Ẹtore 22:3 - IWE ỌNỊNỊ

³ Ẹ yị nyị ịsa oni Ohomorihi si chi hi ene vee re ịzọọ. Aga Ohomorihi ohinọyị ọnịrị Ozi Atẹmẹ ẹ vaa yà ịzọọ nị. Dị ezi ahị anị aa hẹkẹ ẹ.

Ẹtore 22:3 ပူးပေါင်းရင်းမြစ်များ

Ahẹ Ụgama 16:11

Ụ vaa sịị zụ̀ mị oze ana vọrọ ka ma zị dị ma yàra Màa yà ịda awụ, ọnọọ vaa mẹ ka maa jẹ ịrajẹ dị ịnẹ amị òo hine pooro kẹnẹ nị.

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ayịsaya 51:11

Aza ọnị ọ dọ ha vaa ngụ Ijerusarẹmị ịnị ayohine, dị ẹ yaa jị ahẹ, di e yee na owu booboro agụvị ka ayị ẹnịnị ee hine. Ẹnịnị vị ana vaa jị ịrajẹ pooro agụvị ka ẹ sị hụụnị ayodu ọnịrị ẹngụ ọyị và hí.

Ezikẹẹrị 37:27

Ẹnẹyịmavara kà ọnị vaa ra ịzọọ pe wa. Ọnị vaa vị Ohomorihi ẹnịnị, dị ẹnịnị vị aza anị.

Ezikẹẹrị 48:35

Ụgọdọ avaba ọvọ ana a tụra kara Ijerusarẹmị vị okuvọ akahị-akahị oze ịhịịna. Hụrị ọyaanị na, ịrẹha ẹkụra ọbanyị ọnọnị á vanaa hị́ Ẹnẹyịmavara ya ịzẹnị nị.

Ịzakaraya 14:11

Aza vaa ra Ijerusarẹmị dị ẹ nyị ọyị sị ayị tụra ka ọza yị vana kụkụ du ọ ha.

Imatiwu 25:21

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 13:32

Àa raà zị oze anị sị igirima yị Ohomorihi, di Ohomorihi ọnị rẹ sị igirima ẹngụ anịị yọ. O yi vee kù dị ọ̀ vavọọ mẹ̀ ẹ.

Ịjọọnụ 14:3

Màa na sị aha tenyi tịtẹ wụ nịnị, mị raa vaavẹ, dị ma va sị wụ nịnị ne pe ẹngụ, agụvị ịzị màa yà, dị ẹwụ nịnị ọ̀ rẹ yà ịzọọ.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Iwe Ọhụhị Imosiisi ana aa hị́ Ọyịvatụrọda 27:26

O yi vee ze yị ọza tụra ọza ẹnẹ ẹ yị mẹ avaba ịsị ọda Ohomorihi kà. Dị avaba aza ọ̀ ha aamị!

Ẹtore 7:10

Di e nowu tụ́ ẹba, dị ẹ ka: Ohomorihi ayị ana yaayịtẹ ịrẹsụ aga ohinọyị ọnịrị Ozi atẹmẹ ọọ̄ dọ ọza ha nị.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.