Ẹtore 3:14 - IWE ỌNỊNỊ

¹⁴ Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:

Ẹtore 3:14 ပူးပေါင်းရင်းမြစ်များ

Oyinyima 49:3

Irubẹnị, ẹwa vi ozi ọzọkụ amị nị. Ẹwa sị zụ ka ọnọrụ mị vị nị. Ẹwụ mi ma ịnị ụmẹ ọnị mi sị jẹẹ ịnị ọmụha nị. Ẹwa nyị ụbanyị hu avaba ezi emi ana vọ, dị ụ rẹ nyị ụkata hu wa nị.

Ụhịrẹyị 14:5

Onivenu ịzẹyịza o mē cheeche ama onireche vi eneē cheeche.

Ụhịrẹyị 8:22

Ịrẹyọyẹ kà, hụrị ụmọrụmọ, ọnị vị ịsị ịpaapa ọnị Ẹnẹyịmavara vịdị tụ ịnị avaba ụkọrọ anị nị.

Ayịsaya 55:4

Re, Ẹma mẹ̀ ẹ onivenu yị aza nị, dị mị mẹ̀ ẹ ọdọvịdị ọnịrị ọga isoja yị aza anị,

Ayịsaya 65:16

Ọza tụra ọza ene èe sị̀ ka ọnị ọ̀ mẹ̀ aduwa ịnị ẹtẹ ọnọnị, vị ana vaa sị ịrẹha Ẹnẹyịmavara Ohomorihii mẹ̀ ẹ. Ịrẹha Ẹnẹyịmavara Ohomorihi, ọzọza kụkụ vaa sịị hị́ eku ịnị ẹtẹ ọnọnị nị.

Ijeremaya 42:5

Dị ẹnịnị ka, Ẹnẹyịmavara ọ̀ vị onivenu ẹnịnị, ẹnị ẹẹ na mẹ avaba ịrẹyị ọnị Ẹnẹyịmavara, Ohomorihi ẹnịnị ọọ sị tụ́ ọnị hi ẹnị nị.

Ịjọọnụ 1:3

Ini oze Ịrẹyị ọnọọ Óhomorihi zị mẹ avaba ịsa nị. Ịnị avaba ịsa oni Ohomorihi tụ́ saka-saka ẹ yị nyị ikonya ẹnẹ ẹ̀ yị vị ini oze Ịrẹyị ọnọọ ọ yà tụ́ ọọ.

Ịjọọnụ 8:14

Dị Ijeesu va kà a yị wa ka, “Ịrẹyị ọnị maa kà vị ịzẹyịza, màa daka aa dọ ivenu ẹngụ amị, agụvị ka mâ yẹ ịzị mị hụrẹ vẹ, ma rẹ yẹ ịzị maa nọ. Ama ẹwụ nịnị ọ yị yẹ ịzị mị hụrẹ vẹ, wẹ yị rẹ yẹ ịzị maa nọ nịnị.

2 Anịkọrịntị 1:20

Agụvị avọọ avaba ịsa oni Ohomorihi kà a ka ayị zụ nyị ka ọnị ọyị vaa mẹ, Ijeesu ọ vị hịịn tụ́ ịnị ịsa ẹnẹẹ nị. Agụvị avọọ ịị̄ kà a ka “Aamị” ini oze anị nị, dị yaa sị ụbanyịị yị Ohomorihi.

Iwe Ọhụhị Imosiisi ana aa hị́ Ọyịvatụrọda 21:17

 nyị ka ọ̀ sị udi ozi ịpaapa yọ, ẹ̀ yị daka sì ịrẹyị ọnyị anị. Ọnyịrẹva ụvọ ẹẹva ọ vaa sịị yọ ịnị ogu anị nị. Agụvị ka ozi ịpaapa ọnị ọ ma ọ vị ọnọọ nị, ọnị ọ vaa nyị ịsa ozi ịpaapa.

Anikorasi 1:15

Ikirisiti ọ vị uhwoto Ohomorihi oni yè yi re nị. Ọnị ọ vị ọọnyị nị, ọnị ọ vị ọzọkụ yị avaba ịsa oni Ohomorihi mẹ nị

Anikorasi 1:18

Ijeesu ọ vị ohirẹsụ anịragụ Ohomorihi anka ị́rẹsụ ọza maà sị oze zụ̀ ẹngụ ana vọ. Anịragụ Ohomorihi vị ana jẹẹ yị ẹngụ Ikirisiti. Ọnị ọ vị ọọnyị nị. Ọnị ọ vị ọnịpaapa ana ha kwẹẹtẹ hụụnị isu agụvị dị ọ̀ nyị ẹbẹẹba avaba ịsa nị.

Anikorasi 2:1

Jẹẹ ma kà a wụ nịnị ka mâ sị vụrị ẹtẹẹtẹrẹ agụvị awụ nịnị ọnịrị Anịragụ Irayodesiya ọnịrị aza ẹnẹ ẹ̀ yị hyakụ yẹ mị tụ́ eyi.

Anikorasi 4:16

Àa sị iwe ọnọnị kà wụ nịnị, re ka a rẹ kà a yị anịragụ Ohomorihi ene hi Irayodesiya. Ẹwụ nịnị ọ̀ rẹ kà iwe anị Anirayodesiya vaa sịị tụ́ụ hi wu nịnị!

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Ẹtore 19:11

Di mi re ka ihinẹba ộ na hi ẹtẹ nị. Di mi re umaata ọvwọọvụ ọnya aanị nị. Ịrẹha ọza ana tụra a ọ rị Anayọnya ọnịrị Ọnịzẹyịza nị. Ịzẹyịza aa sịị mẹ̀ ọkarẹyị, dị ọ raa sịị kụ̀ ịrẹkụ nị.

Ẹtore 2:1

(Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị:

Ẹtore 21:6

Dị ọ ka, “A sị ọọ mẹ! Ẹma vị Arịhwa ọnịrị Omega nị, ọnị ọ vị ka ọnịpaapa ọnịrị ọdịrẹma. Ọza ene enyi àa kụ̀, mị vaa sị enyi ene ee sìi hụụnị enyi ẹtẹ anaā mẹ ka ọza ọ̀ yàra pooro zịna-zịna, yọ ọọhẹ.

Ẹtore 22:13

Ọnị ọ vị Arịhwa ọnịrị Omega nị, ọnị ọ vị ka ọnịpaapa ọnịrị ọdịrẹma, ọdọvịdị ọnịrị ọdịrẹma.

Ẹtore 22:6

Dị anggẹẹrị ọnọọ kà a mị ka, “Ịrẹyị ẹnẹnị vị ịzẹyịza, ẹ yị nyị ireche ịnị anị. Ohomorihi Ananyị yị ana sị Ụhwẹ Ọnịnị anị yị ọnịsẹ nịnị ọ tụ́ anggẹẹrị anị ka ọ̀ sị va zụ̀ ezi ahụ anị ịsa ana aa vaa mẹ aanị nị.”

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị: