Ẹtore 6:9 - IWE ỌNỊNỊ

⁹ Ọ mẹ̀ rẹ hụ̀ ịsa ọhụhị ana a sị vá iwe ọnọọ, di mi re ụhwẹ aza ana vịdị sị wụ agụvị ịrẹyị Ohomorihi ẹnẹ ẹ dọ wụ dị ẹ rẹ yaa kà a e mè hi iruvo ụta nị.

Ẹtore 6:9 ပူးပေါင်းရင်းမြစ်များ

Oyinyima 4:10

Di Ẹnẹyịmavara kà: “Sị ọ mẹ aanị? Ọ kà ọ sị ọyịnyara anị wụ. Ọ rẹ ka anya anị ana và hi eteesu ee nowu, ọnị maa wụ́;

Ọyịkụra 29:12

Dị ụ va ka ịnị imaaru ọnọọ di u si igege che e sẹ ọpanyị ụta ọnọọ. Dị ụ và ana vọ hị́ iruvo ụta ọnọọ.

Ireevi 4:7

Ohirẹsụ ọbanyị irehi Ohomorihi ọnọọ vaa ka ọnọọ ku ọpanyị ẹyịna ịrẹsụ ụta ana aā rị eturare ịra ịnị anị ana ya ịnị ajẹngụ ịzọọ. Dị ọ và ana vọ kara iruvo ụta ana a sịị rị ịsị ịsọvọ ịra ene hi tu enoze ajẹngụ Ẹnẹyịmavara ọnọọ.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

2 Anịkọrịntị 5:8

Mị ka yâ nyị ayọnẹtẹ, ị hyakụ ee sì ka ya sị ọchẹngụ ayị ọnọnị tịtẹ, dị ya nọ ịdị Ananyị yị ana vị eehi ayị.

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

Anihwiripi 2:17

Ụ mẹ̀ sị ayị tụra Ijeesu nịnị, vị ọ sị mẹẹ ka ụ mẹ̀ ịsọvọ hi Ohomorihi nịnị nị. Àa nyị ka à sị ụhwẹ ẹmị ụvọta tụ́ ịnị ịsọvọ ọnọọ, mị vaa jẹẹ tụ́ ọ. Mee pe wu jẹ nịnị,

2 Itimoti 1:8

Asị ụ na nyị ụhị ọ̀yị kà ịrẹyị Ananyị yị! Asị ụ rẹ na nyị ụhị agụvị ẹmị ana yà ịnị ẹngwa agụvị anị. Ama è wè re tenyi ẹngụ anka Óhomorihi ọ̀ọ mẹ̀ sị ụkata wụ, dị ụ wa nyị ụvọ tụ́ ịnị ụya ọnị ọzaa rị agụvị enube ọyịza.

2 Itimoti 4:6

Àa vị ẹmịị yọ, ma sị ẹngụ tenyi ka à wụ̀ mị anka ịsa ịsọvọ avọọ. Ụmẹ o si tù ka ma hụụnị ẹhẹ ọnọnị.

Anihiburu 12:23

Ịzị ụ vẹ nịnị aanị vị ịzị avaba anịragụ Ohomorihi kụ́ gụ. Ẹnị ẹ vị ezi ịpaapa Ohomorihi ọnị ọ raà chẹrẹ ịrẹha ẹnịnị tụ́ ẹbẹẹba nị. Wa raà saasa ọnịrẹyịzẹyịza nịnị oni Ohomorihi raà mẹ ka ẹ̀ gụ.

Ẹtore 1:2

Ịjọọnụ ộ chẹrẹ ịrẹyị oni Ohomorihi kà, di Ijeesu Ikirisiti dọ ivenu tụ́ ọọ tịtẹ, ọnịrị avaba ịsa oni o re.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ẹtore 14:18

Dị anggẹẹrị ọnya aanị ana sị eyi pe ịra ịnị ụta hụụ ịzọọ vẹ nị. Di o nowu tụ́ ẹba kà ịrẹyị yị ana nyị ụhwọ ana rẹ avọọ nị, dị ọ ka, “Sị ụhwọ awụ, dụ wa sị há ẹtụtụ ịvayịnị ene hi ẹhẹ, agụvị ka ẹ́ẹ ta ví.”

Ẹtore 16:7

Dị mị rẹ wụ́ ọngwẹ ọsa hụụnị ụta ọnọọ vẹ, dị ọ tụ́ ohi ka, “Ohomorihi Ananyị yị Ochẹtẹngụ, ịzẹyịza ụ waa sịị mẹ̀ ọkarẹyị nị, ẹ yị nyị ireche ịnị anị.”

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.

Ẹtore 8:3

Dị anggẹẹrị ọsa ana nyị ẹnya eturare ana a sị igooru mẹ vẹ, dị ọ va jẹ ẹ pe ụta nị. Â sị eturare rụrụ yọ ka ọ̀ và a hura aduwa avaba aza Ohomorihi, dị ọ̀ sị ọọ nọ ị́rẹsụ ụta ana a sị igooru mẹ ana yà ọvịdị aga ohinọyị ọnọọ.

Ẹtore 9:13

Anggẹẹrị ọhụhịnọnyị ô hú ọpanyị anị. Dị mị wụ́ ọngwẹ ọnya hụrẹ eyi ẹyịna ụta igooru ene e hi tụ́ ọvịdị Ohomorihi nị.