Ẹtore 3:18 - IWE ỌNỊNỊ

¹⁸ Agụvị avọọ mee pe wuu juwe ka wa va hị́ igooru anaa sị nyịna hụụ ịda amị, di u we sii kú ẹngụ, dị asị ahwaahụ awụ ana aa sị ụhịị nyị wụ kụkụ tụ́ ẹhẹ!

Ẹtore 3:18 ပူးပေါင်းရင်းမြစ်များ

Ahẹ Ụgama 107:11

Ịsị ẹ kụ́ ọ tụ́ wa ọ vị ka ẹ yaa kụ́ụ hịrẹ ịrẹyị Ohomorihi, ẹ yị rẹ dọ iwọjị anị.

Ahẹ Ụgama 16:7

Ẹnẹyịmavara, mâ kụ́ wụ avọ agụvị ka ẹwụ aa zụ̀ mi oze nị. Ịrahụ dị ivehu amị ee pè mii juwe.

Ahẹ Ụgama 32:8

Di Ohomorihi kà ọnị vaa zụ̀ mi oze ana a vọrọ ka mị va zị. Ọ kà ọnị pè mii jị uwe, di ọnị ee sere mị

Ahẹ Ụgama 73:24

Wee pè mi juwe ana mẹ ka asị mi nyeeyi, mâ yẹ ka ụ vaa dọ mịị pè ẹngụ, dị ụ sị ụbanyị mị ịnị ụmẹ ọdịrẹma.

Ụhịrẹyị 1:25

Ẹnịnị ẹ yị mā dọ ịrẹyị ọza tụ ịzọọ. Ẹ yị mā dọ ka aa tụ ẹnị ohuvọ.

Ụhịrẹyị 1:30

Wẹ yị dọ ịrẹyị ọza tụ ịzọọ. Àa tụ wụ ohuvọ, wẹ yi mā wụ.

Ụhịrẹyị 19:20

Wàaa dọ ajuwe dị ụ tenyi ẹngụ ka waa kọsẹ nị, ụhụhwọọ ụ vaa yẹ ịrẹyị.

Ụhịrẹyị 23:23

Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi.

Ịrẹyị Ọzwọzịsa 8:2

Waa saasa ọda ohinọyị agụvị ka wa sị eku hị́ ọvịdị Ohomorihi ka ụ vaa saasa a.

Ayịsaya 47:3

Aza vee re ahwaahụ awụ. Ẹnịnị vee re a mẹ̀ và wụ nẹtẹ, dị ụhị nyị wụ. Ẹ nyị ọza ana va zụụ za mịị jẹẹ ka à sị mị họ̀ oponu.

Ayịsaya 55:1

Ẹnẹyịmavara kà, avaba ẹwụ nịnị oni onyi aa kụ̀, wa vẹ nịnị. Enyi yị! Ẹwụ nịnị ẹnẹ ẹ̀ yị nyị ẹkẹhị, wa vẹ. Vá hị́ apaapa dị ụ wa rị ọ. Vá hị́ eche ọnịrị ịrẹva ụnọ ọọhẹ nịnị.

Ijeremaya 13:26

Ẹnẹyịmavara ọnị ụvọta vaa tụ wụ nịnị ahwaahụ, dị ọ mẹ̀ ụhị nyị wụ nịnị.

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Imika 1:11

Aza ana ya Isahwiri ẹ sị ahwaahụ ọnịrị ụhị kụ̀ra hụrẹ ẹkụra ẹnịnị nọ ẹkụra ọsa ịnị. Aza ana ra Ịzaananị jịnẹ hụụnị ẹkụra ẹnịnị vụrụ-vụrụ. Ẹ̀ẹ wụ́ ka aza ene hi Ịbẹtị-Ẹzẹrị aa jị òrèrè, ẹ yẹ ka ẹnịnị e yi kụkụ re aha tẹ̀ ịzọọ avọọ nị.

Ịnahụmị 3:5

Ẹnẹyịmavara Ochẹtẹẹngụ kà, ọnị vaa sị ụya rị Ininivẹ! Ọnị vaa tụ́ wa ahwaahụ dị anẹkụra ọzọza ee re e, dị ọnị mẹ̀ ụhị nyị wa eyi avaba ẹkụra irenyi-irenyi.

Ịmarakayị 3:3

Ọ vaa vẹ vaa mẹ̀ ọkarẹyị yị wa anka ọza ana a sị ịra rị enyusẹ isiriva a vị igooru agụvị o hụrẹ eyi. Avọọ ọnụtụ Ẹnẹyịmavara mẹ va mẹ Anireevi nịnị agụvị ẹẹ sị ịsa ịsọvọ ana vọrọ vaa yọ nị.

Imatiwu 13:44

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka ịsa akàaka anaa sị tẹ ịnị aarẹ. Â nyị ọza ẹnẹsa ene ne re e, dị ọ wụsẹ sị ịsa kú ọ nị. Ịnẹ anị ô hine pooro, dị ọ na, dị ọ na ná avaba ịsa ọnọọ nyị, dị ọ sị va hị́ ẹtẹ ọnọọ nị.”

Imatiwu 25:9

Ama dị ọyẹrẹyị nịnị tụ́ ohi ka: ‘Eyiye de, ọ yị kụkụ vaa hụ ẹyịrị ẹwụ nịnị. Nọ ịzị a yàā ná a, dị ụ wa na hị́ nịnị!’

Iruuku 12:21

Avọọ ọ mẹ̀ vaa yàa yị aza anaa kụ́ ịsaa gụ yị ẹngụ ẹnịnị kẹnẹ, dị ẹ̀ yị nyị ịsị ẹ nyị ini eyi Ohomorihi nị.”

2 Anịkọrịntị 5:3

Àa vavọọ reè si ku yi ẹngụ, yẹ yị kụkụ vaa yà ịnị ahwaahụ.

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

1 Itimoti 6:18

Kàa ka ẹ̀ẹ mẹ ọyịza, dị ẹ̀ẹ mẹ ọza ẹyịza, asị ẹ ngụ ayịsa! Ọnọọ ọ vaa mẹ ka ẹ̀ vị ọzọbanyị obooro nị.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

Ẹtore 16:15

“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”

Ẹtore 19:8

 zẹẹ ka à kụ́ ẹnya ọvwọọvụ ana vwẹtẹ sẹnẹ-sẹnẹẹ yọ ka ò chire e. Ẹnya ọvụ ozoza ọnọọ vị ana jẹẹ yị ịzẹyịza ana aza Ohomorihi nyị.

Ẹtore 2:9

Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.

Ẹtore 3:17

Ụ ka wáa nyị ụbanyị, wáa nyị avaba ịsa, ẹ yị nyị isu u kuku ee sì. Ama wẹ yị yẹ ka onosiye ọnịrị ọnụyọrị ọbanyị ụ vị nị. Ogweyi ụ vị, dị ụ rẹ yà ịnị ahwaahụ nị.

Ẹtore 4:4

A rẹ nyị aga ohinọyị ohurẹẹna ana kara aga ohinọyị ọnọọ. Azọkụ ohurẹẹna ẹnyị aanị ệ yaayịtẹ ịnị ẹnịnị, dị e chire awuru ọvwọọvụ, dị e re kú ọkẹkẹrẹkụ ana sị igooru mẹ nị.

Ẹtore 7:13

Dị ọnya ịnị azọkụ ẹnẹẹ họ̀ mị, dị ọ ka: Ẹnẹ vị ẹnẹnị ana maanị chire awuru ọvwọọvụ aanị? Ịzị ẹ hụrẹ vẹ?