Ẹtore 7:2 - IWE ỌNỊNỊ

² Me re re anggẹẹrị ọsa ana hịrẹ hụrị eyi ọnị ọyịị̄ zịị hụrẹ vẹ. Dị ọ sị ịsa oni Ohomorihi ana yára sịị̄ sị ụvọọ tụ́ ịnị ịsa rị ụvọ nị. Dị ọ nowu hị́ anggẹẹrị ẹẹna ana a sị ụkata yị ka è du ẹhẹ ọnịrị eku ha nị.

Ẹtore 7:2 ပူးပေါင်းရင်းမြစ်များ

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

Ahẹ Isoromọnị 8:6

Navọ ịrẹyị amị ọ̀ yà ịnị ayị awụ pooro, sị ụvọ za ẹmị ịnya kẹnẹ, agụvị ka ịrẹyị ọza ọyị sì ô nyị ụkata anka iswọọza. Avọọ ụhị ọyị kụ̀ ọnị mẹ̀ re divi nị. Ọ̀ọ da ịra, vị ộ za wụụrụ anka ịra ọdẹngụ avọọ nị.

Ayịsaya 41:2

Ẹnẹ sị ohinọyị hụrẹ eyi ịzị ọyịị̄ hụrẹ vẹ? Ẹnẹ sị ụkata yọ anaa sịị nyị ehuna aha tụra aha ọnị ọọ nọ? Ẹnẹ hụrẹ ẹkụra nịnị ọnịrị Ohinọyị ẹnịnị chire e ụvọ? Ộ sị ụhwọ anị wù wa va ha anka ọza o rere banyị edudu ha avọọ. Ọpa anị vị ana gara wa ha anka ahị mẹẹ̄ kụ azịzẹ avọọ.

Ezikẹẹrị 9:4

Ọ̀ ngụ avaba Ijerusarẹmị zịịzị, avaba aza enee du ayị agụvị ka aza aa mẹ ịsị aa nyị ọnị ịhyẹrẹ aanị ịnị ẹkụra, dị ọ̀ tọ̀ wa ịrẹwa ịnị ibe nị.

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

2 Anịkọrịntị 1:22

Ohomorihi ọ raà sị apọtẹrẹwa tụ́ ọọ ka ọnị ọ nyị yị nị. Ọ raà sị Ụhwẹ Ohomorihi tụ́ ịnị ayị ayị, ana mẹ ka ya yẹ ka ịsa ana vọ ọnị ọ kà ọnị vaa sịị yị avọọ, ayị zụ nyị ka ọ yị vaa sịị yị.

Anẹhwẹsọsị 1:13

Avọọ ọ mẹ̀ rẹ yà yị ẹwụ nịnị nị. Ụ mẹ̀ wụ́ enube ọyịza ana vị ịzẹyịza ana mẹ ka Ohomorihi ọ̀ dọ wụ nịnị há, wá sị ayị tụra Ikirisiti nịnị. Ẹwụ nịnị ọnị ọnịrị Ikirisiti sị vị ọnya, Ohomorihi ộ sị apọtẹrẹwa tụ́ wụ nịnị ẹngụ ka ọnị ọ nyị wụ nịnị nị. Ụhwẹ Ọnịnị ọnị ọ kà a ka ẹ yị zụ nyị ka ọnị ọ yị vaa sịị wụ ọ jẹẹ yị apọtẹrẹwa ọnọọ nị.

Anẹhwẹsọsị 4:30

Asị ụ mẹ ka ayị Ụhwẹ Ọnịnị Ohomorihi ò du nịnị! Ụhwẹ Ọnịnị oni Ohomorihi sị wụ nịnị vị apọtẹrẹwa ana sị zụ̀ ka ẹkụhị aa vẹ oni Ohomorihi vaa sị dọ wụ nịnịị há.

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

2 Itimoti 2:19

Ama yáa yẹ ka ịsị Ohomorihi reè si hi ẹtẹ ẹtẹẹtẹrẹ, ọza o yi kuku zụ zizi ọọ. Â maanị chẹrẹ ẹ tụ́ ọọ ka, “Ananyị yị ộ yẹ aza ana vị aza anị.” A rẹ chẹrẹ ẹ ka, “Ọza ana àa ka ọza Ananyị yị ọ́nị vị nị, ọ̀ sị ụvọ hụụnị ebira odivi.”

Anihiburu 12:22

Ịzị ẹwụ nịnị vẹ aanị vị ịnị Ataba Ịzayọnị, ọnịrị ịnị ẹkụra Ohomorihi ana yára. Ịzọọ aā hị́ Ijerusarẹmị ini ihinẹba nị. Anggẹẹrị ọrụrụ-ọrụrụ ọnị ọza ọ̀yị yẹ ịrịka vị ene hi ịzọọ.

Ẹtore 1:3

Ọza ana àa kà iwe ọnọnị, vaa daa jẹ. Ọza ana àa rẹ wụ́ ịrẹyị ịsẹ ọnọnị, dị aa mẹ̀ ịsa ana a chẹrẹ tụ́ ini iwe ọnọnị nị, rẹ vaa daa jẹ. Ụmẹ ọnị ịsa ẹnẹnị vaa sị mẹ, ọ sị gụrị ẹtẹ.

Ẹtore 10:1

Me re re anggẹẹrị ọbanyị ọsa ene ee chii hụrẹ ẹbẹẹba vẹ. Eguhi o si kú ẹngụ, dị ọgaazị jị karaa ịrẹsụ nị. Eyirẹsụ anị vị ana a sị mẹẹ anka ọyị avọọ, dị ahụ anị yà anka ịra nị.

Ẹtore 10:4

Ịjị apaana ihinẹba vavọọ sụ́ ịrẹyị ụpẹ ịhịmba, dị mị ka maa chẹrẹ ịsị ọ kà nị. Dị mị wụ́ ọngwẹ ọnya hụrẹ ẹbẹẹba vẹ, dị ọ ka: Asị mị chẹrẹ ịsị ọnị apaana ihinẹba ọnọọ kà ụpẹ ịhịmba avọọ, ama ma sị ọ tẹ nị.

Ẹtore 16:12

Dị anggẹẹrị ọhụhịnọnyị ọnị rẹ và ene hi ịnị ịchacha hi ini okuha Iyuhureti ana banyị nị. Dị enyi anị wụ, ka oze ò tenyi tịtẹ yị ohinọyị nịnị ana yà eyi ọnị ọyịị̄ zịị hụrẹẹ vẹ nị.

Ẹtore 5:2

Dị mị re anggẹẹrị ọnya aanị ana nyị ụkata, dị ee nowu kà a ka: Ẹnẹ ka ọnị ộ hụ ọọ hụ̀ ịsa ana a sị vá iwe ọnọnị, dị ọnị ọ̀ hụ̀ iwe ọnọnị?

Ẹtore 8:3

Dị anggẹẹrị ọsa ana nyị ẹnya eturare ana a sị igooru mẹ vẹ, dị ọ va jẹ ẹ pe ụta nị. Â sị eturare rụrụ yọ ka ọ̀ và a hura aduwa avaba aza Ohomorihi, dị ọ̀ sị ọọ nọ ị́rẹsụ ụta ana a sị igooru mẹ ana yà ọvịdị aga ohinọyị ọnọọ.

Ẹtore 9:14

Dị ọ kà a yị anggẹẹrị ọhụhịnọnyị ana nyị ọpanyị aanị, dị ọ ka: Ọ̀ ngwara anggẹẹrị ẹẹna ana a sụ́ tụ́ ini òkū ọbanyị Iyuhwireti nị!

Ẹtore 9:4

A ka asị ẹ kanyị avị ene hi ẹhẹ, asị ẹ kanyị ịsa ohwoohu ọnyọọnyị, dị asị ẹ rẹ kanyị ọchị ọnyọọnyị! A ka ẹnịnị èe che aza ẹnẹ ẹ̀ yị nyị apọtẹrẹwa Ohomorihi tụ́ ini ibe ẹnịnị.

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.