Ẹtore 3:4 - IWE ỌNỊNỊ

⁴ Â nyị aza chee ịnị awụ nịnị Isaadisi ịzọọ, ana ahịka ẹ yị dà ịdọtị gẹ ịta ẹnịnị. Ẹnịnị vaa kụ́ ẹnya ọvwọọvụụ hi ẹngụ, dị ọnịrị wa aa zịịzị, agụvị ka ẹnịnị ệ ra anka Ohomorihi mè sì ọọ.

Ẹtore 3:4 ပူးပေါင်းရင်းမြစ်များ

1 Ohinọyị 19:18

A nyị nyị ọnịsẹ ẹnị akawụ-akawụ oze ẹẹta tụra akahị ọnị mị vọ tịtẹ ịnị ẹtẹ Isirẹrị. Ịnị avaba ẹnịnị â yị nyị ene kú ẹtẹ kụ́ Ịbaarị. Ẹnịnị e yi re kú Ịbaarị irenu.”

Ẹsịta 8:15

Dị Imodekaya chire awuru ohinọyị ana a da achẹrẹ onuvuru, ọnịrị ọvwọọvụ beri anangẹrẹ hị́. Di o kù amu ọbanyị ohinọyị ana a si igooru mẹ nị. Dị Imodekaya jịnẹ hụrẹ ọvịdị ohinọyị aa na nị. Dị avaba ẹkụra Isusa aa jẹ, dị ẹ yaa mẹrị sadaa kẹnẹ nị.

Ahẹ Ụgama 68:14

Ịjị Ohomorihi Ochẹtẹẹngụ za ohinọyị ẹnẹẹ dị ọ gara wa ha vị ọ sị mẹẹ ata ihinẹba ene ee zina hụrẹ ataba Ịzarịmọnị avọọ nị.

Ịrẹyị Ọzwọzịsa 9:8

Wee hine ayị nịnị dị waa jẹ ịrajẹ nịnị pooro kẹnẹ.

Ayịsaya 1:9

À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ayịsaya 52:1

Ẹwụ nịnị Anijerusarẹmị kwẹẹtẹ, kwẹẹtẹ wa sị tụ ụkata nịnị. Ẹwụ ẹkụra ọnịnị Óhomorihi, waa mẹ ụbanyị anka ọza ọ̀ọ kụ́ ịta ozoza hi ẹngụ avọọ. Aza ẹnẹ ẹ̀ yị jị ụvẹvẹnẹ, ọnịrị aza ẹnẹ ẹ̀ yị nị, ẹ yị vaa zị oze ọbanyị awụụ paraahu.

Ayịsaya 59:6

Ọ yị wụra mẹ achị ku ẹngụ; Ẹ yị nyị ọyịza ọnị ọ mẹ yị wa. Udivi kẹnẹ ọ vị ụkọrọ ụvọ ẹnịnị nị. Ụkọrọ eduha kẹnẹ ẹ sị ụvọ za nị.

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ayịsaya 64:6

Avaba ayị ọ sị ịvị mẹ; ebira ozoza ene hu ọnị mẹ vị ọnịrị ịdọtị anka ụsẹ avọọ. Agụvị ebira odivi ayị, vị́ ị kụkụ sị mẹẹ anka avị ana wụ, dị ahị hì wa kwooze avọọ nị.

Ireevi 13:48

Ịpa ọnị ọ̀ọ vị ịnị ịta ana a sị ẹyị atẹmẹ, à vị òwù hí, à vị ịzị ọ̀ọ vị ịnị ịtụmpaha à vị ịsị a sị ịtụmpaha mẹ kẹnẹ,

Imatiwu 10:11

“Ẹkụra tụra ẹkụra ọnị ụ wàa ngụ nịnị, ne sì ọza ana vaa dọ wụ nịnị ọzọga, dị ụ wa yà ịzọọ nịnị pooro dị ụ wa va hụụnị ẹkụra ọnọọ nịnị!

Ịmaakị 16:5

Ẹ mẹ̀ ngụ ini ikuta ọnọọ, ê re ozwọọmụha ọnya aanị ene chire awuru ọvwọọvụ, ộ yaayịtẹ éyi ụvọrị. Dị angwa ee hí wa nị.

Iruuku 20:35

Ama aza oni Ohomorihi re ka ộ vọrọ ka ẹ̀ ha hụụnị isu, dị ẹ̀ rẹ ra ị́dị Ohomorihi, ẹ yị kụkụ vaa nyị ọnẹẹ, dị à hyakụ va sị aza ẹnyị gà ọnọrụ.

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

2 Anịtẹsaronika 1:5

Wee re ka ịrẹyị awụ nịnị ọnọnị aa sịị zụ̀ ka Ohomorihi vị anaā mẹ̀ ọkarẹyị ịrẹyịzẹyịza? Ọdịrẹma ịsa ẹnẹnị ọ vị ka Ohomorihi aa mẹ wụ nịnị ka wa vọrọ tụra ịzị ọnị yà aa mẹ ịjọva, ọnị ụ maanị hụ ụvọ anị aa rị ụya nịnị aanị nị.

Ijudi 1:23

di u wee tura wa, dị ụ wa dọ wa há hụụnị ẹkụra. Waa vayị aza ẹnyị, ama di u we hí angwa ẹngụ awụ; asị ụ hyakụ nyị ụvọ tụ́ ini ebira ẹnịnị ẹnẹ ẹ́ raa sị ụnọ ọ̀yị mẹ du há.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Ẹtore 11:13

Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.

Ẹtore 19:14

Di isoja nịnị ẹbẹẹba aa saasa a nị. Ẹnịnị ệ tụra umaata ọvwọọvụ, di e chire awuru ọvụ ana nị sẹnẹ-sẹnẹ nị.

Ẹtore 19:8

 zẹẹ ka à kụ́ ẹnya ọvwọọvụ ana vwẹtẹ sẹnẹ-sẹnẹẹ yọ ka ò chire e. Ẹnya ọvụ ozoza ọnọọ vị ana jẹẹ yị ịzẹyịza ana aza Ohomorihi nyị.

Ẹtore 3:18

Agụvị avọọ mee pe wuu juwe ka wa va hị́ igooru anaa sị nyịna hụụ ịda amị, di u we sii kú ẹngụ, dị asị ahwaahụ awụ ana aa sị ụhịị nyị wụ kụkụ tụ́ ẹhẹ!

Ẹtore 3:5

Ọza ana àa nyị ehuna, a vaa sị ịta ọvụụ chiree. Me yi vee du ịrẹha anịị hụụnị iwe ọnị ịrẹha aza ana yàra pooro zịna-zịna hi. Mị vaa kà a ọ́vịdị Ada amị ọnịrị anggẹẹrị anị ka aza amị ọ vị nị.

Ẹtore 4:4

A rẹ nyị aga ohinọyị ohurẹẹna ana kara aga ohinọyị ọnọọ. Azọkụ ohurẹẹna ẹnyị aanị ệ yaayịtẹ ịnị ẹnịnị, dị e chire awuru ọvwọọvụ, dị e re kú ọkẹkẹrẹkụ ana sị igooru mẹ nị.

Ẹtore 6:11

Dị a sị awuru ọvwọọvụ yị ọzịnya-ọzịnya ẹnịnị nị. Dị a ka ẹnịnị ẹ̀yịị tụ́ ụhwọ́ chee da, pooro dị anda ẹnịnị ẹnẹ ẹnịrịị vị ezi ahụ, dị à wụ̀ wa ta, anka a mẹ̀ rẹ wụ ẹnị nị.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.