Ẹtore 5:9 - IWE ỌNỊNỊ

⁹ Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 5:9 ပူးပေါင်းရင်းမြစ်များ

Ahẹ Ụgama 144:9

Ohomorihi, mị vaa jị ahẹ ọwọọwa gono wụ, dị mị sị àgidibò di mee hú ọ kụ wụ avọọ.

Ahẹ Ụgama 149:1

Waa kụ́ Ẹnẹyịmavara avọ nịnị. Waa jị ahẹ ọwọọwa gono Ẹnẹyịmavara nịnị. Waa jị ahẹ kụ́ ọ avọ ịzị aza anị ẹ̀ẹ maanị kụ́ gụ hi.

Ahẹ Ụgama 33:3

Ẹwa jị ahẹ ọwọọwa idi wee sii gono ọnị Ẹwụ nịnị ò hú ịsa ẹtẹẹrẹ, dị waa tụ́ ọga yọ nịnị.

Ahẹ Ụgama 40:3

Ohomorihi ộ mẹ̀ ka ma zụụ jị ahẹ dị ma sịị sị ụbanyịị yị ọnị Aza ọrụrụ-ọrụrụ vee re ịsị Ohomorihi mẹ, dị ẹ yaa sị ụbanyịị yọ, dị ẹ rẹ sị ayị tụra a.

Ahẹ Ụgama 96:1

Waā jị ahẹ ọwọọwaa gono Ẹnẹyịmavara nịnị, mị ka avaba ẹwụ nịnị anẹhẹ ọ̀ọ jị ahẹ gono Ẹnẹyịmavara.

Ahẹ Ụgama 98:1

Waā jị ahẹ ọwọọwa gono Ẹnẹyịmavara nịnị, agụvị ka ịsa ọnị ọ mẹ ộ banyị. Ọ raà sị ụkata ẹngụ anị nyị ehuna.

Ayịsaya 42:10

Jị ahẹ ọwọọwa gono Ẹnẹyịmavara nịnị. Jị ahẹ gono o avaba ẹwụ nịnị anẹhẹ. Ẹwụ nịnị anaā zị ụsẹ ini òkū ee gono o. Avaba ịsa ene hi ini òkū ee gama a Dị aza ana ra hị́ aha ẹnẹẹnẹ eni e ree gono o.

Ịdanịyẹrị 3:4

Dị ọza anaā nọ̀ọ na owu tụ ẹba dị ọ́ nọ̀ọ yị avaba aza ana gụ hụrị ẹkụra irenyi-irenyi ka, á sị ọ mẹ ọda ka

Ịdanịyẹrị 4:1

Ẹkụhị ọnya, dị Ohinọyị Inebukadineza maanị tụ́ ụtụ ọnọnị hi avaba anẹhẹ nị. Ẹkụra ọzọza ọ sị tụ ụtụ hi wa nị.

Ịdanịyẹrị 5:19

Ộ nyị ụbanyị pooro ne tu ka avaba anịrẹsụ ẹtẹ vị enee hí angwa anị. Ọza enee ze e eyi ọ zụ wụ ọ, ọza ọnị ọ̀ọ ka ọ̀ọ mẹ ẹhẹ dị a mẹ ẹhẹ. Ọza enee ze e eyi, dị ọ kà udi anị hịrẹ, ẹ̀ yị vị avọọ dị ọ mẹ̀ ụhị nyị ọ.

Ịdanịyẹrị 6:25

Ohinọyị ộ chẹrẹ iwe tu hi avaba Anịrẹsụ ẹtẹ nị. Dị ọ kụ wa nị.

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Imatiwu 26:28

Ọsọnị ọ vị anya amị oni Ohomorihi sị sị ụvọ tụ́ ịnị oto ọwọọwa, oni mi vee chee sẹ́ ẹtẹẹ yị aza ọrụrụ, dị à sị sị ịvị ẹnịnị vagu wa.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

1 Anịkọrịntị 6:20

Ohomorihi ọ sị wụ nịnịị hị́, ọ sị ụta sí; agụvị avọọ wa kụkụụ sị ẹngụ awụ nịnịị sị ụbanyịị yị Ohomorihi.

1 Anịkọrịntị 7:23

Ohomorihi ọ raà hị́ wụ nịnị, ọ sị ụta awụ nịnị sí; agụvị avọọ asị ụ kụkụ na vị ọrịhị ọza nịnị.

Anẹhwẹsọsị 1:7

Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.

Anẹhwẹsọsị 5:19

Waa jị ahẹ irenyi-irenyi nịnị, anka Ụ́hwẹ Ọnịnị ọ̀ọ mẹ̀ sị zụ̀ wụ nịnị, di u we sii pe ẹngụụ kà ịrẹyị nịnị! Waa jị ahẹ ịnị ayị awụ nịnịị ga Ananyị yị.

Anikorasi 1:14

Ozi anị ọnọọ ọ hị́ yị varẹma, dị ọ rẹ vagu yị ịnị ịvị ayị nị.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Anihiburu 11:14

Aza ana vavọọ kà, ẹ́ẹ sị zụ̀ ka ẹnị ee sì ẹkụra ana vị ẹ́ẹnịnị.

2Ipita 2:1

Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.

Ẹtore 10:11

Dị ọ ka, â nyị ka ma rẹẹ kà ịsẹẹ yị aza ọrụrụ-ọrụrụ ọnịrị anẹkụra ọrụrụ-ọrụrụ ana aa kà ẹkụra irenyi-irenyi, beri ohinọyị nịnị nị.

Ẹtore 11:9

Avaba anẹkụra, aza ana aa kà ẹkụra irenyi-irenyi avaba ẹhẹ, vee re oku ẹnẹẹ mẹ ẹkụhị ẹẹta rị ẹjịjị, ama dị ẹ́ yị zẹẹ ka è ne wa.

Ẹtore 13:7

Áa zẹẹ ka ò pe aza Ohomorihi kụ̀ ịrẹkụ, di ò huna wa. A vavọọ sị ụkata yọ ịrẹsụ avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 14:6

Me re re anggẹẹrị ọsa ene ee hira ẹ́bẹẹba. Ọ́ọ nyị enube ọyịza ana yà pooro zịna-zịna ana aa naa kà a yị aza ene hi ẹhẹ, avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 15:3

Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.

Ẹtore 17:15

Dị anggẹẹrị ọnọọ rẹ kà a mị ka okuha oni mi re avọọ ọnị ọsẹrẹka ọnọọ yaayịtẹ ịrẹsụ anị vị ana jẹẹ yị ẹkụra nịnị ọnịrị aza nịnị ne beri aza irenyi-irenyi ana aa kà ẹkụra irenyi-renyi.

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.

Ẹtore 5:12

Di eyee nowuu kà a ka: Ozi atẹmẹ ọnọnị ana a vịdị wụ, ộ hụ ọọ dọ ụkata ẹtẹẹtẹrẹ ọnịrị ụbanyị beri ịrẹyọyẹ. Ộ nyị ụkata. Á vọrọ ka àa sị ụbanyị ọnịrị igirima beri ụgaa yọ!

Ẹtore 5:6

Di mi re Ozi atẹmẹ ọnya ka ọ jẹẹ ọ́vịdị aga ohinọyị ọnọọ nị. Dị ịsa ẹẹna ana nyị ụhwẹ, beri azọkụ ẹnẹẹ jẹẹ jesi kara a nị. Vị ọ sị mẹẹ ka vị a vịdị wụ Ozi atẹmẹ ọnọọ nị. Ộ nyị ọpanyị ịhịmba ọnịrị eyi ịhịmba ana vị Ụhwẹ Ohomorihi ịhịmba ana a raà tụ́ nọ avaba ẹhẹ.