oze ẹẹta, oze ẹẹva ẹnịnị vị ene vee su, di oze ọnya kẹnẹ ya ra.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Imatiwu 25:1

Dị Ijeesu rẹ ka, “Ịhị ọnọọ, oze ana Ada ayị ẹbẹẹba aa zịị mẹ ịjọva vị ana va sị mẹẹ anka ezwoorihi ẹẹwụ ana sị ozotupa ẹnịnị, dị ẹyaa nọ ụgẹrị ọza ana aa nyị ọnẹẹ avọọ.

Iruuku 10:18

Dị Ijeesu ka, “Mê re, Échu mẹ̀ hụrẹ ẹbẹẹba anka ịnyanya avọọ.

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 12:4

Omu anị ô tura achẹta ụzọmị ẹbẹẹba, dị ọ jị wa va nya eteesu nị. Di uye odivi ọnọọ jẹẹ ọvịdị ọnẹẹ ana aa vaa ma ozi aanị, ka ọnị ọ̀ za ozi anị rị, ọ̀ọ ma a kẹnẹ nị.

Ẹtore 14:7

Di o nowu tụ́ ẹba ka, “Nyị angwahi Ohomorihi, dị waa sị ụgaa yọ, agụvị ka ụmẹ ana aa sịị mẹ̀ ọkarẹyị anẹhẹ o si tù. Waa hẹkẹ ọza ana mẹ ẹbẹẹba ọnịrị ẹhẹ beri oku ọnịrị enyi ẹtẹ!”

Ẹtore 16:4

Anggẹẹrị ọhụta ọnị ọ rẹ và ene hi ịnị ịchacha ene hi ịnị ịchacha anị hi ini okuha ọnịrị avaba enyi ẹtẹ, dị ẹnị rẹ vara anya nị.

Ẹtore 6:13

Dị ụzọmị nịnị hụrẹ hụrị ẹbẹẹba va nya ẹtẹ ẹhẹ nị, anka ẹ́tụtụ ana aa tụ́ụ vẹ mẹ̀ẹ sụ̀, ahị ọbanyị òo henyi ọọ avọọ nị.

Ẹtore 8:7

Anggẹẹrị ịpaapa ô hú ọpanyị anị. Dị ata ihinẹba ọnịrị ịra và hura anya aa zụ̀ụ hi ịnị ẹhẹ nị. Dị achẹta ẹhẹ rị ịra, dị achẹta avaba ọchị rị ịra, dị avaba ohwoohu rẹ rị ịra nị.

Ẹtore 9:1

Anggẹẹrị ọhụhị ô hú ọpanyị anị. Di mi re ka ụzọmị ọnya ộ jị hụrẹ ẹbẹẹba va nya ẹtẹ ẹhẹ nị. Dị a sị ụkọkọrọ ọbọbọọ yọ nị.

Ẹtore 9:15

Dị a ngwara anggẹẹrị ẹẹna ẹnẹẹ nị. Agụvị ụmẹ ọnọnị ịnị ẹkụhị ọnọnị, ọnịrị ịnị ụhwẹ ọnọnị beri ịrayị gẹdẹ-gẹdẹ ọnọnị e tenyi wa tịtẹ ka ẹ̀ va wụ achẹta anẹhẹ nị.

Ẹtore 9:18

Ụyọrị odivi ẹẹta ana wụ achẹta anẹhẹ yị: Ịra ọnịrị areyi beri agụ ohuru ana hụụnị irenu umaata ẹnẹẹ jịnẹ vẹ.

Ọdọvịdị 15:11

Ịjọnọọ dị aza ịrẹkarẹchẹhị tọ̀ọ́ ẹngụ hụrẹ Ijuda dị ẹ nọ ịnị ụtẹha ana yị ịnị ataba Etami ne tu Ịsamịsịnị nị. Dị ẹ họ̀ ọ use ka aanịka ọ yị yẹ ka Anihwirisiti nịnị aa mẹ ịjọva tụra ẹnị ịrẹsụ nị. Dị ẹ ka tẹ! Sị ọ na si ẹnị mẹ anị? Dị Ịsamịsịnị tu wa ohi ka ọpa ebira odivi ọnị ẹnịnị mẹ hi ọnị kẹnẹ ọnị rẹ si wa atọ anị nị.