Ẹtore 5:6 - IWE ỌNỊNỊ

⁶ Di mi re Ozi atẹmẹ ọnya ka ọ jẹẹ ọ́vịdị aga ohinọyị ọnọọ nị. Dị ịsa ẹẹna ana nyị ụhwẹ, beri azọkụ ẹnẹẹ jẹẹ jesi kara a nị. Vị ọ sị mẹẹ ka vị a vịdị wụ Ozi atẹmẹ ọnọọ nị. Ộ nyị ọpanyị ịhịmba ọnịrị eyi ịhịmba ana vị Ụhwẹ Ohomorihi ịhịmba ana a raà tụ́ nọ avaba ẹhẹ.

Ẹtore 5:6 ပူးပေါင်းရင်းမြစ်များ

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Ịdanịyẹrị 8:3

Ọ kà ọnị mẹ kana eyi, dị ọnị ré ka ịdẹba ọnyara aanị jẹẹ ụtọ irehu ọnọọ nị. Ịdẹba ọnọnị ô nyị ọpanyị ọgọdọ-ọgọdọ ẹẹva, ama ọnyara ộ gọdọ huna ọsa nị. Dị a hị́ ka ana gọdọ hu aanị ó nyị ọdịrẹma nị.

Imika 4:13

Ẹnẹyịmavara kà ẹwụ nịnị Anijerusarẹmị ọ̀ kwẹẹtẹ. Ọ kà wa kwẹẹtẹ di we nee tù ọnịvị awụ nịnị. Ọ kà ọnị vaa mẹ ka wa nyị ụkata anka ụnọ ana nyị ọpanyị enyusẹ Dị ọnị sị ụkata wụ nịnị anka ụnọ ana nyị ẹtụpa enyusẹ Dị ụ vavọọ aa sịị gara ọnịvị awụ nịnịị ha. Dị ụ kụ́ avaba ogu ẹnị ẹ sị ụkata dọ aza. Dị ụ dọ wa dị ụ sị na yị Ẹnẹyịmavara ana nyị avaba ẹhẹ.

Ihabaku 3:4

Dị ụbanyị anị aa zẹtẹ chanyị-chanyị anka ọyị avọọ nị. Dị ẹtohweyi aa zẹtẹ hụụ ịnị ụvọta anị ịzị ụkata anị tẹ̀ tụ nị.

Ịzakaraya 3:9

Re, a reè tenyi ịrẹta tụ ọvịdị Ijosuwa. Ịrẹta ọnọọ ọ nyị eyi ịhịmba. Ẹnẹyịmavara Ochẹtẹẹngụ kà ọnị va chẹrẹ ịsa tụ́ ọ. Ịnị ẹkụhị ọnya ọnị vaa nyee ịvị ẹtẹ ọnọnị kwooze.

Ịzakaraya 4:10

Aza ana si eyi wụ̀ ịsị e nyima kiiki vaa jẹ ịjị ee re ka Izerubabẹrị aa da irehi ọnọọ na tụ́ ọvịdị. Anggẹẹrị kà ịhịmba ọnọọ vị eyi Ẹnẹyịmavara ene re avaba ịsa ene hi ini ẹhẹ.

Ịrịka 7:39

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Ịrịka 7:57

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Iruuku 1:69

Ọ raà sị Ọdọzaha ọbanyị ọnya hụrẹ ini ovwoovu Idevidi ozi ahụ anị yị yị.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 1:36

Ị́jọọnụ mè re ka Ijeesu aa parahu, dị ọ rẹ ka, “Wee re Ozi Atẹmẹ Ohomorihi!”

Odeyi 8:32

Ịzị ọnọrụ ọnọọ aa kà ini Iwe Ohomorihi yị: “Vị ọ yà anka atẹmẹ ana a sị aa naa wụ avọọ nị. Vị ọ sị mẹẹ anka ozi atẹmẹ ene è yi mē nowu, àa yẹrẹ ẹyị anị avọọ nị, o yi tụ́ ohi ịrẹyị vụrụ-vụrụ.

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 14:1

Dị mị kana eyi nị, re, Ozi Atẹmẹ ọnọọ ọ́ọ jẹẹ ịrẹsụ Ataba Ịzayọnị. Dị aza ẹnị akawụ-akawụ oze ẹtarẹwụ tụra ẹẹva (144,000) jẹẹ pee nị. Áa chẹrẹ ịrẹha Ozi Atẹmẹ ọnọọ ọnịrị ịrẹha Ada anị tụ́ ini ibe ẹnịnị.

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 21:22

Me yi re irehi Ohomorihi ikonya ịnị ẹkụra ọnọọ, agụvị ka Ohomorihi Ananyị yị Ochẹtẹngụ ọnịrị Ozi Atẹmẹ ọnọọ ẹ vị irehi Ohomorihi ịzọọ nị.

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Ẹtore 22:3

Ẹ yị nyị ịsa oni Ohomorihi si chi hi ene vee re ịzọọ. Aga Ohomorihi ohinọyị ọnịrị Ozi Atẹmẹ ẹ vaa yà ịzọọ nị. Dị ezi ahị anị aa hẹkẹ ẹ.

Ẹtore 4:8

Ịsa ẹẹna ana nyị ụhwẹ ẹnẹẹ, ọnya-ọnya ộ nyị avaka ịhịnọnyị. Dị ẹhẹẹhẹ ẹnịnị ọnịrị ịnịnẹ ẹnịnị vị eyi-eyi nị. Ọọdụ ọnịrị ịrahụ, ẹnịnị e yị tụ́ ụhwọ́, dị ẹyaa jị ahẹ ka Ọnịnị, Ọnịnị, Ọnịnị, Ananyịwa Ohomorihi Ochẹtẹngụ vị nị. Ẹ yị nyị ẹngụ awụ, Ọnị ọ yà ịzọọ hụrị ụmọrụmọ dị a va yẹ ka aa mẹ ẹhẹ nị; ọnị ọ yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị.

Ẹtore 5:11

Dị mị rẹ kana eyi, dị mị wụ́ ọngwẹ anggẹẹrị ọrụrụ-ọrụrụ nị. Dị ẹnịrị ịsa ẹẹna ẹnẹẹ ana nyị ụhwẹ, beri azọkụ ẹnẹẹ jẹẹ kara aga ohinọyị ọnọọ nị. Anggẹẹrị ẹnẹẹ ẹ rụrụ ẹtẹẹtẹrẹ, ana ahịka ọza ọ yị zụ za ịrịka.

Ẹtore 5:12

Di eyee nowuu kà a ka: Ozi atẹmẹ ọnọnị ana a vịdị wụ, ộ hụ ọọ dọ ụkata ẹtẹẹtẹrẹ ọnịrị ụbanyị beri ịrẹyọyẹ. Ộ nyị ụkata. Á vọrọ ka àa sị ụbanyị ọnịrị igirima beri ụgaa yọ!

Ẹtore 5:13

Dị mị rẹ wụ́ ka avaba ịsa ana yà ẹbẹẹba, ọnịrị ẹhẹ beri ịsị ẹ yà ini eku, ọnịrị avaba ịsị e hi ini òkū, avaba ịsa saka-saka aa kà a ka: Ọza ana yaayịtẹ ịnị aga ohinọyị, ọnịrị Ozi Atẹmẹ ệ nyị ụkata. Â vọrọ ka àa sị ụga ọnịrị ụbanyị beri igirimaa yị wa pooro zịna-zịna!

Ẹtore 5:14

Dị ịsa ẹẹna ana nyị ụhwẹ avọọ ka Aamị nị. Dị azọkụ ohurẹẹna ẹnẹẹ tana tụra ẹtẹ, dị ẹ hẹkẹ ọza ọnọọ ana yára pooro zịna-zịna nị.

Ẹtore 6:16

Dị ẹ kà a yị ịrẹta beri ataba ka è wú za ẹnị, dị ẹ̀ sị ẹnị tẹ̀, dị asị ọza ana yaayịtẹ ịnị aga ohinọyị ọnọọ re ẹnị, dị asị Ozi Atẹmẹ ọnọọ rẹ kụ́ ayị hi ẹnị nị.

1 Ịsamụwẹrị 2:10

Aza ana kwẹẹtẹ tù Ẹnẹyịmavara vị ọnị ọ vaa garaa ha. Apaana ihinẹba ọ vaa tụ́ụ hi wa nị. Ẹnẹyịmavara vaa mẹ̀ ọkarẹyị avaba anẹhẹ. Ọ vaa sị ụkataa yị ọza ọnị ọ sị mẹ ohinọyị, mị ka ọza ọnị ọ̀ọ nyị mẹ ohinọyị, vị ọnị ọ vaa sị ụkataa yị.”