Ẹtore 4:2 - IWE ỌNỊNỊ

² Dị Ụhwẹ Ọnịnị wụsẹ dọ avaba ayị amị nị. Â nyị aga ohinọyị ọnya ẹ́bẹẹba ịzọọ, dị ọza ịnya yaayịtẹ ịnị aga ohinọyị ọnọọ nị.

Ẹtore 4:2 ပူးပေါင်းရင်းမြစ်များ

1 Ohinọyị 22:19

Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị.

Ahẹ Ụgama 11:4

Ẹnẹyịmavara yà ini Irehi Ọnịnị anị ọ yà ịrẹsụ ode ohinọyị anị ẹbẹẹba. Ee re avaba ịsa ọnị ọzọza aa mẹ.

Ayịsaya 6:1

 nyị ẹkụhị ọnya ịnị ịrayị oni ohinọyị ana aā hị́ Uzaya sú. Di mi re Ananyị yị ka ộ yaayịtẹ ịrẹsụ ode ohinọyị nị. Ịzị ọ yà ộ nẹba dị ọ nyayịnẹ nyị ụbanyị nị. Ụtọ-ụtọ ịta anị vi ene hi avaba irehi Ohomorihi.

Ijeremaya 17:12

Ẹnẹyịmavara, irehi awụ vị ana sị mẹẹ anka aga ohinọyị ana nyị ụbanyị ẹtẹẹtẹrẹ, hụrị ẹtẹẹtẹ á hụrẹ dàa ịrẹsụ ataba ana nẹba nị. Ịzọọ ị yaā hẹkẹ wụ nị.

Ezikẹẹrị 1:26

 nyị aga ohinọyị ana yà akẹbẹẹba ịsị a gana aanị, dị á nyị ịsị ẹ sị mẹ anka ọza avọọ ana yaatụ ịnị anị nị. Aga ohinọyị ọnọọ vị ana a sị ịrẹta ana aā hị́ ịsahwaya mẹ,

Ezikẹẹrị 1:28

Ọ kà ịra anaa zẹtẹẹ kara a aanị vị ana sị mẹẹ anka ọgaazị ana hụrẹ ụmẹ orihi avọọ. Etohweyi chanyị-chanyị ọnọnị vị anaa sịị zụ ka Ẹnẹyịmavara yà ịzọọ. Ezikẹẹrị ka ọnị me re e, ọnị ô và eyi ku ẹtẹ, dị ọnị wụ́ ọngwẹ ọza anaa kà ịrẹyịị yị ọnị nị.

Ezikẹẹrị 10:1

Ezikẹẹrị ka, ọnị ộ kana eyi, dị ọnị re ịsị ẹ si mẹẹ utu avọọ ẹbẹẹba anggẹẹrị ana a hí Ikerubi nịnị ẹnẹẹ nị. Ọnị ô re ịsị ẹ sị mẹ anka aga ohinọyị ana a sị ịrẹta akàaka ana aā hị́ ịsahwaya mẹ ẹbẹẹba ẹnịnị.

Ịdanịyẹrị 7:9

Ịdanịyẹrị ka ọnị mee re ẹtẹ, dị ọnị re ka ê to aga ohinọyị nịnị hi ẹtẹ nị. Dị ọnị re ka ọza ana ya ịzọọ hụrị ụmọrụmọ ka ộ va yaatụ ịnị aga ẹnẹẹ ọnya nị. Ịta ọnị ọza ọnọnị kụ hi ẹngụ vị ọvwọọvụ sẹnẹ-sẹnẹ, dị ẹyịrẹsụ anị â vwẹtẹ anka owu oyiche avọọ nị

Imatiwu 22:43

Dị Ijeesu ka, “Sị ẹ vavẹ dị Ụhwẹ Ọnịnị mẹ ka Idevidi ọ̀ hị́ Ikirisiti ‘Ananyị mị’? Agụvị ka Idevidi ộ kà a ka:

Anihiburu 8:1

Avaba ịsa ọnị yaa kà ịrẹyị anị yị: Yáa nyị ohirẹsụ ọbanyị irehi Ohomorihi ọnya, ana yaayịtẹ éyi ụvọrị aga ohinọyị, ana nyị avaba ụbanyị ẹ́bẹẹba.

Ẹtore 1:10

Ẹkụhị ọnya ana vị ẹkụhị ọsẹ, Ụhwẹ Ohomorihi ộ va dọ avaba ayị amị. Dị mị wụ́ ọngwẹ ọbanyị ana sụ́ ịrẹyị anka ọpanyị avọọ ị́rẹma amị nị.

Ẹtore 12:5

Dị ọnẹẹ ọnọọ ma ozi ọnọrụ ọnya, ana vaa sị okutẹ enyusẹ-enyusẹ mẹ ịjọvaa tụra avaba ẹhẹ ịrẹsụ nị. Dị a wụsẹ sị ozi ọnọọ, dị a sị ọọ nọ ịdị Ohomorihi ịzị aga ohinọyị anị yà nị.

Ẹtore 17:3

Ụhwẹ Ọnịnị ọ́ọ dọ avaba ayị amị, dị anggẹẹrị ọnọọ sị mị nọ ịnị ụnọmị nị. Di mi re ọnẹẹ ọnya aanị ana yaayịtẹ ị́rẹsụ uye ovivi ọnya aanị nị. Dị a chẹrẹ ịrẹha edivi-edivi hi ọọ avaba ẹngụ nị. Uye ọnọọ ọ́ọ nyị ịrẹsụ ịhịmba, dị ọ nyị ọpanyị ẹẹwụ nị.

Ẹtore 19:4

Dị azọkụ ohurẹẹna ẹnẹẹ beri ịsa ẹẹna ẹnẹẹ ana nyị ụhwẹ tana tụra ẹtẹ, dị ẹ hẹkẹ Ohomorihi ana yaayịtẹ ịnị aga ohinọyị ọnọọ nị. Dị ẹ ka, “Aamị; Ụga ọ vị yị Ẹnẹyịmavara nị!”

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Ẹtore 21:10

Dị Ụhwẹ Ọnịnị dọ avaba ayị amị, dị anggẹẹrị ọnọọ sị mị nọ ịrẹsụ ataba ọnya aanị ana nẹba ẹtẹẹtẹrẹ nị. Dị ọ sị ẹkụra ọnịnị ọnọọ zụ̀ mị, ana vị Ijerusarẹmị nị, o mèe chíi hụrẹ ẹbẹẹba ịda Ohomorihi vẹ.

Ẹtore 21:5

Dị ọza ana yaayịtẹ ịrẹsụ aga ohinọyị ọnọọ ka, “Re, maa mẹ̀ ka avaba ịsa ẹ̀ vị ọwọọwa.” Dị ọ rẹ kà a mị ka ma chẹrẹẹ nị, agụvị ka ịrẹyị ẹnẹnị vị ịzẹyịza, ẹ yị nyị ireche ịnị anị.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ẹtore 4:10

dị azọkụ ohurẹẹna ẹnẹẹ và ku ẹtẹ ọvịdị ọza ana yaayịtẹ ịnị aga ohinọyị ọnọọ ana yára pooro zịna-zịna, dị ẹyaa hẹkẹ ẹ. Dị ẹ hụ̀ ọkẹkẹrẹkụ ẹnịnị tụ́ ọvịdị aga ohinọyị, dị ẹ ka:

Ẹtore 4:5

Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa háa hụụnị aga ohinọyị ọnọọ vẹ nị. Dị ozotupa ịhịmba aa zẹtẹ ọvịdị aga ohinọyị nị. Ozotupa ịhịmba ẹnẹẹ vị Ụhwẹ Ohomorihi ịhịmba.

Ẹtore 4:9

Ụmẹ tụra ụmẹ ọnị ịsa ẹẹna ana nyị ụhwẹ aanị ẹ̀ẹ yaa sị igirima ọnịrị ụbanyị beri avọọ yị ọza ana yara pooro zịna-zịna ana yaayịtẹ ịnị aga ohinọyị ọnọọ,

Ẹtore 5:1

Mê re iwe ọnya ịnị ụvọ ọza ana yaayịtẹ ịnị aga ohinọyị ọnọọ. Ịnịnẹ iwe ọnọọ ọnịrị ẹhẹẹhẹ anị vị ana a chẹrẹ ịsa hi. Dị a sị ịsa vaa aha ịhịmba nị.

Ẹtore 5:13

Dị mị rẹ wụ́ ka avaba ịsa ana yà ẹbẹẹba, ọnịrị ẹhẹ beri ịsị ẹ yà ini eku, ọnịrị avaba ịsị e hi ini òkū, avaba ịsa saka-saka aa kà a ka: Ọza ana yaayịtẹ ịnị aga ohinọyị, ọnịrị Ozi Atẹmẹ ệ nyị ụkata. Â vọrọ ka àa sị ụga ọnịrị ụbanyị beri igirimaa yị wa pooro zịna-zịna!

Ẹtore 6:16

Dị ẹ kà a yị ịrẹta beri ataba ka è wú za ẹnị, dị ẹ̀ sị ẹnị tẹ̀, dị asị ọza ana yaayịtẹ ịnị aga ohinọyị ọnọọ re ẹnị, dị asị Ozi Atẹmẹ ọnọọ rẹ kụ́ ayị hi ẹnị nị.