Ẹtore 5:5 - IWE ỌNỊNỊ

⁵ Dị ọnya ịnị azọkụ ẹnẹẹ kà a mị ka asị mị rẹ̀ jị òrèrè nị. Ọ kà, Re, Idu ana hụrẹ ovwoovu Ijuda vẹ, ana vị ozi Idevidi, ọ raà nyị ehuna. Ọ zụ hụ̀ ịsa ịhịmba ana a sị vá iwe ọnọọ, dị ọ hụ̀ iwe ọnọọ.

Ẹtore 5:5 ပူးပေါင်းရင်းမြစ်များ

1 Ohinọyị 10:20

A rẹ nyị idu ẹwụrẹva ana jẹẹ ịnị ahụ ịhịnọnyị ịzị a zịị̄ hịrẹ na ngụ ịnị aga ọnọọ. Idu ọnya-ọnya vị ana jẹẹ eyi ọnyị eyi ọsa ini ịzị a zịị hịrẹ nọ ịnị aga ọnọọ. Â yị nyị ẹkụra ohinọyị ọnya ana a vavọọ mẹ̀ ịsa hi da.

2 Ịtọpa 9:18

Igooru a sị mẹ ịrẹhụ pe e ọnịrị aha ọyị kụ ụvọ tụra nị. Â nyị uyi idu ana jẹẹ akaha eyi ẹnyị eyi ọsa aga ohinọyị.

Ijoovu 41:15

Ikerebe ana a tara za a ịrẹma ọ̀ katẹngụ anka ịrẹta.

Ayịsaya 11:1

Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ijeremaya 31:16

Ẹnẹyịmavara kà, hụụnị orere ọ̀ yị jị dị we nyee ẹgọ hụụnị eyi awụ, agụvị ka ụ vaa dọ ọgụ ụkọrọ awụ. Ezi ewu vanaa vàa hụrị ẹtẹ ọnịvị ẹnịnị ve eehi.

Ịdanịyẹrị 7:16

Agụvị avọọ di oni ne tù ọza ịnyara ịnị aza ana jẹẹ ịzọọ ka ọ mẹ ẹhahi avaba ịrẹyị ẹnẹnị yị ọnị nị. Ịzẹyịza dị ọ kà a yị ọnị nị.

Ịrịka 24:9

Anisirẹrị vị ana hụtụ anka idu ana tụ́ ụhwọ́ ịrẹma ọnị o ba egidi kwooze avọọ. Ẹnẹ nyayịnẹ ne ziizi ọ re? Ọza ana ka o zee yọ, vị ọnị o vee zee yị, ọza ene chi hi ọ vị ọnị ozirenu va za.

Iruuku 23:28

Dị Ijeesu kana eyi sì wa, dị ọ ka, “Ẹwụ nịnị ezi anẹẹ Ijerusarẹmị, asị ụ jị òrèrè amị nịnị! Ama waa jị òrèrè ẹngụ awụ nịnị ọnịrị ezi ewu nịnị!

Iruuku 7:13

Ịjị Ananyị yị re e, ayị anị ộ vá a. Dị ọ kà a yọ ka, “Asị u rè sụ ùnè!”

Iruuku 8:52

Avaba anịzọọ ee nowu, dị ẹyaa jị òrèrè ozi ọnọọ nị. Dị Ijeesu kà a yị wa ka, “Asị u rè sụ ùnè nịnị, ka ozi ọnọọ o yi sú; vị aa sụ ara nị!”

Ịjọọnụ 20:13

Dị ẹ họ̀ Imeri ka, “Ọnẹẹ ọnọnị, sị ẹ vẹ dị ụ waa jị òrèrè?” Dị ọ ka, “A raà sị Ananyị yị hụụ ịzẹnị, mẹ yị yẹ ịzị ẹ sị ọọ tụ́.”

Aniroomi 1:3

Enube ọyịza ọnọọ vị ịrẹyị Ijeesu Ananyị yị Ikirisiti. Ozi Ohomorihi ọ vị nị. Anka ini oze ọza kẹnẹ, ozi Idevidi ọ vị nị.

Aniroomi 15:12

Ayịsaya ọ rẹ vịdị kà a ka, “Ozi ọnya ana vaa chịị hụụnị ovwoovu Ijeesee vẹ, ọnị ọ vaa kwẹẹtẹ, dị ọ̀ rị ohinọyị tụ́ ịrẹsụ Anigiriki nị. Ọnị ẹ́nịnị vaa sị ayịị tụra nị.”

Anihiburu 7:14

Yâ yẹ ka Ananyị yị vị ana chị hụụnị ovwoovu Ijuda vẹ. Imosiisi ọ yị hị́ ịrẹha anovwoovu ọnọọ, àaa kà ịrẹyị ini oze ohirẹsụ irehi Ohomorihi.

Ẹtore 1:1

Iwe ọnọnị vị ịrẹyị ịsa oni Ijeesu sị zụ̀ ezi ahụ anị. Ohomorihi ộ sị ịsa ẹnẹnị yị Ijeesu Ohinọyị ọnị Ọ nyị ka ọ̀ dọ yị há, ka ọ̀ sị zụ̀ wa ịrẹyị ana ahịka o yi vee kù dị ẹ̀ mẹ. Di Ikirisiti tụ́ anggẹẹrị anị hi Ịjọọnụ ozi ahị anị ka ọ̀ na sị ịsa ẹnẹẹ zụ̀ ọọ nị.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ẹtore 4:10

dị azọkụ ohurẹẹna ẹnẹẹ và ku ẹtẹ ọvịdị ọza ana yaayịtẹ ịnị aga ohinọyị ọnọọ ana yára pooro zịna-zịna, dị ẹyaa hẹkẹ ẹ. Dị ẹ hụ̀ ọkẹkẹrẹkụ ẹnịnị tụ́ ọvịdị aga ohinọyị, dị ẹ ka:

Ẹtore 4:4

A rẹ nyị aga ohinọyị ohurẹẹna ana kara aga ohinọyị ọnọọ. Azọkụ ohurẹẹna ẹnyị aanị ệ yaayịtẹ ịnị ẹnịnị, dị e chire awuru ọvwọọvụ, dị e re kú ọkẹkẹrẹkụ ana sị igooru mẹ nị.

Ẹtore 5:4

Dị maa jị òrèrè ẹtẹẹtẹrẹ nị, agụvị ka ẹ yị va nyị ọza ịnya ana va hụ ọọ hụ̀ iwe ọnọọ dị ò re e.

Ẹtore 6:1

Mê re, Ózi Atẹmẹ ọnọọ mẹ̀ hụ̀ ọnya ịnị ịsa ịhịmba ana a sị vá iwe ọnọọ. Dị mị wụ́ ka ọnya ịnị ịsa ẹẹna ẹnẹẹ ana nyị ụhwẹ avọọ, ô nowu nị. Ọngwẹ anị ộ banyị anka apaana ihinẹba avọọ. Dị ọ ka: Vẹ!

Ẹtore 7:13

Dị ọnya ịnị azọkụ ẹnẹẹ họ̀ mị, dị ọ ka: Ẹnẹ vị ẹnẹnị ana maanị chire awuru ọvwọọvụ aanị? Ịzị ẹ hụrẹ vẹ?