Ẹtore 6:5 - IWE ỌNỊNỊ

⁵ Ịjị Ozi Atẹmẹ rẹ hụ̀ ịsa ọhụta ana a sị vá iwe ọnọọ, dị mị rẹ wụ ọhụta ịsa ẹẹna ẹnẹẹ ana nyị ụhwẹ avọọ, dị ọ ka: vẹ. Dị mị kana eyi, di mi re umaata ojooji ọnya nị. Ọza ana rẹ tụra ọnọọ, ộ nyị ịngọ onyeyẹva rị ụvọ.

Ẹtore 6:5 ပူးပေါင်းရင်းမြစ်များ

Arụwẹ 5:10

Ẹngụ ayị ộ ta kayịra anka arasị avọọ, ụngwẹ maa vaa wụ̀ yị.

Ezikẹẹrị 4:10

Ọ kà ịsa ọnị ọnị vaa rị vị ana vaa ngọ yị ọnị. Ẹhwị ịsọyịrị ụrata ịrẹvụ ịkụha ẹẹna avọọ ọnị vaa rị ụpẹ ọnya ẹkụhị nị.

Ezikẹẹrị 4:16

Di Ohomorihi rẹ kà a yị ọnị ka, ozi ọza, ọnị vee gu oze ịsọyịrị Anijerusarẹmị nịnị. Ayịhụrịnẹ-ayịhụrịnẹ ẹnịnị vanaa sịị sị agoro ngọ ịsa ẹnẹ ẹ yaa rị, ọnịrị enyi ene eyee hú nị.

Ireevi 26:26

Ẹnẹyịmavara kà ọnị vee gù wa oze ịsọyịrị ẹnịnị, dị ọnyẹnẹẹ ẹẹwụ aa mẹ̀ ịsa ịnị arasị ọnya. Dị a kụkụ aa gà ịsọyịrị swẹ-swẹ tụ wa ụvọ. Ẹnịnị ẹ̀ẹ rị ọ, ịnẹ ẹ́ yị vaa há wa.

Ịzakaraya 6:2

Umaata ovivi ê tụra ịkẹkẹ ịpaapa, di umaata ojooji ọnị ree tụra ịkẹkẹ ọhụva nị.

Ịzakaraya 6:6

Ịkẹkẹ ịrẹkụ ọnị umaata anị nịnị vi oji vi ana nọ eyi ẹbẹẹba ẹtẹ Ịbabịrọnị, dị ọnị umaata anị nịnị da achẹrẹ poto-poto vị ana nọ eyi ụvẹtẹ.

Imatiwu 24:7

Anẹkụra ẹnyị vaa kwẹẹtẹ tù ọsa, dị ẹkụra ohinọyị ẹnyị rẹ kwẹẹtẹ tù ọsa. Ụngwẹ vaa kụ̀, ẹtẹ vee henyi jigi-jigi aha ọrụrụ-ọrụrụ.

Ẹtore 5:5

Dị ọnya ịnị azọkụ ẹnẹẹ kà a mị ka asị mị rẹ̀ jị òrèrè nị. Ọ kà, Re, Idu ana hụrẹ ovwoovu Ijuda vẹ, ana vị ozi Idevidi, ọ raà nyị ehuna. Ọ zụ hụ̀ ịsa ịhịmba ana a sị vá iwe ọnọọ, dị ọ hụ̀ iwe ọnọọ.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 6:1

Mê re, Ózi Atẹmẹ ọnọọ mẹ̀ hụ̀ ọnya ịnị ịsa ịhịmba ana a sị vá iwe ọnọọ. Dị mị wụ́ ka ọnya ịnị ịsa ẹẹna ẹnẹẹ ana nyị ụhwẹ avọọ, ô nowu nị. Ọngwẹ anị ộ banyị anka apaana ihinẹba avọọ. Dị ọ ka: Vẹ!