Ẹtore 5:1 - IWE ỌNỊNỊ

¹ Mê re iwe ọnya ịnị ụvọ ọza ana yaayịtẹ ịnị aga ohinọyị ọnọọ. Ịnịnẹ iwe ọnọọ ọnịrị ẹhẹẹhẹ anị vị ana a chẹrẹ ịsa hi. Dị a sị ịsa vaa aha ịhịmba nị.

Ẹtore 5:1 ပူးပေါင်းရင်းမြစ်များ

Ayịsaya 29:11

Ohomorihi ọ̀ọ sị ẹtẹ zụ̀ wụ nịnị ọ yị vaa zẹẹ ka wa yẹ iruvo ẹtẹ oni wee re nịnị. Vị ọ vaa sị mẹẹ iwe ana a chẹrẹ dị a sị ịsa kú ọ avọọ nị. Wàa si iwe ọnọọ yị ọza ana yara kà iwe dị ụ ka aarịhịnị ò pè wu kà a nị, dị ọ ka ọnị ọ yị zụ kà a, ka a raà sị ịsa kú ọ.

Ayịsaya 34:16

Na ka iwe Ẹnẹyịmavara di wee re ịsa ọnị ọ̀ vaa mẹ. Ẹ yị nyị inomi ọnịrị uye ene vee vu, ẹ yị ọnị ẹyị vaa nyị ọnọhụva. Ẹnẹyịmavara o reè wo oto anị. Ọnị ụvọta vaa sị ọ sị.

Ayịsaya 8:16

Ohomorihi ka ma kà a yi ezirẹma amị ka ẹ̀ sị eyi pè ịrẹyị anị, dị ẹ̀ sị ụvọ za a.

Ịdanịyẹrị 8:26

Ịdanịyẹrị kà, Igebirẹẹrị ộ kà a yị ọnị ka, ẹtẹ ọnị ọnị re ịnị ịrẹyị ịsọvọ ẹ́nẹnẹ ọnịrị oruva aanị vị ịzẹyịza anka a mẹ̀ mẹ ẹhahi anịị yị ọnị; ama ọnị ọ̀ sị tụ ịnị ayị da agụvị ka ụmẹ ộ yịị vọ gọdọ dị ọ̀ va mẹ.

Ịzakaraya 5:1

Ịzakaraya ộ rẹ kana eyi va hịrẹ di o re iwe ene hira

Ẹtore 10:2

Ộ nyị iwe oweyi ọnya aanị rị ụvọ ọnị ọ hụ̀ tịtẹ. Ộ sị ahị ụvọrị tụ́ ini òkū, dị ọ sị ahụ ụvọha anị tụ́ ini eteesu nị.

Ẹtore 4:3

Ọza ana yaayịtẹ ịzọọ vị ene eyi anị aa za nyanga-nyanga anka ịrẹta nyoo-nyoo ẹnyị aanị ana aā hị́ ịjasịpa ọnịrị Ịkanẹrịyanị avọọ. Dị ọgaazị ana achẹrẹ anị sị mẹẹ ịrẹta angẹrẹ ana aā hị́ emeradi, kara aga ohinọyị ọnọọ nị.

Ẹtore 4:9

Ụmẹ tụra ụmẹ ọnị ịsa ẹẹna ana nyị ụhwẹ aanị ẹ̀ẹ yaa sị igirima ọnịrị ụbanyị beri avọọ yị ọza ana yara pooro zịna-zịna ana yaayịtẹ ịnị aga ohinọyị ọnọọ,

Ẹtore 5:13

Dị mị rẹ wụ́ ka avaba ịsa ana yà ẹbẹẹba, ọnịrị ẹhẹ beri ịsị ẹ yà ini eku, ọnịrị avaba ịsị e hi ini òkū, avaba ịsa saka-saka aa kà a ka: Ọza ana yaayịtẹ ịnị aga ohinọyị, ọnịrị Ozi Atẹmẹ ệ nyị ụkata. Â vọrọ ka àa sị ụga ọnịrị ụbanyị beri igirimaa yị wa pooro zịna-zịna!

Ẹtore 5:7

Dị ọ vẹ, dị ọ va sị iwe ọnọọ hụụnị ụvọrị ọza ana yaayịtẹ ịnị aga ohinọyị ọnọọ nị.

Ẹtore 6:1

Mê re, Ózi Atẹmẹ ọnọọ mẹ̀ hụ̀ ọnya ịnị ịsa ịhịmba ana a sị vá iwe ọnọọ. Dị mị wụ́ ka ọnya ịnị ịsa ẹẹna ẹnẹẹ ana nyị ụhwẹ avọọ, ô nowu nị. Ọngwẹ anị ộ banyị anka apaana ihinẹba avọọ. Dị ọ ka: Vẹ!

Ẹtore 6:16

Dị ẹ kà a yị ịrẹta beri ataba ka è wú za ẹnị, dị ẹ̀ sị ẹnị tẹ̀, dị asị ọza ana yaayịtẹ ịnị aga ohinọyị ọnọọ re ẹnị, dị asị Ozi Atẹmẹ ọnọọ rẹ kụ́ ayị hi ẹnị nị.

Ẹtore 8:1

Ozi Atẹmẹ ọnọọ ộ hụ̀ ịsa ọhụhịmba ana a sị vá iwe ọnọọ, dị avaba ẹbẹẹba tịtẹ sisisi mẹ ẹhụụ achẹva agogo ọnya avọọ nị.