Ẹtore 7:16 - IWE ỌNỊNỊ

¹⁶ Ụngwẹ ọnịrị onyi ọ mā vana kụ̀ wa pooro; Ọyị ọ mā vana ngụra za wa pooro.

Ẹtore 7:16 ပူးပေါင်းရင်းမြစ်များ

Ahẹ Ụgama 121:5

Ẹnẹyịmavara vee sere wụ. Vị ọ maanị jẹẹ pè wụ ka oni òo sere wu nị.

Ahẹ Ụgama 121:6

Ọyị ọ̀ọ há kú wu ụmẹ ọọdụ, ẹ yị nyị ịsị ọ vaa mẹ wụ. Ụhwẹ ọ̀ọ rẹ vaa vwẹtẹ kú wụ ịrahụ, ẹ yị rẹ nyị ịsị aa mẹ wụ.

Ahẹ Ụgama 143:6

Ẹnẹyịmavara, maa tụ́ ụvọọ yị wụ. Eyi awụ aa tụra mị anka eteesu mèe sì enyi ịnị ọhahị avọọ.

Ahẹ Ụgama 42:2

Mee sì wu ẹtẹẹtẹrẹ Ohomorihi ana yàra Eyi awụ vị ana nyayịnẹ aa tụra amị Ohomorihi, ịhị ụ ka mee nee re oze dị ma vẹ ini eehi awụ dị ma va hẹkẹ wụ?

Ahẹ Ụgama 63:1

Ohomorihi, ẹwa vị Ohomorihi amị nọ Ẹwụ m maanị ee sì aanị nị Mị ka tụ̀ ịnẹ tụ̀ ịnẹ mị nyayịnẹ ee sì wu nị Wâ yẹ ka ọza ọ̀ọ yà ịzị ẹtẹ sị wụ dị enyi aa kụ̀ ọ nị, ka vị ọ nyayịnẹẹ sì enyi nị Avọọ gẹdẹ-gẹdẹ ọ mẹ̀ kata mị ẹngụ ka me re wu nị.

Ahẹ Isoromọnị 1:6

Asị ụ sị eyi wụ̀ mị nịnị ka maa ta mine agụvị ka ọyị ọ sị mị mẹ̀. Ẹnẹbẹnị amị nịnị ệ kụ́ ayị hi mi, dị ẹ dụ mị ka ma naa mẹ̀ ụkọrọ ịnị ụbazị ene e chire ọchị ịvayịnị hi nị. Mẹ yị kụkụ va nyị ụmẹ ọ́yị tẹsị ẹngụ amị.

Ayịsaya 25:4

Onosiye ọnịrị ọnụya nịnị ê zwe vẹ ịda awụ dị ụ dọ wa tụ́ ịnị ụmẹ ẹngụkata ẹnịnị nị. Wâ vi ihuhu gu wa ka asị anayịchama re oze sị ụya rị wa. Ịrẹyị anayịchama vị ana sị mẹẹ anka opomi ana aa tụ́ kù ugene. Aza edivi vị ana kụ ọ hana wa anka opomi avọ.

Ayịsaya 32:2

Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Ayịsaya 41:17

Ụmẹ ọnị onosiye ọnịrị ọnụzọngwa ee si enyi, di e yi re, dị ọrọkọ ẹnịnị sị wara, Ọnị Ẹnẹyịmavara vee tụ́ wa ohi. Ohomorihi Anisirẹrị ẹ yị vaa hụrẹ wa ụvọ.

Ayịsaya 49:10

Ụngwẹ ọnịrị onyi ẹ yị kụkụ vaa kụ wa. Ẹngụ ẹnịnị vee hi ahị. Ẹnẹyịmavara vaa vayị ẹnịnị, dị ọnị mẹ̀ ịsa ọnị e yee si yị wa anka ọza ene enyi aa kụ ene re enyi ohunẹnẹ hu avọọ.

Ayịsaya 65:13

Agụvị avọọ, Ẹnẹyịmavara Ohomorihi ka: Ezi ahụ amị anaa saasa ịrẹyị amị vaa rị ịsa, ama ụngwẹ vị ana vaa kụ̀ ẹwụ nịnị. Ẹnịnị vee hú, ama onyi vị ana vaa kụ̀ wụ nịnị. Ezi ahụ amị vee hine ayị, ama ẹwụ nịnị vị ana a vaa mẹ ụhịị nyị.

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.

Imatiwu 13:21

Ama agụvị ka ịrẹyị ọnọọ oyi re aha ha ẹpa ngụ ịnị ayị ẹnịnị, ệ sị tụ́ ịnị ayị chee. Ịjị ịdamụ ọnịrị ayamịkụ vẹ agụvị ịrẹyị ọnọọ, dị ẹ wụsẹ sị varẹma nị.

Imatiwu 13:6

Ịjị ọyị aa há, dị ẹ sị vahi nị; ama agụvị ka e yi re aha ha ẹpa ngụ di e sú nị.

Imatiwu 5:6

Aza ene enyi aa kụ̀, dị ụngwẹ aa kụ̀ ka ẹnị ẹ̀ zụ mẹ ịzẹyịza vaa daa jẹ, agụvị ka Ohomorihi vaa vayị ẹnịnị.

Ịmaakị 4:17

Ama agụvị ka ịrẹyị ọnọọ o yi re aha ha ẹpa ngụ ịnị ayị ẹnịnị, ệ sị tụ́ ịnị ayị chee; ịjị ọ da kù dị ẹngụkata ọnịrị ayamịkụ vẹ agụvị ịrẹyị ọnọọ, dị aza ẹnẹẹ wụsẹ sị varẹma nị.

Ịmaakị 4:6

Ịjị ọyị aa há, dị ẹ sị và hí nị, ama agụvị ka e yi re aha ha ẹpa ngụ, di e sú nị.

Iruuku 1:53

Ộ sị ịsa ozoza yị aza ọnị ụngwẹ aa kụ̀, dị ọ dụ opisa nịnị aa nọ eehi avosusu nị.

Iruuku 6:21

Ẹwụ nịnị ọnị ụngwẹ aa kụ̀ booro aanị vaa daa jẹ, agụvị ka Ohomorihi vaa sị ịnẹẹ há wụ nịnị. Ẹwụ nịnị ene ee sụ ùnè booro aanị vaa daa jẹ, agụvị ka u vee nyinyi nịnị.

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Ijemiisi 1:11

Ọyị ọ̀ọ sị hụrẹ, dị aa há nganganga nị, dị ọ za avaba ododo, dị ọ wụ̀ wa, dị ẹ sụ̀ và ha, dị avaba uzoza anị ta saka-saka. Avọọ gẹdẹ-gẹdẹ ọzọbanyị mẹẹ̄ hụrẹ ẹhẹ ụvọ ịnị ụmẹ ọnị ọ ta ngụ ini echi ẹhẹ ee zwe nị.

Ẹtore 21:4

Ohomorihi vee nyee avaba ẹgọọ hụụnị eyi ẹnịnị. Ayị kụkụ vaa nyị iswọọza, ẹ yị nyị ayodu, àa vị orere. Ayị rẹ kụkụ nyị ịsị ẹ vaa zị ọza, agụvị ka ịsa ịyẹẹyẹ ẹ́ẹ ta saka-saka.”