Ẹtore 4:11 - IWE ỌNỊNỊ

¹¹ Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.

Ẹtore 4:11 ပူးပေါင်းရင်းမြစ်များ

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

2 Ịsamụwẹrị 22:4

Mê nowu na za Ẹnẹyịmavara kà ọ̀ ba mi owu. Ẹnẹyịmavara a vọrọ ka àa sị ụbanyị yị nị.

Inehemaya 9:5

Ọdọvịdị Ireevi nịnị ẹ vị, Ijesuwa, Ikadimẹrị, Ibani, Ihasabineya, Iserebiya, Ihodiya, Isebaniya ọnịrị Ipetahiya nị. Ẹnịnị ệ hị́ aza ka ẹ̀ kwẹẹtẹ dị ẹ sị ụga yị Ẹnẹyịmavara Ohomorihi ẹnịnị agụvị ka ọnị ọ̀ yara pooro zịna-zịna nị. Dị e nyima aa si ụgaa yị ịrẹha Ohomorihi nị. Dị ẹ ka ụbanyị anị ô huna ịsa ọza zụ ro, ọnịrị ịsa irenu zụ ka.

Ijoovu 36:3

Ọnị vaa sị ịsa ọnị ọnị yẹ hụrẹ aha ene noze dị ọnị ọ sị zụ Ijoovu ka Ohomorihi ana mẹ̀ ẹyị ọza vị ọnịrẹyịzẹyịza.

Ahẹ Ụgama 18:3

Mê nowu na za Ẹnẹyịmavara kà ọ̀ ba mi owu Ọnị ọ dọ mị tụ́ hụụnị ụvọ ọnịvị amị nịnị nị Ẹnẹyịmavara a vọrọ ka àa sị ụbanyịị yị nị.

Ahẹ Ụgama 68:34

Waā kà ịrẹkụkụ ụkata oni Ohomorihi nyị. Avaba Anisirẹrị ệ yẹ ọ mẹmẹ nyị ụbanyị. Ụkata anị vị ana nya ẹtẹ ini eguhi.

Ọyịkụra 20:11

Wáā yẹ ka ẹkụhị ịhịnọnyị ẹmị Ẹnẹyịmavara sị mẹ ẹbẹẹba ọnịrị eteesu nị. Dị mị rẹ mẹ òkū ọnịrị avaba ịsa ene hi ịnị anị nị. Ịhị ẹ tụ́ ọ ẹkụhị ịhịmba di mị tụ́ ụhwọ nị. Dị ẹmị Ẹnẹyịmavara mẹ ẹkụhị ụhwọtụ ẹkụhị ọbanyị, dị mị nyị ọ tụ́ irenyi yị ẹngụ amị nị.

Ụhịrẹyị 16:4

Ẹnẹyịmavara ọ nyị iruvo ọnị ọ sị mẹ̀ ịsavịsavị. Ụya vị ene ku e zi ọza odivi.

Ayịsaya 40:26

Re ẹbẹẹba di u wee re! Ẹnẹ mẹ ụzọmị ọnị wee re? Ẹnẹyịmavara ana kụ wa tụ ẹhẹ anka ọkọnị isoja, ọ̀ yẹ ịrịka ẹnịnị vị, dị ọọ̄ sị ịrẹha ọzọza hị́ wa nị. Agụvị ụkata ọdẹngụ anị ene e si sere wa, ẹ yị nyị ene vu ịnị ẹnịnị.

Ayịsaya 40:28

Aanịka wẹ́ẹ́ yị yẹ? Wẹ́ẹ́ yị wụ̀? Ẹnẹyịmavara ọ vị Ohomorihi ana yara pooro nị. Ọnị ọ tụ ẹhẹ vẹ nị. Ọ yị mā ngụ ọ ẹngụ, ọ yị mā ha a. Ẹ yị nyị ọza ana yẹ ịsị vị aro anị.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 32:17

Tee, Ohomorihi Ananyị yị! Ẹwa tana ụvọ dị ụ sị ụkata awụ tụ́ ẹbẹẹba ọnịrị ẹhẹ ọnọnị nọ. Ẹ́ yị nyị ịsị ẹ katẹngụ yị ụ o.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Odeyi 17:24

Ohomorihi ana mẹ ẹhẹ ọnịrị avaba ịsa ene hi ịnị anị, ọnị ọ nyị ẹbẹẹba ọnịrị ẹhẹ nị. Ọ mā ra ini irehi ana aza dà.

Aniroomi 11:36

Ọnị ọ tụ́ avaba ịsa nị. Ọnị ọ za avaba ịsa jẹẹ nị. Ọnị avaba ịsa rẹ yà yị nị. Ohomorihi aza vaa sị ụbanyịị yị pooro zịna-zịna nị. Aamị.

Anẹhwẹsọsị 3:9

Ohomorihi ọ rẹ mẹ mị ka ma sị zụ̀ aza, dị è re e Óhomorihi mẹmẹ aa mẹ̀ ịsa ọnị ọ vịdị mẹ eto anị tịtẹ. Hụrị ụmọrụmọ dị a va yẹ ka aa mẹ ẹhẹ, Óhomorihi ana mẹ avaba ịsa hụrẹ sị ịsa ọnọọ tẹ nị.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Anihiburu 1:10

A rẹ ka, “Ẹwụ Ananyị yị, hụrẹ ụmọrụmọ, ẹ́wa mẹ ẹhẹ nị. Ẹwụ ụvọta ọ rẹ mẹ ẹbẹẹba nị.

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

Ẹtore 1:6

Ọ raà nyị yị ka ya nyị tụ́ ịnị ịjọva anị, dị ya rẹ yà anka ohirẹsụ irehi Ohomorihi, dị yaa hẹkẹ Ohomorihi Ada anị. Ọnị ọ vaa nyị igirima ọnịrị ụkata pooro zịna-zịna nị. Aamị.

Ẹtore 10:6

Ộ sị Ohomorihi ana yára pooro zịna-zịna, ana mẹ ẹbẹẹba ọnịrị avaba ịsị e hi ịnị anị, dị ọ rẹ mẹ ẹhẹ ọnịrị avaba ịsị e hi ịnị anị, dị ọ rẹ mẹ oku ọnịrị avaba ịsị e hi ịnị anị hị́ eku ka ọza ọ yị kụkụ vaa za a kù nị.

Ẹtore 14:7

Di o nowu tụ́ ẹba ka, “Nyị angwahi Ohomorihi, dị waa sị ụgaa yọ, agụvị ka ụmẹ ana aa sịị mẹ̀ ọkarẹyị anẹhẹ o si tù. Waa hẹkẹ ọza ana mẹ ẹbẹẹba ọnịrị ẹhẹ beri oku ọnịrị enyi ẹtẹ!”

Ẹtore 19:1

Ịrẹma ẹnẹẹ, mâ wụ́ ọngwẹ ọbanyị ẹnyị ana sị mẹẹ anka ọngwẹ ọkọnị aza avọọ ẹ́bẹẹba nị. Di eyee nowu ka, “À sị ụga yị Ẹnẹyịmavara. Ẹdọha ọnịrị ụbanyị beri igirima ọnịrị ụkata vị ana hụụnị ụvọ Ohomorihi Ananyị yị vẹ.

Ẹtore 5:12

Di eyee nowuu kà a ka: Ozi atẹmẹ ọnọnị ana a vịdị wụ, ộ hụ ọọ dọ ụkata ẹtẹẹtẹrẹ ọnịrị ụbanyị beri ịrẹyọyẹ. Ộ nyị ụkata. Á vọrọ ka àa sị ụbanyị ọnịrị igirima beri ụgaa yọ!

Ẹtore 5:2

Dị mị re anggẹẹrị ọnya aanị ana nyị ụkata, dị ee nowu kà a ka: Ẹnẹ ka ọnị ộ hụ ọọ hụ̀ ịsa ana a sị vá iwe ọnọnị, dị ọnị ọ̀ hụ̀ iwe ọnọnị?

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.