Ẹtore 3:11 - IWE ỌNỊNỊ

¹¹ Re, maa vẹ ịsọọnị-ịsọọnị. Sị ụvọ za ịsụ wàa nyị ka ọza ẹnẹsa va dọ wụ ọgụ awụ!

Ẹtore 3:11 ပူးပေါင်းရင်းမြစ်များ

Ịzẹhwanaya 1:14

Ẹkụhị ọnị Ẹnẹyịmavara vaa sị ụya rị wa aa gụrị ẹtẹ. Ẹ yị jẹẹ dị eyi anị ọ nị. Ẹkụhị odivi ọnọọ aa vẹ ọnị ọka ịrẹkụ ọnọrụ nịnị vee nowu ịjị ẹtẹ ọ̀ọ ka za wa.

1 Anịkọrịntị 9:25

Avaba aza eneē zwe echi vị eneē tenyi ẹngụ ẹnịnị ẹtẹẹtẹrẹ ini oze tụra oze. Ẹnịnị vavọọ aa mẹ ka ẹnị ẹ̀ zụ dọ ịsa ọnịpaapa, ana hi ka o vee du. Ama ịsị ẹyị vaa dọ, o mē du.

Anihwiripi 4:5

Sị zụ̀ avaba aza nịnị ka waa nyị ebira hẹẹ nịnị. Ananyị yị aa vaa vẹ.

2 Itimoti 2:5

Àa ka è ne zwe echi, ọza ọyị zụ dọ ịsa ọdọvịdị, àyị vị o zwe a mẹ̀ ka è ne zwee.

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

Ijemiisi 5:9

Ẹwụ nịnị ẹyịnyara amị, asị ụ rẹ̀ kụ́ ẹngụụ ịrẹka zị nịnị! Re, ọmọkarẹyị ayị ọ sị gụrị eehi.

Ẹtore 1:3

Ọza ana àa kà iwe ọnọnị, vaa daa jẹ. Ọza ana àa rẹ wụ́ ịrẹyị ịsẹ ọnọnị, dị aa mẹ̀ ịsa ana a chẹrẹ tụ́ ini iwe ọnọnị nị, rẹ vaa daa jẹ. Ụmẹ ọnị ịsa ẹnẹnị vaa sị mẹ, ọ sị gụrị ẹtẹ.

Ẹtore 16:15

“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.

Ẹtore 2:25

Ama ịsị ụ wàa nyị, sị ụvọ geri-geri pooro dị ma vẹ.

Ẹtore 22:12

Di Ijeesu ka, Re, ọnị aa vẹ ịsọọnị-ịsọọnị. Ọgụ anị yàrị ọnị ka ọnị ọ̀ va sị yị ọzọza, anka ụkọrọ ọzọza mẹ̀ yà.

Ẹtore 22:20

Ọza ana dọ ivenu tụ́ ịnị ịrẹyị ọnọnị ka: Ịzẹyịza, ọnị aa vẹ ịsọọnị-ịsọọnị! Aamị; avọọ yịị yọ! Wa vẹ, Ijeesu Ananyị yị!

Ẹtore 22:7

Di Ijeesu ka, “Re, maa aa vẹ ịsọọnị-ịsọọnị. Ọza ana àa saasa ịsẹ ana a kà tụ́ ini iwe ọnọnị, vaa daa jẹ.”

Ẹtore 3:3

Tamayị ịsa ana a vịdị sị zụ̀ wụ nịnị, dị ụ rẹ dọ ọ. Sị ụvọ za a nịnị, di u we ro ịnẹ varẹma. Wè yi yee zí nịnị, mị vanaa vẹ kẹnẹ anka oyi avọọ nị, dị ụ wẹ yị yẹ ụmẹ ọnị mee sii vee tù wu nịnị nị.

Ẹtore 4:10

dị azọkụ ohurẹẹna ẹnẹẹ và ku ẹtẹ ọvịdị ọza ana yaayịtẹ ịnị aga ohinọyị ọnọọ ana yára pooro zịna-zịna, dị ẹyaa hẹkẹ ẹ. Dị ẹ hụ̀ ọkẹkẹrẹkụ ẹnịnị tụ́ ọvịdị aga ohinọyị, dị ẹ ka:

Ẹtore 4:4

A rẹ nyị aga ohinọyị ohurẹẹna ana kara aga ohinọyị ọnọọ. Azọkụ ohurẹẹna ẹnyị aanị ệ yaayịtẹ ịnị ẹnịnị, dị e chire awuru ọvwọọvụ, dị e re kú ọkẹkẹrẹkụ ana sị igooru mẹ nị.