Ẹtore 22:5 - IWE ỌNỊNỊ

⁵ Ẹtẹ o yi vee hozi ịzọọ pooro, ẹ yị nyị ịsị ẹ vaa sị ozotupa, à vị ọyịị̄ mẹ. Ohomorihi ọ vaa vị ẹtohweyi yị wa nị. Ẹnịnị vị ana vaa mẹ ohinọyị pooro zịna-zịna.

Ẹtore 22:5 ပူးပေါင်းရင်းမြစ်များ

Ahẹ Ụgama 36:9

Ẹwaā mẹ ka avaba ịsa ẹ̀ zụ yàra nị Etohweyi ọnị ụ sị yị ọ mẹ ka yee re ẹtohweyi nị.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ayịsaya 24:23

Ụhwẹ ọ yị kụkụ vaa zẹtẹ ịnị ụmẹ ọnọọ. Ọyị ọnị ọ yị rẹ kụkụ vaa ha. Ẹnẹyịmavara Ochẹtẹẹngụ ọ vaa vị ohinọyị nị. Ọ vaa yà ịnị ataba ini Ijerusarẹmị dị aa mẹ ịjọva. Ọdọvịdị aza nịnị vee re ụbanyị anị.

Ayịsaya 30:26

Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.

Ịdanịyẹrị 7:18

Ama, Ohomorihi ene hu kere-kere vaa sị ụkataa yị aza anị ẹnẹ ẹ vaa sị mẹ ohinọyị pooro zịna-zịna.

Ịdanịyẹrị 7:27

Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.

Ịzakaraya 14:7

Ẹkụhị irenyi ọ vaa vị nị, ẹ yị nyị ọọdụ, nyị ịrahụ ẹtẹ vi ene ve hweyi pooro kẹnẹ, Ẹnẹyịmavara ọ yẹ ẹkụhị ọnọọ nị.

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Aniroomi 5:17

Ịzẹyịza ọ vị nị ka agụvị ịvị ọnị ọza ịnya mẹ, ọnị ọ vị ka Adamị, iswọọza sị nyị ụkata ịrẹsụ aza nị. Ama ịsị ọza ịnya ana vị Ijeesu Ikirisiti ọnị va mẹ, ẹ yị vị o were huna avọọ. Avaba aza oni Ohomorihi raà vayị anị ẹtẹẹtẹrẹ, dị ọ sị ẹyịza yị wa, ọnị ọ vị ka ộ za wa ịrịka tụ́ ịnị ọnịrẹyịzẹyịza, ẹ vaa nyị ụkata, dị ẹ yàra ịdị Ohomorihi pooro zịna-zịna.

2 Itimoti 2:12

Yàa yịị sị ẹngụụ dọ ụya, ẹyịrị ọọ rẹ vaa rị ohinọyị. Yàa kà ka yẹ yị yẹẹ, ọnị rẹ vaa kà a ka ọnị ọ yị rẹ yẹ ẹyị.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 18:23

Ọza e mē vene re ẹtohweyi ozotupa ịnịnẹ anị paa; ọza ọ mā rẹ vana wụ́ ka ọnọrụ aa nyị ọnẹẹ ịnịnẹ anị paa. Ọ kà osohu Anibabironi nịnị ẹ vịdị vị azẹbanyị ẹhẹ nị. Ịbabịrọnị ọ raà sị ẹbẹ anị vene avaba anẹhẹ.

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.

Ẹtore 20:6

Ọnịpaapa ẹnẹẹ ana a vịdị vavọọ ha hụụnị isu vị Óhomorihi, ẹ rẹ vaa dàa jẹ. Ẹngụ aza ẹnẹẹ e mè vene kuku sú ụpẹ ọhụva. Ohirẹsụ irehi Ohomorihi ẹ vaa vịị yị Ohomorihi ọnịrị ohinọyị ọnị ọ ka ọ̀ dọ yị há nị. Dị ẹnịrị ọọ dudu mẹ ohinọyị mẹ ịrayị akahị.

Ẹtore 21:11

Dị igirima Ohomorihi mẹ ka ọ̀ọ zẹtẹ nị. Ọ màa zẹtẹ, vị ọ sị mẹẹ anka ịrẹta nyoo-nyoo ene zoza hu keekere, anka ịrẹta ana aā hị́ ịjasịpa ana nị anka ore avọọ nị.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.