Ẹtore 4:8 - IWE ỌNỊNỊ

⁸ Ịsa ẹẹna ana nyị ụhwẹ ẹnẹẹ, ọnya-ọnya ộ nyị avaka ịhịnọnyị. Dị ẹhẹẹhẹ ẹnịnị ọnịrị ịnịnẹ ẹnịnị vị eyi-eyi nị. Ọọdụ ọnịrị ịrahụ, ẹnịnị e yị tụ́ ụhwọ́, dị ẹyaa jị ahẹ ka Ọnịnị, Ọnịnị, Ọnịnị, Ananyịwa Ohomorihi Ochẹtẹngụ vị nị. Ẹ yị nyị ẹngụ awụ, Ọnị ọ yà ịzọọ hụrị ụmọrụmọ dị a va yẹ ka aa mẹ ẹhẹ nị; ọnị ọ yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị.

Ẹtore 4:8 ပူးပေါင်းရင်းမြစ်များ

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Ahẹ Ụgama 91:1

Ọza ana aa sị ẹngụ anị na tẹ̀ ịda Ohomorihi ana nẹba hu keekere ẹnị Ananyị yị vaa jị òkúu kú, dị ẹ yaa tụ́ ụhwọ nị.

Ọyịkụra 15:11

Ẹnẹyịmavara, ye re ọnị a nyẹngụ si juwe awụ ịnị avaba ori nịnị? Ẹnẹ ka ọnịrị ẹwụ ộ vị ọpa? Áá nyị ọza ana vị ọnịnị dị ọ rẹ nyị ụbanyị anka ẹwụ. Aza vi ene ee hí angwa agụvị ka wá nyị ụbanyị. Ẹ yị nyị ọza ana zụ mẹ̀ ụkọrọ ịvọpa ẹbanyị-ẹbanyị ọnị ụ waa mẹ.

Ọyịkụra 3:14

Di Ohomorihi kà a yi Imosiisi dị ọ ka Ọnị ọ rị Ẹmị ana vị Ẹmị Di Ohomorihi rẹ kà a yọ dị ọ ka: Ọ̀ kà a yị Anisirẹrị ka Ẹma vị Ẹmị ọ tụ́ ọ vẹ nị.

Ayịsaya 13:6

Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.

Ayịsaya 62:1

Ẹnẹyịmavara kà a, agụvị Ịzayọnị ọnị e yi vee chi iriji, agụvị Ijerusarẹmị ọnị ẹ yị vaa tụ́ ụhwọ́, ẹ yị ịjị ịzẹyịza anị aa zẹtẹ, dị ẹdọha anị aa za anka ịra ịtọchị.

Ezikẹẹrị 1:18

Enyusẹ ịsị ẹ sị mẹẹ ahụ ụkẹkẹ aanị ẹyịna vị ana sị ẹngụ-ẹngụ vị eyi-eyi.

Ezikẹẹrị 1:5

Ọ kà ọnị ô re ịsa ẹẹna ana aa tụ́ ụhwẹ, ịnị akakana opomi ọnọọ; vị ẹ sị mẹẹ anka ọza avọọ nị.

Ezikẹẹrị 1:6

Ama, ikonyi ikonya ẹnịnị vị ana nyị eyirẹsụ ẹẹna ọnịrị avaka ẹẹna.

Ezikẹẹrị 10:12

Avaba ọchẹngụ ẹnịnị, ịrẹma, ụvọ ọnịrị avaka ẹnịnị vị eyi-eyi ene ee si re ẹtẹ. Avọọ ahụ ụkẹkẹ ẹnịnị mẹ rẹ nyị eyi kara ẹngụ nị.

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Odeyi 20:31

Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.

2 Anịkọrịntị 6:18

Ọnị vaa vị Ada awụ nịnị, dị ẹwụ nịnị rẹ vị ezi anọrụ ọnịrị ezi anẹẹ anị. Avọọ Ananyị yị Ochẹtẹngụ mẹ̀ kà nị.

1 Anịtẹsaronika 2:9

Ẹwụ nịnị ẹyịnyara amị, wáa tamayị, ị mẹmẹ mẹ̀ ụkọrọ, di i re osiye. Yáa mẹ̀ ụkọrọ ọọdụ ọnịrị ịrahụ, agụvị asị ị na vị ẹnya yị ọzọnyị-ọzọnyị awụ nịnị, ị màa kà enube ọyịza Ohomorihii yị wụ nịnị.

1 Itimoti 4:16

Sị eyi pe ẹngụ awụ ọnịrị ịsa ọnị ụ waa sịị zụ̀ aza! Waa yịị mẹ̀ ịsa ẹnẹẹ, agụvị ka wàaa mẹẹ, ụ vaa dọ ẹngụ awụụ há ọnịrị aza ana aa wụ́ ịrẹyị awụ.

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!

Anihiburu 13:8

Ijeesu Ikirisiti yị vị ọnyọọnya ẹẹrị ọnịrị ajịnị ne beri pooro zịna-zịna.

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.

Ẹtore 1:8

Ohomorihi Ananyị yị Ochẹtẹngụ, ọnị ọ yà ịzọọ hụrẹ ụmọrụmọ dị a va yẹ aa mẹ ẹhẹ nị. Ọnị ọ yị yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị. Ọ kà, Ọnị ọ vị ọnịpaapa ọnịrị ọdịrẹma nị.

Ẹtore 11:17

Dị ẹ ka, Ohomorihi Ananyị yị Ochẹtẹngụ, ẹnị ệ kụ́ wụ avọ. Ẹwụ aa yà ịzọọ hụrị ụmọrụmọ dị a va yẹ ka aa mẹ ẹhẹ nị; ẹwa yị yà ịzọọ nị, ụ rẹ vanaa vaa vẹ ịnị ẹhẹ. We si nyima aa sị ụkata ọbanyị awụụ zụ̀, we reè nyima aa mẹ ịjọva.

Ẹtore 14:11

Dị areyi ịra ana aa sị ụyaa rị wa, aa vàa hịrẹ pooro zịna-zịna. Aza ana àa hẹkẹ uye ọnọọ ọnịrị ori anị dị ẹ rẹ dọ apọtẹrẹwa ịrẹha anị nị, ẹ mā vana tụ́ ụhwọ́ pooro ọọdụ ọnịrị ịrahụ.”

Ẹtore 14:3

Dị ẹ jẹẹ ọvịdị aga ohinọyị ọnọọ ọnịrị ịsa ẹẹna ẹnẹẹ ana nyị ụhwẹ, beri azọkụ ẹnẹẹ, dị ẹyaa jị ahẹ ọwọọwa ọnya nị. Ẹ yị nyị ọza ana zụ kọ ahẹ ọnọọ, ẹ̀ yị vị aza ẹnị akawụ-akawụ oze ẹtarẹwụ tụra ẹẹva ẹnẹẹ (144,000) ana a sị hị́ varẹma hụụnị ẹhẹ kẹnẹ.

Ẹtore 15:3

Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.

Ẹtore 15:7

Dị ọnya ịnị ịsa ẹẹna ẹnẹẹ ana nyị ụhwẹ aanị sị ịchacha igooru ịhịmba, dị ọ sị yị anggẹẹrị ẹnẹẹ nị. Ịchacha ẹnẹẹ vị ohihi ọyịkụ Ohomorihi ana yára pooro zịna-zịna.

Ẹtore 16:14

Ẹnị ẹ vị ụhwẹ echu ana aa mẹ̀ ụkọrọ ohyozirenu nị. Dị ụhwẹ echu ẹẹta ẹnẹẹ nọ ịda avaba ohinọyị anẹhẹ nịnị nị. Di eyee sì ka ẹnị ẹ̀ kụ́ wa gụ tịtẹ zí ịrẹkụ ana aa vẹ ịnị ẹkụhị ọbanyị Ohomorihi Ochẹtẹngụ nị.

Ẹtore 16:7

Dị mị rẹ wụ́ ọngwẹ ọsa hụụnị ụta ọnọọ vẹ, dị ọ tụ́ ohi ka, “Ohomorihi Ananyị yị Ochẹtẹngụ, ịzẹyịza ụ waa sịị mẹ̀ ọkarẹyị nị, ẹ yị nyị ireche ịnị anị.”

Ẹtore 19:15

Dị ụhwọ ọnya aanị ana rẹ ẹtẹẹtẹrẹ hụụnị irenu anị vẹ nị. Ọnị ọ vaa sị nyị ehuna anẹhẹ nịnị nị. Okutẹ enyusẹ-enyusẹ ọ vaa sị mẹ ịjọvaa tụra wa nị. Ọ vaa sị ahụụ kwọrọ aza ẹhịmịị há anka a mẹ̀ẹ kwọrọ asẹ ịnị ụkọ avọọ. Ọnọọ vị ana jẹẹ yị ọyịkụ Ohomorihi Ochẹtẹngụ.

Ẹtore 19:4

Dị azọkụ ohurẹẹna ẹnẹẹ beri ịsa ẹẹna ẹnẹẹ ana nyị ụhwẹ tana tụra ẹtẹ, dị ẹ hẹkẹ Ohomorihi ana yaayịtẹ ịnị aga ohinọyị ọnọọ nị. Dị ẹ ka, “Aamị; Ụga ọ vị yị Ẹnẹyịmavara nị!”

Ẹtore 21:22

Me yi re irehi Ohomorihi ikonya ịnị ẹkụra ọnọọ, agụvị ka Ohomorihi Ananyị yị Ochẹtẹngụ ọnịrị Ozi Atẹmẹ ọnọọ ẹ vị irehi Ohomorihi ịzọọ nị.

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị:

Ẹtore 4:4

A rẹ nyị aga ohinọyị ohurẹẹna ana kara aga ohinọyị ọnọọ. Azọkụ ohurẹẹna ẹnyị aanị ệ yaayịtẹ ịnị ẹnịnị, dị e chire awuru ọvwọọvụ, dị e re kú ọkẹkẹrẹkụ ana sị igooru mẹ nị.

Ẹtore 4:6

A rẹ nyị oku ọnya aanị ọ́vịdị aga ọnọọ; vị ọ sị mẹẹ anka ore avọọ nị, ô nyeeyi ẹtẹẹtẹrẹ. A rẹ nyị ịsa ẹẹna ẹnyị aanị ana nyị ụhwẹ, ana jẹẹ kara aga ohinọyị ọnọọ. Ịrẹma ẹnịnị ọnịrị ọvịdị ẹnịnị vị eyi-eyi.

Ẹtore 4:9

Ụmẹ tụra ụmẹ ọnị ịsa ẹẹna ana nyị ụhwẹ aanị ẹ̀ẹ yaa sị igirima ọnịrị ụbanyị beri avọọ yị ọza ana yara pooro zịna-zịna ana yaayịtẹ ịnị aga ohinọyị ọnọọ,

Ẹtore 5:6

Di mi re Ozi atẹmẹ ọnya ka ọ jẹẹ ọ́vịdị aga ohinọyị ọnọọ nị. Dị ịsa ẹẹna ana nyị ụhwẹ, beri azọkụ ẹnẹẹ jẹẹ jesi kara a nị. Vị ọ sị mẹẹ ka vị a vịdị wụ Ozi atẹmẹ ọnọọ nị. Ộ nyị ọpanyị ịhịmba ọnịrị eyi ịhịmba ana vị Ụhwẹ Ohomorihi ịhịmba ana a raà tụ́ nọ avaba ẹhẹ.

Ẹtore 6:1

Mê re, Ózi Atẹmẹ ọnọọ mẹ̀ hụ̀ ọnya ịnị ịsa ịhịmba ana a sị vá iwe ọnọọ. Dị mị wụ́ ka ọnya ịnị ịsa ẹẹna ẹnẹẹ ana nyị ụhwẹ avọọ, ô nowu nị. Ọngwẹ anị ộ banyị anka apaana ihinẹba avọọ. Dị ọ ka: Vẹ!

Ẹtore 6:6

Dị mị wụ́ ịrẹyị ẹnyị aanị anka ọngwẹ avọọ ịnị akakana ịsa ẹẹna ẹnẹẹ ana nyị ụhwẹ nị. Dị ọ ka: Akụ ẹnya ọnya vị Ịnayịra ẹẹva, apaapa ẹnya ẹẹta rẹ vị Ịnayịra ẹẹva. Asị ụ zẹẹ ka angwẹ ọnịrị eche ẹ̀ zwọ!

Ẹtore 7:11

Dị avaba anggẹẹrị ana jẹẹ kara aga ohinọyị ọnọọ, beri azọkụ ẹnẹẹ ọnịrị ịsa ẹẹna ẹnẹẹ ana nyị ụhwẹ aanị, tana tụra ẹtẹ, dị ẹ và eyi ku ẹtẹ, dị ẹ hẹkẹ Ohomorihi nị.

Ẹtore 7:15

Agụvị avọọ, ẹ́nịnị va yà ọvịdị aga Ohomorihi ohinọyị, dị ẹyaa hẹkẹ ẹ ọọdụ ọnịrị ịrahụ ini eehi anị nị. Ọza ana yaayịtẹ ịnị aga ohinọyị ọnọọ vaa yàa pe wa.