Ẹtore 4:10 - IWE ỌNỊNỊ

¹⁰ dị azọkụ ohurẹẹna ẹnẹẹ và ku ẹtẹ ọvịdị ọza ana yaayịtẹ ịnị aga ohinọyị ọnọọ ana yára pooro zịna-zịna, dị ẹyaa hẹkẹ ẹ. Dị ẹ hụ̀ ọkẹkẹrẹkụ ẹnịnị tụ́ ọvịdị aga ohinọyị, dị ẹ ka:

Ẹtore 4:10 ပူးပေါင်းရင်းမြစ်များ

1 Ịtọpa 29:20

Dị Idevidi kà a yị aza ẹnẹẹ ka; We gono Ẹnẹyịmavara, Ohomorihi awụ nịnị. Dị avaba ịragụ ana gụ ee gono Ẹnẹyịmavara, Ohomorihi ohiku ẹnịnị nị. Ẹnịnị ệ và ku ẹtẹ yị Ẹnẹyịmavara, dị ẹ́ rẹ và ku ẹtẹ yị ohinọyị Idevidi nị.

2 Ịtọpa 7:3

Ịjị aza maanị re ịra ọnịrị ẹtohweyi ụbanyị Ẹnẹyịmavara, ene hí irehi anị, dị ẹ vaku ẹtẹ, dị ẹ hẹkẹ ẹ, dị ẹ kụ́ ọ avọ agụvị ka ọ yẹ ịrẹyị dị oō sì ịrẹyị ọza pooro nị.

Ijoovu 1:20

Dị Ijoovu kwẹẹtẹ ịnị ayodu dị ọ ha awuru anị hi ẹngụ, dị ọ kụ ịrẹsụ anị, dị ọ vaku ẹtẹ aa hẹkẹ Ohomorihi nị.

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ahẹ Ụgama 47:8

Ohomorihi ọ raà rị ohinọyị tụ́ ịrẹsụ avaba anẹhẹ Ọ yaayịtẹ aha ohinọyị anị.

Ahẹ Ụgama 72:11

Avaba ohinọyị vi ene vee kú ẹtẹẹ yị ohinọyị ayị ọnọnị, dị avaba anẹhẹ aa hẹkẹ ẹ.

Ahẹ Ụgama 95:6

Vẹ yaa tanaa tụra ẹtẹẹ kụ́ ọ, dị yaa jị idinku kú ẹtẹ yị Ẹnẹyịmavara. Wâ yẹ ka ọnị ọ mẹ yị nị.

Ayịsaya 6:1

 nyị ẹkụhị ọnya ịnị ịrayị oni ohinọyị ana aā hị́ Uzaya sú. Di mi re Ananyị yị ka ộ yaayịtẹ ịrẹsụ ode ohinọyị nị. Ịzị ọ yà ộ nẹba dị ọ nyayịnẹ nyị ụbanyị nị. Ụtọ-ụtọ ịta anị vi ene hi avaba irehi Ohomorihi.

Ịdanịyẹrị 12:7

Ịdanịyẹrị kà, dị ọnị re ka anggẹẹrị ana jẹẹ akẹbẹẹba irehu aanị ộ và ụvọ ẹyịva hịrẹ, dị ọ sị Ohomorihi ana yara pooro hị́ eku nị. Dị ọnị wụ́ ka ọ ka, ọ vaa mẹ ịrayị ẹẹta rị ẹjịjị nị, ọ ka ẹ̀ yị vị ịjị e reè vu avaba ịrazị ana kụ tu aza Ohomorihi nịnị ẹtẹ saka-saka, ụya ana a sịị rị aza Ohomorihi aanị ẹ yị vaa ta.

Ịdanịyẹrị 4:34

Inebukadineza ka, ịjị ịrayị ịhịmba sị mẹ dị ọnị kana eyi ihinẹba, dị ịrẹsụ anị vavẹ eehi nị. Ọnị ộ sị ụga ọnịrị ụbanyị beri igirima yị Ohomorihi ana yara pooro zịna-zịna. Ohomorihi aa mẹ ịjọva avaba ẹhẹ pooro nị. Ịjọva anị ẹ yị vaa nyị ẹzẹtẹ.

Imatiwu 2:11

Ịjị ẹ sị ngụ ịnị irehi ọnọọ, ê re ozi ọnọọ ọnịrị Imeri ọnyị anị, dị ẹnịnị va ku ẹtẹ, dị ẹ kụ ọ nị. Â nyị ẹnya ẹnẹ ẹ za na, ịjị ẹ sị ọ hụ, dị ẹ sị igooru ọnịrị eturare ana aā rị ịra ne beri eturare ọsa ene e siī sisi ẹngụ, dị ẹ sị mẹ Ijeesu ẹyịza nị.

Iruuku 24:52

Dị ezirẹma ẹnẹẹ tana tụra ẹtẹ kụ́ ọọ, dị ẹ sị ịrajẹ ọyịjẹ ọbanyị varẹma aa nọ Ijerusarẹmị nị.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

Iwe Ọhụhị Imosiisi ana aa hị́ Ọyịvatụrọda 32:40

Ọ tana ụvọ tụ ẹba dị ọ hị́ eku ka a vị ọnị ọ vị Ohomorihi ana yara pooro zịna-zịna nị,

Ẹtore 10:6

Ộ sị Ohomorihi ana yára pooro zịna-zịna, ana mẹ ẹbẹẹba ọnịrị avaba ịsị e hi ịnị anị, dị ọ rẹ mẹ ẹhẹ ọnịrị avaba ịsị e hi ịnị anị, dị ọ rẹ mẹ oku ọnịrị avaba ịsị e hi ịnị anị hị́ eku ka ọza ọ yị kụkụ vaa za a kù nị.

Ẹtore 11:16

Dị azọkụ ohurẹẹna ana yaayịtẹ ọvịdị Ohomorihi tana tụra ẹtẹ, dị ẹ và eyi ku ẹtẹ, dị ẹ hẹkẹ Ohomorihi nị.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

Ẹtore 15:7

Dị ọnya ịnị ịsa ẹẹna ẹnẹẹ ana nyị ụhwẹ aanị sị ịchacha igooru ịhịmba, dị ọ sị yị anggẹẹrị ẹnẹẹ nị. Ịchacha ẹnẹẹ vị ohihi ọyịkụ Ohomorihi ana yára pooro zịna-zịna.

Ẹtore 19:4

Dị azọkụ ohurẹẹna ẹnẹẹ beri ịsa ẹẹna ẹnẹẹ ana nyị ụhwẹ tana tụra ẹtẹ, dị ẹ hẹkẹ Ohomorihi ana yaayịtẹ ịnị aga ohinọyị ọnọọ nị. Dị ẹ ka, “Aamị; Ụga ọ vị yị Ẹnẹyịmavara nị!”

Ẹtore 4:2

Dị Ụhwẹ Ọnịnị wụsẹ dọ avaba ayị amị nị. Â nyị aga ohinọyị ọnya ẹ́bẹẹba ịzọọ, dị ọza ịnya yaayịtẹ ịnị aga ohinọyị ọnọọ nị.

Ẹtore 4:4

A rẹ nyị aga ohinọyị ohurẹẹna ana kara aga ohinọyị ọnọọ. Azọkụ ohurẹẹna ẹnyị aanị ệ yaayịtẹ ịnị ẹnịnị, dị e chire awuru ọvwọọvụ, dị e re kú ọkẹkẹrẹkụ ana sị igooru mẹ nị.

Ẹtore 4:9

Ụmẹ tụra ụmẹ ọnị ịsa ẹẹna ana nyị ụhwẹ aanị ẹ̀ẹ yaa sị igirima ọnịrị ụbanyị beri avọọ yị ọza ana yara pooro zịna-zịna ana yaayịtẹ ịnị aga ohinọyị ọnọọ,

Ẹtore 5:14

Dị ịsa ẹẹna ana nyị ụhwẹ avọọ ka Aamị nị. Dị azọkụ ohurẹẹna ẹnẹẹ tana tụra ẹtẹ, dị ẹ hẹkẹ ọza ọnọọ ana yára pooro zịna-zịna nị.

Ẹtore 5:8

Ịjị ọ raà sị iwe ọnọọ, dị ịsa ẹẹna ẹnẹẹ ana nyị ụhwẹ, beri azọkụ ohurẹẹna ẹnẹẹ tana tụra ẹtẹ ọ́vịdị Ozi atẹmẹ ọnọọ nị. Avaba ẹnịnị ệ sị ịsa a sịị̄ jị ahẹ ene véné igita rị ụvọ, dị ẹ rẹ nyị ịchacha ọgana ana a sị igooru mẹ ene eturare ozoza yà ịnị anị nị. Eturare ọnọọ vị aduwa aza Ohomorihi.

Ẹtore 7:11

Dị avaba anggẹẹrị ana jẹẹ kara aga ohinọyị ọnọọ, beri azọkụ ẹnẹẹ ọnịrị ịsa ẹẹna ẹnẹẹ ana nyị ụhwẹ aanị, tana tụra ẹtẹ, dị ẹ và eyi ku ẹtẹ, dị ẹ hẹkẹ Ohomorihi nị.