Ẹtore 7:12 - IWE ỌNỊNỊ

¹² Dị ẹ ka: “Aamị! Ize ọnịrị igirima beri ịrẹyọyẹ ọnịrị avọ beri ụbanyịị avaba ụkata ọnịrị ụzụ vị Óhomorih ayị pooro zịna-zịna! Aamị.”

Ẹtore 7:12 ပူးပေါင်းရင်းမြစ်များ

Inehemaya 12:46

Hụrẹ ịyẹẹyẹ ụmẹ Idevidi ohinọyị ọnịrị Asahwi a hụrẹ nyị ọdọvịdị ọjahẹ nịnị nị, dị a rẹ nyị ahẹ ana a sịị gono Ohomorihi ọnịrị ana a sịị kụ́ ọ avọ nị.

Inehemaya 12:8

Anireevi nịnị ana varẹma vẹ eehi ẹ vị Ijesuwa, Ibinuyi, Ikadimẹrị, Iserebiya, Ijuda, Imataniya. Aza ẹnẹnị ẹnịrị ọnọgụvọ ẹnịnị e si eyi pe ịrẹyị ahẹ ama aa jị gono Ohomorihi nị.

Ahẹ Ụgama 100:4

Ngụ ini eehi anị dị waa kụ́ ọ avọ nịnị, mị ka wa ngụ ohweje anị dị wa ga a nịnị.

Ahẹ Ụgama 106:48

À vẹ vị yaa kụ́ Ẹnẹyịmavara ana vị Ohomorihi ana Anisirẹrị aa hẹkẹ avọ pooro zịna-zịna. Avaba aza ẹ̀ kà a ka Aamị. À vẹ yaa kụ́ Ẹnẹyịmavara.

Ahẹ Ụgama 107:22

 vọrọ ka ẹ̀ sị ịsa va mẹ̀ ịsọvọ dị ẹ̀ sị kụ́ ọ avọ, dị ẹ̀ẹ sị ịrajẹẹ jị ahẹ dị ẹ̀ẹ kà a yị aza ịsa ẹbanyị-ẹbanyị oni Ohomorihi aa mẹ.

Ahẹ Ụgama 116:17

Ẹnẹyịmavara, mị vaa kụ́ wụ avọ, dị maa dá ịpẹẹ wụ.

Ahẹ Ụgama 147:7

Waa jị ahẹ kụ́ Ẹnẹyịmavara avọ. Sị àgidibò di wee hú ọ kụ́ ọ.

Ahẹ Ụgama 41:13

Ẹnẹyịmavara, ana vị Ohomorihi Anisirẹrị, ẹwụ a vaa kụ́ avọ pooro zịna-zịna nị Aamị, mị ka aamị.

Ahẹ Ụgama 50:14

Ịsọvọ awụ ọ vị ka waa kụ́ Ohomorihi avọ ịsị wàa kà ka wa mẹẹ yị Ohomorihi ọgọdọgọdọ ọnị ụvọ ọza è yi mè tù di ụ rẹ vavọọ mẹ̀ ẹ yọ.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

Ahẹ Ụgama 89:52

Ẹnẹyịmavara ẹwụ mị vaa kụ́ avọ pooro nị. Aamị, mị ka aamị.

Ahẹ Ụgama 95:2

À vẹ ya vẹ ịda anị dị yaa kụ́ ọ avọ, di yee hú ịsa, dị yaa jị ahẹ kụ́ ọ.

Ayịsaya 51:3

Ẹnẹyịmavara vaa sị ayị Anisirẹrị nẹtẹ. Ộ vaa mẹ ka ẹtẹ ẹnịnị ana vị ọpapara ò zoza anka ụbazị Edẹnị avọọ. Ayị ẹnịnị vene vee hine, dị ẹ yaa jị ahẹ ọyịza ga Ẹnẹyịmavara.

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijona 2:9

Ama ọnị vaa jị ahẹ gono Ẹnẹyịmavara, dị ọnị mẹ̀ ịsọvọọ yọ, dị ọnị jị ahẹ kụ́ ọ avọọ. Dị ọnị mẹ̀ ịsa ọnị ọnị zẹẹ ịzẹzẹ anịị yọ. Dị ọ ka Ẹnẹyịmavara ọọ̄ dọ ọzaa ha nị

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Aniroomi 11:36

Ọnị ọ tụ́ avaba ịsa nị. Ọnị ọ za avaba ịsa jẹẹ nị. Ọnị avaba ịsa rẹ yà yị nị. Ohomorihi aza vaa sị ụbanyịị yị pooro zịna-zịna nị. Aamị.

1 Anịkọrịntị 14:16

È yị vị avọọ, wàaa sị ụkata Ụhwẹ Ohomorihi ga Ohomorihi, aza ẹnẹ ẹ̀ yị wụ́ ẹkụra ọnị ụ waa kà, mẹmẹ zụ kà a ka, “Aamị” tụ́ ịnị ụga ọnị ụ waa sịị yị Ohomorihi? Wâ yẹ ka ọ yị wụ́ ịsị ụ waa kà.

2 Anịkọrịntị 4:15

Avaba ịsa ẹnẹnị ệ mẹ agụvị awụ nịnị, agụvị ayamva Ohomorihi ò tù aza ọrụrụ-ọrụrụ hu avọọ hu avọọ, dị ẹ̀ẹ kụ́ Ohomorihi avọọ hu avọọ hu avọọ, dị igirima Ohomorihi ọ̀ọ banyịị hu avọọ.

Anikorasi 2:7

Che ayị za Ikirisiti ana sị ụhwẹ ọnịrị ụkata yị wụ nịnị! Yị jẹẹ geri-geri ịnị ẹdọwụ awụ nịnị, anka a mẹ̀ sị zụ̀ wụ nịnị; dị ụ wa rẹẹ kụ́ Ohomorihi avọ nịnị ẹtẹẹtẹrẹ!

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

Ijudi 1:25

Yáa kụ́ Ohomorihi avọ; ọnya ọ́ vị nị. Ọnị ọ dọ yị há ini oze Ijeesu Ikirisiti Ananyị yị, ọnị ọ nyị igirima nị, dị ọ nyị ụbanyị nị, ọnị ọ rẹ vị ohinọyị nị, dị ọ rẹ nyị ụkata nị. Avọọ ọ mẹ̀ yị yà hụrẹ ụmọrụmọ dị a va mẹ ẹhẹ nị. Avọọ ọ mẹ yị yà nị. Avọọ ọ mẹ̀ rẹ vaa yà pooro zịna-zịna nị. Aamị.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 19:4

Dị azọkụ ohurẹẹna ẹnẹẹ beri ịsa ẹẹna ẹnẹẹ ana nyị ụhwẹ tana tụra ẹtẹ, dị ẹ hẹkẹ Ohomorihi ana yaayịtẹ ịnị aga ohinọyị ọnọọ nị. Dị ẹ ka, “Aamị; Ụga ọ vị yị Ẹnẹyịmavara nị!”