Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ẹtore 7:14 - IWE ỌNỊNỊ

14 Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.

အခန်းကိုကြည့်ပါ။ ကော်ပီ




Ẹtore 7:14
30 ပူးပေါင်းရင်းမြစ်များ  

Dị o hi ayị ụya ọnị ọ vịdị rị anka enyi meē si na ngụ ịnị irehu avọọ.


Dị ọ va sị igooru mẹ ochirigege ẹẹna dị ọ sị tụ́ ịnị ahụ ẹyịna apoti ọnọọ nị. Ochirigege ẹẹva yà eyi ọnya, dị ẹẹva rẹ yà eyi ọsa nị.


Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.


A vaa wụ̀ ọdọvịdị ẹnịnị, ẹnyị ana yẹ ịrẹyị aanị. Isu ọdọvịdị ẹnẹnị vaa mẹ ka aza ana vọ ẹ̀ nyịna ẹngụ ẹnịnị hụụnị avaba ebira odivi ẹnịnị.


Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.


Agụvị avọọ di oni ne tù ọza ịnyara ịnị aza ana jẹẹ ịzọọ ka ọ mẹ ẹhahi avaba ịrẹyị ẹnẹnị yị ọnị nị. Ịzẹyịza dị ọ kà a yị ọnị nị.


Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.


Agụvị ka ịhị ọnọọ ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị. A mā rẹ vana vavọọ nyị ị́rẹma anị.


agụvị ka ịhị ọnọọ, ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị; a mā rẹ vana vavọọ nyị ị́rẹma anị.


Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”


Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”


Ẹ yị vavọọ kẹnẹ, ị raa jẹ ịrajẹẹ tụ́ ịnị ụya ọnị yaa rị aanị bẹẹ, agụvị ka yâ yẹ ka ụyọrị vị anaā mẹ ka ọza ọ̀ zụ sị ẹngụ dọ ịrẹyị.


Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.


Agụvị avọọ ẹyị nyẹmba aa sị wụ nịnịị mẹ ụbanyị ịnị anịragụ Ohomorihi nị. A mẹ̀ daka aa yịị sị ụya irenyi-irenyii rị wụ nịnị, waa yịị sị ẹngụụ dọ ọ nịnị, dị ụ waa yịị sị ayịị tụra Ikirisiti nịnị nị.


Agụvị avọọ Ijeesu oni o re sú ị́rẹma ẹkụra, agụvị dị ọ̀ sị anya anị nyịna aza, dị ẹ̀ nị hụụnị ịvị ẹnịnị.


Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.


ama anya Ikirisiti ụvọta ana vị ịsa ọkụmị-ọkụmị yọ nị. Anya ọnọọ vị ana sị mẹẹ anka anya ozi atẹmẹ ana a sịị̄ mẹ̀ ịsọvọ ẹnẹ ẹ̀ yị mā nyị ịdọtị, àa vị ụkụ vụrụ-vụrụ.


Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.


Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.


Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.


Mê re ịsa ẹnyị aanị anka enyi ana sị mẹẹ anka ore avọọ, dị a sị ịra vá hura a nị. Me re re aza ana sị uye ịnị avị ọnọọ ọnịrị ori anị huna beri ịnọmba ịrẹha anị. Ẹnịnị jẹẹ ụtọ oku ene enyi anị sị mẹẹ anka ore avọọ, dị ẹ sị igita oni Ohomorihi sị yị wa rị ụvọ nị.


Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.


Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.


Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.


Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.


Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ