Ẹtore 22:2 - IWE ỌNỊNỊ

² Enyi ọnọọ vị ene ee sìi vàa tụra ụpatẹsị ịzọọ. Â nyị ọchị ana aa mẹ ka ọza ọ̀ yàra ana jẹẹ akaha irehu ọnọnị eyi ẹnyị, eyi ọsa. Ụpẹ ẹwụrẹva ộ tụ́ ẹtụtụ ịnị ịrayị nị. Ọnị ọ vị ka ụpẹ ọnya-ọnya ộ tụ́ ụhụụhwẹ nị. Avị anị vị ana a sịị mẹ anẹhẹ nịnị ụkụ.

Ẹtore 22:2 ပူးပေါင်းရင်းမြစ်များ

Oyinyima 2:9

Ẹnẹyịmavara Ohomorihi ộ mẹ̀ ka ọchị ozoza-ozoza irenyi-irenyi è nyị hi ịzọọ, dị ẹ̀ẹ tụ́ ẹtụtụ ozoza. Ịnị akakana ụbazị ọnọọ a rẹ nyị ọchị ẹnyị ana jẹẹ ịzọọ. Ọnya vị ọnị ẹtụtụ anịị̄ mẹ ka ọza ọ̀ yàra pooro, dị ẹtụtụ ọsaa mẹ ka eyi ọza ò hweyi tù ịsa ozoza ọnịrị ịsa odivi nị.

Ahẹ Ụgama 147:3

Aza ana ayị anị kú du vi oni o vee hunẹnẹ ayị, di o si isuuru yị wa.

Ụhịrẹyị 3:18

Ịrẹyọyẹ vị anaā sị ọza kụ orubo. Ọza ana nyị ọ vaa daa jẹ.

Ayịsaya 6:10

Ọ kà ma mẹ ka azị aza ẹnẹẹ kụkụ tẹsị ịrẹyị anị, dị asị ẹ kụkụ zụ wụ́ ịrẹyị dị asị ẹ rẹ kụkụ zụ sị eyi ẹnịnị re ẹtẹ. Ọ kà ẹnịnị èe sị eyi ẹnịnị re ẹtẹ, dị ẹ na sị ịrẹyị wụ́ nị, ẹ nyayịnẹ vara ebira ana vaa mẹ ka a dọ wa ha.

Ijeremaya 17:14

Ijeremaya ka, Ẹnẹyịmavara ọ̀ mẹ̀ ọnị ụkụ, ka ẹngụ anị vaa nịya saka-saka. Ọ̀ ka Ẹnẹyịmavara ọ̀ dọ ọnị tụ, dị asị á nyị ịsị ẹ mẹ̀ ọnị vụrụ-vụrụ. Ẹnẹyịmavara, ẹwụ ọnị aa sị ụgaa yị nị.

Ezikẹẹrị 47:1

Ezikẹẹrị ka ọnọrụ ọnị ọnị maanị ré ịnị ẹtẹ ọnị ré aanị ộ rẹ sị ọnị varẹma vẹ enoze irehi Ohomorihi. Â nyị enyi anaa tụ̀ụ hụụ iruvo enoze ọnọọ, dị ee sìi zi oze eyi ọnị ọyịị̄ zịị hụrẹẹ vẹ nị. Irehi Ohomorihi vị ana và eyi ka oze avọọ. Enyi ọnọnị vị enee sìi vaachi hụụ iruvo eyi-ụvẹtẹ irehi Ohomorihi di aa parahu eyi-ụvẹtẹ ụta ịsọvọ nị.

Ihoseya 14:4

Ẹnẹyịmavara kà ọnị vaa kụ aza anị varẹma ka ẹngụ na. Avaba ayị anị ọnị sị sì ịrẹyị ẹnịnị: Ọnị ẹ yị kụkụ aa kụ ayị hi ẹnịnị.

Ịzakaraya 14:8

Ịhị ọnọọ ẹnyị vee si hụrẹ Ijerusarẹmị, dị achẹva anị aa nọ Irehu Anọ, dị ọsa aa nọ Irehu Imeditareniya Avọọ o me vee si ịnị ị̀rẹ̀sụ̀ ọnịrị ọhahị pooro nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

Ẹtore 2:7

Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.

Ẹtore 21:21

Oze ẹwụrẹva ana a zịị̄ ngụ ẹkụra ọnọọ vị uweyi ẹwụrẹva, ọnị ọ vị ka oze ọnya-ọnya vị uweyi ọnya. Ụpatẹsị ẹkụra ọnọọ vị ana a sị igooru obooro mẹ, dị ọ nị anka ore avọọ nị.

Ẹtore 21:24

Avaba anẹhẹ vaa zị ụsẹ ini ẹtohweyi anị, di ohinọyị anẹhẹ nịnị kụ́ ụbanyị ẹnịnị ne hi ịzọọ.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.

Ẹtore 22:19

Ọza ana àa sị hụụnị ịrẹyị ịsẹ ana a chẹrẹ tụ́ ini iwe ọnọnị, Ohomorihi vaa sị áanịị kwooze hụụnị ịnị ọchị anaā mẹ ka ọza ọ̀ yàra pooro zịna-zịna, dị ọ rẹ sị áanị kwooze hụụnị ẹkụra Ohomorihi ọnọọ ana a chẹrẹ tụ́ ini iwe ọnọnị.