Ẹtore 21:3 - IWE ỌNỊNỊ

³ Dị mị wụ́ ọngwẹ ọbanyị ọnya hụrẹ ẹbẹẹba vẹ, dị ọ ka, “Re! Irehi Ohomorihi yàrị aza. Ohomorihi yàrị aza. Ohomorihi vaa raa pe wa, dị ẹ vị aza anị. Dị Ohomorihi ọnị ụvọta yà ịda ẹnịnị, dị ọ vị Ohomorihi ẹnịnị.

Ẹtore 21:3 ပူးပေါင်းရင်းမြစ်များ

1 Ohinọyị 8:27

Yâ yẹ de ka ẹ yị vị ka ịnị ẹhẹ ụ waa vaa ra nị. Ẹbẹẹba keekere ini ihinẹba ọ yị hyakụ dọ wụ, dị ma va na kà irehi ọnị mị ka mị da aanị nị.

2 Ịtọpa 6:18

Ama ọ́ọ́ vaa ra ịnị akakana aza ịrẹma ọnị avaba ẹbẹẹba ẹ yị dọ ọ ya? Irehi anị ọnị ọ dà aanị wáá vaa dọ ọ ya?

Ọyịkụra 25:8

Ẹnẹyịmavara kà Imosiisi ọ̀ kà a yị Anisirẹrị ka ẹ̀ jị ajẹngụ yị ọnị. Ịzọọ ọnị vaa raa beri wa nị.

Ọyịkụra 29:45

Dị mị ra ịnị akakana Anisirẹrị nịnị, dị ahịka ẹma vị Ohomorihi ẹnịnị nị.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ijeremaya 32:38

Ọ kà, ẹnịnị vaa vị aza anị, dị ọnị vị Ohomorihi ẹnịnị.

Ezikẹẹrị 37:27

Ẹnẹyịmavara kà ọnị vaa ra ịzọọ pe wa. Ọnị vaa vị Ohomorihi ẹnịnị, dị ẹnịnị vị aza anị.

Ezikẹẹrị 43:7

ozi-ọza, ọnị Ẹnẹyịmavara ọ́ raa sị aga ohinọyị hi ẹtẹ ịzị ẹnị o. Ịzị ẹnị ọnị vaa rá ịnị akakana Anisirẹrị nịnị, dị ọnị vị ohinọyị ẹnịnị pooro nị. Anisirẹrị nịnị à vị ohinọyị ẹnịnị ẹ́ yị ma vana na mẹ̀ ori. Ẹnịnị é yị me vene ne oku ohinọyị ẹnịnị tụ ịzẹnị, dị ẹ̀ sị mẹ̀ ụhị nyị ịrẹha ọnị Ẹnẹyịmavara.

Ezikẹẹrị 48:35

Ụgọdọ avaba ọvọ ana a tụra kara Ijerusarẹmị vị okuvọ akahị-akahị oze ịhịịna. Hụrị ọyaanị na, ịrẹha ẹkụra ọbanyị ọnọnị á vanaa hị́ Ẹnẹyịmavara ya ịzẹnị nị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịzakaraya 8:8

Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra.

Ịrịka 9:16

Avọọ ẹtẹ mẹ vana ya ịnị avaba ụmẹ nị.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 14:23

Dị Ijeesu tụ́ ọ ohi, dị ọ ka, “Ọza ene èe sì ịrẹyị amị, ọ vaa sị ụvọọ za ịrẹyị amị; Ada amị vee sì ịrẹyị anị. Dị ẹmịrị Ada amị dudu vẹ, dị ị va ra ịnị ayị anị.

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

2 Anịkọrịntị 6:18

Ọnị vaa vị Ada awụ nịnị, dị ẹwụ nịnị rẹ vị ezi anọrụ ọnịrị ezi anẹẹ anị. Avọọ Ananyị yị Ochẹtẹngụ mẹ̀ kà nị.

1 Anịtẹsaronika 3:11

Ohomorihi Ada ayị ọnị ụvọta beri Ijeesu Ananyị yị ọ̀ navọ ọ̀ mẹ oze yị, di ye zụ ve hee wu nịnị!

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Anihiburu 8:10

Ananyị yị rẹ kà oto ọnị ọnị kụkụ vee wo yị Anisirẹrị nịnị yị: Ọ kà, Ịnị ụmẹ ana aa vẹ, ọnị vaa sị ọda anịị tụ́ ịnị ayị ẹnịnị, dị ọnị rẹ chẹrẹẹ tụ́ ịnị ayị ẹnịnị. Ọnị vaa vị Ohomorihi ẹnịnị, dị ẹnị rẹ vị aza anị.

Anihiburu 8:2

Aha ọnịnị keekere ọ́nị yà aa mẹ̀ ụkọrọ anị nị. Ịzọọ ọ vị aha obooro oni Ohomorihi yà nị. Ọnị ụvọta ọ dàa nị; ayị vị ọza ọ dà ọnọọ.

Ẹtore 10:4

Ịjị apaana ihinẹba vavọọ sụ́ ịrẹyị ụpẹ ịhịmba, dị mị ka maa chẹrẹ ịsị ọ kà nị. Dị mị wụ́ ọngwẹ ọnya hụrẹ ẹbẹẹba vẹ, dị ọ ka: Asị mị chẹrẹ ịsị ọnị apaana ihinẹba ọnọọ kà ụpẹ ịhịmba avọọ, ama ma sị ọ tẹ nị.

Ẹtore 10:8

Dị mị rẹ wụ ọngwẹ ana vịdị kà ịrẹyịị mị hụrẹ ẹbẹẹba vẹ, dị ọ rẹ ka: Ma na sị iwe oweyi ana a hụ̀ tịtẹ, ana yà ịnị ụvọ anggẹẹrị ana jẹẹ ini òkū ọnịrị eteesu nị.

Ẹtore 12:10

Dị mị wụ́ ọngwẹ ọbanyị ọnya ẹbẹẹba, dị aa kà a ka: Ohomorihi o si ehuna nyị booro aanị! Ohomorihi ayị ọ raà sị zụ̀ ka ọnị ọ nyị ụkata, dị ọnị rẹ vị ohinọyị nị. Ohinọyị anị ọnị ọ nyị ka ọ̀ dọ yị há ọ raà sị ọda anị zụ̀. Ọza ana yà ọvịdị Ohomorihi dị aa sị ịrẹyị anda ayị nịnị ị tụ́ ịrẹka ọọdụ ọnịrị ịrahụ, a sị ọọ dụ jịnẹ hụrị ẹbẹẹba.

Ẹtore 21:7

Ọza ana àa nyị ehuna, ọnị ọ vaa dọ ịsa ẹnẹnịị hụụnị ụvọ amị nị: Mị vaa vị Ohomorihi anị, dị ọnị vị ozi emi.

Ẹtore 22:3

Ẹ yị nyị ịsa oni Ohomorihi si chi hi ene vee re ịzọọ. Aga Ohomorihi ohinọyị ọnịrị Ozi Atẹmẹ ẹ vaa yà ịzọọ nị. Dị ezi ahị anị aa hẹkẹ ẹ.

Ẹtore 7:15

Agụvị avọọ, ẹ́nịnị va yà ọvịdị aga Ohomorihi ohinọyị, dị ẹyaa hẹkẹ ẹ ọọdụ ọnịrị ịrahụ ini eehi anị nị. Ọza ana yaayịtẹ ịnị aga ohinọyị ọnọọ vaa yàa pe wa.