Ẹtore 3:5 - IWE ỌNỊNỊ

⁵ Ọza ana àa nyị ehuna, a vaa sị ịta ọvụụ chiree. Me yi vee du ịrẹha anịị hụụnị iwe ọnị ịrẹha aza ana yàra pooro zịna-zịna hi. Mị vaa kà a ọ́vịdị Ada amị ọnịrị anggẹẹrị anị ka aza amị ọ vị nị.

Ẹtore 3:5 ပူးပေါင်းရင်းမြစ်များ

Ahẹ Ụgama 109:13

Asị ụ zẹẹ ka à kụkụ tamayị ịrẹha irima anị ini ovwoovu ẹnịnị.

Ahẹ Ụgama 69:28

Nyee ịrẹha ẹnịnị hụụnị iwe ọnị u chẹrẹ ịrẹha aza ana yara hi, asị ụ chẹrẹ wa beri aza ana aa mẹ̀ ebira ana vọrọ.

Ịmarakayị 3:17

Ẹnẹyịmavara Ochẹtẹẹngụ ka aza anị ẹ vaa vị nị. Ogu ọtirenyi ẹ vaa vị yị ọnị ịnị ẹkụhị ọnị ọnị vaa sị mẹ̀ ọkarẹyị nị. Ọnị vaa vayị ẹnịnị anka ada mẹẹ̄ vayị ozi anị anaa hẹkẹ ẹ avọọ.

Imatiwu 10:32

Ọza ana àa dọ irenu éyi aza ka áamị ọ́nị vị nị, ẹmị rẹ vaa dọ irenu ọ́vịdị Ada amị ẹbẹẹba ka áamị ọ́za ọnọọ vị nị.

Iruuku 10:20

Ama asị ụ rẹ̀ jẹ nịnị ka ụhwẹ echu ệ ká ịrẹsụ hi wu nịnị! Ama wa vanaa jẹ nịnị ka a sị ịrẹha awụ nịnị chẹrẹ tụ́ ịdị Ohomorihi!”

Iruuku 12:8

“Dị ma rẹ kà a wụ nịnị ka, Ọza ana àa dọ irenu éyi aza ka áamị ọ́nị vị nị, emi Ozi ọza onigirima rẹ vaa dọ irenu ọ́vịdị anggẹẹrị Ohomorihi ka áamị ọ́za ọnọọ vị nị.

Iwe Ọhụhị Imosiisi ana aa hị́ Ọyịvatụrọda 9:14

Asị ụ za mị jẹẹ; mee sì ka me vu wa ẹtẹ, dị ọza ẹ yị ma vana tamayị ẹnịnị paa. Mị vaa mẹ wụ ohiku ẹkụra ọsa ana vaa banyị, dị ọ nyị ụkata hu wa.

Anihwiripi 4:3

Ẹwụ bẹẹ ẹnẹ ẹmịrị aa mẹ̀ ụkọrọ, re ka wáa gụ anẹẹ ẹnẹẹ ụvọ, ene pe mi mẹ̀ ụkọrọ, ị mẹ̀ dudu aa kà enube ọyịzaa zị beri Ịkịrẹmẹntị ọnịrị aza ana vọ ene pe mi mẹ̀ ụkọrọ; ịrẹha ẹnịnị yà ini iwe aza ana yara pooro zịna-zịna.

Ijudi 1:24

Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Ẹtore 19:8

 zẹẹ ka à kụ́ ẹnya ọvwọọvụ ana vwẹtẹ sẹnẹ-sẹnẹẹ yọ ka ò chire e. Ẹnya ọvụ ozoza ọnọọ vị ana jẹẹ yị ịzẹyịza ana aza Ohomorihi nyị.

Ẹtore 2:11

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, e mē vene sú ụpẹ ọhụva.”

Ẹtore 2:7

Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.

Ẹtore 20:12

Di mi re oku nịnị nị, ezweyi ọnịrị azọkụ, dị ẹ jẹẹ ọvịdị Ohomorihi nị. Áa hụ̀ iwe ẹnyị, dị a rẹ hụ̀ iwe ọsa nị, ana vị iwe aza ana yàra pooro zịna-zịna. Dị a hị́ ka ịsa anaa chẹrẹ tụ́ ini iwe ọnọọ, aa sịị mẹ̀ ọkarẹyị oku nịnị nị anka ịsa ọnị ọzọza mẹ.

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.

Ẹtore 22:19

Ọza ana àa sị hụụnị ịrẹyị ịsẹ ana a chẹrẹ tụ́ ini iwe ọnọnị, Ohomorihi vaa sị áanịị kwooze hụụnị ịnị ọchị anaā mẹ ka ọza ọ̀ yàra pooro zịna-zịna, dị ọ rẹ sị áanị kwooze hụụnị ẹkụra Ohomorihi ọnọọ ana a chẹrẹ tụ́ ini iwe ọnọnị.

Ẹtore 3:12

Ọza ana àa nyị ehuna, mị vaa sị ọọ mẹ ohinẹẹ tụ́ ini irehi Ohomorihi amị, ọyị kụkụ vaa hụụ ịzọọ pooro. Mị vaa chẹrẹ ịrẹha Ohomorihi amịị tụ́ ọọ ẹngụ, ọnịrị ịrẹha ẹkụra Ohomorihi amị ana vị Ijerusarẹmị ọwọọwa ana vaa hụrẹ ẹbẹẹba ịda Ohomorihi amịị chíi vẹ. Dị mị rẹ chẹrẹ ịrẹha amị ọwọọwa tụ́ ọọ ẹngụ.

Ẹtore 3:4

 nyị aza chee ịnị awụ nịnị Isaadisi ịzọọ, ana ahịka ẹ yị dà ịdọtị gẹ ịta ẹnịnị. Ẹnịnị vaa kụ́ ẹnya ọvwọọvụụ hi ẹngụ, dị ọnịrị wa aa zịịzị, agụvị ka ẹnịnị ệ ra anka Ohomorihi mè sì ọọ.

Ẹtore 6:11

Dị a sị awuru ọvwọọvụ yị ọzịnya-ọzịnya ẹnịnị nị. Dị a ka ẹnịnị ẹ̀yịị tụ́ ụhwọ́ chee da, pooro dị anda ẹnịnị ẹnẹ ẹnịrịị vị ezi ahụ, dị à wụ̀ wa ta, anka a mẹ̀ rẹ wụ ẹnị nị.

1 Ịsamụwẹrị 17:25

Anisirẹrị nịnị vị ana aa kà a ka, “Wéē re ọnọrụ ọnọnị mẹ̀ jịnẹ vẹ ka ọnị va sị isoja Anisirẹrị mẹ ịyẹyẹ. Àa nyị ọza ene zụ pe e kụ̀ ịrẹkụ dị ọ wụ̀ ọ nị, ohinọyị vaa vara ọza ọnọọ ọza ọbanyị, Dị ọ sị ozi anị ọnẹẹ ga a ka ọ̀ nyị ọ. Ovwoovu ọza ọnọọ ọ yị mā vana tụ́ ẹkẹhịrehi ịnị ẹtẹ Isirẹrị.”