Ẹtore 6:8 - IWE ỌNỊNỊ

⁸ Dị mị kana eyi, di mi re umaata ọnya ana achẹrẹ anị sị mẹẹ anka areyi avọọ nị. Ịrẹha ọza ana tụra a ọ rị Iswọọza nị. Di ẹkụra aa dụ ọ ịrẹma nị. Â sị ọda yị wa tụ́ ịrẹsụ achena anẹhẹ ka ẹ̀ sị ịrẹkụ ọnịrị ụngwẹ beri ụkụ ọnịrị uye edivi ene hi ẹhẹ, dị ẹ̀ sị wụ̀ wa nị.

Ẹtore 6:8 ပူးပေါင်းရင်းမြစ်များ

Ụhịrẹyị 5:5

Wàa saasa ọsẹrẹka, aa sị ụ na gẹrị ozu awụ nị. Ẹhẹ anị vị ana sị uswọọza gẹ ẹngụ aa zị.

Ayịsaya 25:8

Ọ mā vana zẹẹ ka ọza ò sú paa Ẹnẹyịmavara ana vi ohinọyị ọ yị kụkụ vaa zẹẹ ka ọza ò re ịrẹyị orere. Ọ yị rẹ kụkụ vaa zẹẹ ka ụhị ọ̀ vana nyị aza anị ịnị ẹhẹ. Ẹnẹyịmavara kà ọnị ọ kà avọọ nị.

Ijeremaya 14:12

Ka, ẹnịnị ẹ̀ẹ daka ba awẹ, ọnị ẹ yị vaa wụ́ orere ẹnị ẹyaa jị ka à va gụ ẹnị ụvọ avọọ. Ẹnịnị ẹ̀ẹ daka mẹ̀ ịsọvọ dị a rị ọ ịra yị ọnị nị, dị ẹ́ sị ịsa ọnị irenuu rị va mẹ̀ ịsọvọ yị ọnị nị, ayị anị ẹ yị vee hine tu wa. Ọ kà, eyi ịrẹkụ ọnị va naa wụ̀ wa ha nị. Dị ọnị rẹ sị ụngwẹ ọnịrị ụkụ wụ̀ wa va ha.

Ijeremaya 16:16

Ẹnẹyịmavara kà, ọnị aa tụ́ ụ hị́ ozube ivovo ọrụrụ-ọrụrụ vẹ dị ẹ̀ vaa zá aza ẹnẹnị. Dị ọnị rẹ tụ́ hị́ ozube nịnị ka ẹ̀ ve si wa ịnị avaba ataba ọnịrị ịnị ụtẹha ịrẹta, dị ẹẹ za wa vaka ẹtẹ.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 24:10

Ẹnẹyịmavara kà ọnị vaa kụ́ ịrẹkụ, ụngwẹ ọnịrị ụkụ vee tù wa. Avọọ ọnị mẹ vaa mẹ wa pooro nee tu ka asị ọza ịnya kụkụ vọ tụ ịnị ẹtẹ ọnị ọnị sị yị ẹnịrị ohiku ẹnịnị nị.

Ijeremaya 29:17

Ẹnẹyịmavara Ochẹtẹẹngụ ka, ọnị aa kụ́ ịrẹkụ, ụngwẹ ọnịrị ụkụ vee tù wa. Ọnị vaa mẹ wa anka ihwigi ana vụ̀ pooro dị ẹ̀ yị kụkụ wụra rị avọọ.

Ijeremaya 43:11

Ẹnẹyịmavara kà, Inebukadineza vaa kụ́ ịrẹkụ ve Ijipiti, dị ọ nyị ẹbẹẹba nị. Aza anaa nyị ka ụkụ ọ̀ wụ, dị ụkụ wụ̀ wa, aza anaa nyị ka à za ọrịhị, dị a za wa ọrịhị. Aza anaa nyị ka à wụ ịnị ịrẹkụ ọnọọ, dị a wụ̀ wa.

Ezikẹẹrị 29:5

Ọnị vee ne ẹwụrị ivovo ẹnẹẹ naa ngụ ịnị ụnọmị. Oku awụ vị ana vaa tịtẹ, dị ọza é yi ne wu. Inomi ẹnịrị uye ịnị avị nịnị ẹ vaa rị oku awụ nị.

Ezikẹẹrị 5:12

Ọ kà, achẹta awụ nịnị vị ọnị ụkụ ọnịrị ụngwẹ vaa wụ̀ wụ ha. Dị aa kụ́ ịrẹkụ va wụ achẹta awụ nịnị ọsa. Achẹta awụ nịnị ana vọ vị ọnị, ọnị Ẹnẹyịmavara vaa tụ̀ ụhwọ, dị ọnị dụ wa ne hi avaba aha.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Ihabaku 2:5

Ogu ẹhẹ ọnọnị vị eneē vene ọza. Ịsa ọ yị mā hụụ aza ana si ẹngụ tụ́ ẹba. Ọza anaā ha ọhọha sị mẹ anka uswọọza avọọ nị. Ẹtẹ anaā rị ọza ịnẹ ọ yị mā ha. Avọọ Anibabironi mẹ ha irenu aa za ẹkụra ana vọ mụnẹ nị.

Ịzakaraya 6:3

Umaata ọvwọọvụ ê tura ọhụta, dị umaata ana da achẹrẹ poto-poto ê tura ịkẹkẹ ọhụna nị.

Imatiwu 11:23

Ẹwụ nịnị Anikapanawumi, wéé ro ka a vaa kà wụ nịnịị hịrẹ naa ngụ ẹbẹẹba? Vụrụ-vụrụ! Vaa vaa sị wụ nịnị, di e ne wu nịnị ngụ ini ẹkụra nị! Àa yaanị mẹ̀ ụkọrọ ohyozirenu ẹkụra Isodọmị, a mẹ̀ mẹẹ ị́dị awụ nịnị, ọ yaanị yị yà ịzọọ pooro ve tù ajịnị.

Imatiwu 24:7

Anẹkụra ẹnyị vaa kwẹẹtẹ tù ọsa, dị ẹkụra ohinọyị ẹnyị rẹ kwẹẹtẹ tù ọsa. Ụngwẹ vaa kụ̀, ẹtẹ vee henyi jigi-jigi aha ọrụrụ-ọrụrụ.

1 Anịkọrịntị 15:55

Ẹwụ iswọọza, ịzị ehuna awụ yà? Ẹwụ iswọọza, wáá kụkụ zụ tụ ọza ụnava?

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 12:4

Omu anị ô tura achẹta ụzọmị ẹbẹẹba, dị ọ jị wa va nya eteesu nị. Di uye odivi ọnọọ jẹẹ ọvịdị ọnẹẹ ana aa vaa ma ozi aanị, ka ọnị ọ̀ za ozi anị rị, ọ̀ọ ma a kẹnẹ nị.

Ẹtore 9:15

Dị a ngwara anggẹẹrị ẹẹna ẹnẹẹ nị. Agụvị ụmẹ ọnọnị ịnị ẹkụhị ọnọnị, ọnịrị ịnị ụhwẹ ọnọnị beri ịrayị gẹdẹ-gẹdẹ ọnọnị e tenyi wa tịtẹ ka ẹ̀ va wụ achẹta anẹhẹ nị.

Ẹtore 9:18

Ụyọrị odivi ẹẹta ana wụ achẹta anẹhẹ yị: Ịra ọnịrị areyi beri agụ ohuru ana hụụnị irenu umaata ẹnẹẹ jịnẹ vẹ.