Ẹtore 7:9 - IWE ỌNỊNỊ

⁹ Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.

Ẹtore 7:9 ပူးပေါင်းရင်းမြစ်များ

Oyinyima 13:16

Ọ kà ọnị vaa mẹ ka ịpa anị ẹ̀ rụrụ anka ezi ene hi ịnị ẹhẹ. Ọ kà ọza ana àa zụ za ezi ịrịka ọ rẹ va zụụ za ịpa anị nịnị ịrịka nị.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ahẹ Ụgama 2:8

Kà a ka ma sị avaba ẹhẹ yị wụ dị ọ̀ vi ogu awụ, m maa sị yị wụ nị. Dị ahịka ẹwa nyị huu na ngụ ịzị ẹhẹ na ta hi nị.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ahẹ Ụgama 76:4

Ohomorihi, ọza o yi zụ juwe ụbanyị awụ. Wa sị ọnịvị awụ hú ẹtẹ ịrẹsụ ataba, dị ẹwụrị ụbanyị awụ ee chii vẹ haara kẹnẹ nị.

Ahẹ Ụgama 77:2

Ẹ́ngụkata mé tù mị, Ẹnẹyịmavara mi nowu na za nị. Avaba ịrahụ vị ọnị mị kụ̀rà ụvọ tụ́ ẹba, dị maa da ịpẹ, mẹ yị kà ka ụvọ amị ộ kata, me yi rị re ịsị a vọrọ ka ọ̀ mẹ ayị amị hunẹnẹ.

Ahẹ Ụgama 98:3

Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị. Avaba anẹhẹ ẹ si o re ka Ohomorihi ọ nyị ehuna nị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ezikẹẹrị 47:5

Ịjị ọ vana mọ okuvọ akava rị ẹchẹhị ọsa, enyi ọ́ sị nyịnẹ ana ahịka ọza ẹ́ yị zụ ngụ na jịnẹ ẹ̀ yị vị ọ́ mẹrị ọ.

Ịdanịyẹrị 4:1

Ẹkụhị ọnya, dị Ohinọyị Inebukadineza maanị tụ́ ụtụ ọnọnị hi avaba anẹhẹ nị. Ẹkụra ọzọza ọ sị tụ ụtụ hi wa nị.

Ịdanịyẹrị 6:25

Ohinọyị ộ chẹrẹ iwe tu hi avaba Anịrẹsụ ẹtẹ nị. Dị ọ kụ wa nị.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ireevi 23:40

Ọ kà ịhị ọnọọ, ẹnịnị ẹ̀ há ẹtụtụ ene ozoza hu hụụnị ọchị ẹnịnị, dị ẹ̀ jị avụda ọnịrị avọ́ ọchị avị-avị; ẹnịnị ẹ̀ rẹ ká avị ana nyị ododo hụrị ụtọ okuha, dị ẹnịnị ẹ̀ ya ọvịdị Ẹnẹyịmavara ẹkụhị ịhịmba dị ee hine ayị.

Ịzakaraya 10:8

Ẹnẹyịmavara kà ọnị vaa hị́ anị, dị ọnị kụ́ wa gụ, dị ọnị dọ wa ha, dị ọnị mẹ̀ wa ka ẹ varẹma rụrụ anka ẹ mẹ vịdị ya.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Iruuku 12:1

Ọ́kọnị aza mẹ̀ wara gụ tawụ-tawụ, dị ẹ yaa kụ́ ahụụ hi ẹngụ, dị Ijeesu vịdị kà a yị ezirẹma anị ka, “Sị eyi pe ẹngụ awụ nịnị agụvị òwù Anihwarisi nịnị, oo! Ogevegeve ẹnịnị m maa kà avọọ nị.

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Ịjọọnụ 12:13

Dị ẹ na jị adambara, dị ẹ kụ́ ọ rị ụvọ aa naa gẹrị ọọ nị. Di eyee nowu ka, “Ihosana! Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị, ana vị Ohinọyị Anisirẹrị.”

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

Anẹhwẹsọsị 6:13

Agụvị avọọ kụ́ avaba ẹnya ịrẹkụ oni Ohomorihiī sịị yị ọza nịnị, agụvị ịhị ẹkụhị odivi ọ̀ọ vẹ, wa zụ và eyi kà ọnịvị awụ nịnị. Wàa sị ịrẹkụ kụ̀ ta nịnị, dị ahịka ụ yị jẹẹ udi awụ nịnị nị.

Anihiburu 11:12

Ịnị ụmẹ ọnọọ, Abụrahamị ộ ta bo, ọ hyakụ e vee sú. Ama ọnị ọyị va ma ezi ana ahịka ẹẹ rụrụ anka ụzọmị, dị ẹ rẹ rụrụ anka ààrẹ ụtọ ókụ̄ ọnị ọza ọ̀yị zụ za ịrịka nị.

Anihiburu 12:22

Ịzị ẹwụ nịnị vẹ aanị vị ịnị Ataba Ịzayọnị, ọnịrị ịnị ẹkụra Ohomorihi ana yára. Ịzọọ aā hị́ Ijerusarẹmị ini ihinẹba nị. Anggẹẹrị ọrụrụ-ọrụrụ ọnị ọza ọ̀yị yẹ ịrịka vị ene hi ịzọọ.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 22:3

Ẹ yị nyị ịsa oni Ohomorihi si chi hi ene vee re ịzọọ. Aga Ohomorihi ohinọyị ọnịrị Ozi Atẹmẹ ẹ vaa yà ịzọọ nị. Dị ezi ahị anị aa hẹkẹ ẹ.

Ẹtore 3:18

Agụvị avọọ mee pe wuu juwe ka wa va hị́ igooru anaa sị nyịna hụụ ịda amị, di u we sii kú ẹngụ, dị asị ahwaahụ awụ ana aa sị ụhịị nyị wụ kụkụ tụ́ ẹhẹ!

Ẹtore 4:4

A rẹ nyị aga ohinọyị ohurẹẹna ana kara aga ohinọyị ọnọọ. Azọkụ ohurẹẹna ẹnyị aanị ệ yaayịtẹ ịnị ẹnịnị, dị e chire awuru ọvwọọvụ, dị e re kú ọkẹkẹrẹkụ ana sị igooru mẹ nị.

Ẹtore 5:11

Dị mị rẹ kana eyi, dị mị wụ́ ọngwẹ anggẹẹrị ọrụrụ-ọrụrụ nị. Dị ẹnịrị ịsa ẹẹna ẹnẹẹ ana nyị ụhwẹ, beri azọkụ ẹnẹẹ jẹẹ kara aga ohinọyị ọnọọ nị. Anggẹẹrị ẹnẹẹ ẹ rụrụ ẹtẹẹtẹrẹ, ana ahịka ọza ọ yị zụ za ịrịka.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 6:11

Dị a sị awuru ọvwọọvụ yị ọzịnya-ọzịnya ẹnịnị nị. Dị a ka ẹnịnị ẹ̀yịị tụ́ ụhwọ́ chee da, pooro dị anda ẹnịnị ẹnẹ ẹnịrịị vị ezi ahụ, dị à wụ̀ wa ta, anka a mẹ̀ rẹ wụ ẹnị nị.

Ẹtore 7:8

Ini ovwoovu Izeburuni, â mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ijosẹẹhụ, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ịbẹnjamịnị, dị a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ nị.