Ẹtore 20:9 - IWE ỌNỊNỊ

⁹ Dị ẹ gara hi avaba ẹhẹ, dị ẹ kara ịzị aza Ohomorihi kụ́ gụ hi ọnịrị ẹkụra oni o sì ịrẹyị anị nị. Dị ịra hụụ ịda Ohomorihi ẹbẹẹba chí vẹ, dị ọ wụ̀ wa và ha nị.

Ẹtore 20:9 ပူးပေါင်းရင်းမြစ်များ

Oyinyima 19:24

Dị Ẹnẹyịmavara zụ̀ ịra ana a sị ohuru tụ́ hi ịnị ẹkụra Isodọmị ọnịrị Igomora nị. Ẹbẹẹba Ẹnẹyịmavara zụ̀ ọ hụrẹ vẹ nị.

2 Ohinọyị 6:15

Ẹnẹnẹ eyinẹhẹ anị, ozi ahụ Erisa mẹ̀ ha, dị ọ jịnẹ tụ ẹhẹ hụụnị eehi nị. Ô re ka isoja Anisiriya nịnị beri umaata ọnịrị ịkẹkẹ-ịrẹkụ ẹnịnị ệ họ̀ kara ẹkụra nị. O mè re e, dị ọ ka, “Nda o! Sị ẹnị ẹ̀ẹ mẹ aanị?”

Ijoovu 38:18

Ọ́ọ́ yẹ ẹtẹ mẹmẹ gana? Ijoovu o tụ ohi ọ̀ọ ka ọnị ọ̀ yẹ.

Ahẹ Ụgama 106:18

Dị ịra hụrẹ ẹbẹẹba vẹ, dị ọ rị ogu odivi ẹnẹẹ ịra va ha nị.

Ahẹ Ụgama 87:2

Ô sì ịrẹyị Ijerusarẹmị huna avaba ẹkụra ana vọ ịzị Anisirẹrị nịnị ra.

Ahẹ Ụgama 97:3

Ịra vị ana maanị yà ọvịdị anị, dị aa rị avaba ọnịvị anị ana kara a.

Ayịsaya 30:33

O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.

Ayịsaya 37:36

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

Ezikẹẹrị 38:16

Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị.

Ezikẹẹrị 38:22

Ọ kà ụkụ ọnịrị isu ịrịịra ọnị vaa sịị sị́ ụyaa rị ọ nị. Ọnị vaa zụ̀ orihi ọnịrị ata orihi ku ọ ịrẹsụ hara-hara. Ọnị vaa và ịra ọnịrị ohuruu kụ ọnịrị avaba isoja anị ne beri avaba anẹkụra-ẹkụra ana na yà pè e.

Ezikẹẹrị 38:9

Ọnị rị isoja anị nịnị beri avaba anẹkụra ọsa ana va vaka wa vaa kụ́ ịrẹkụụ tu Isirẹrị anka opomi mẹẹ tụ́ avọọ, dị ẹ chaka ku ẹtẹ anka eguhi avọọ.

Ezikẹẹrị 39:6

Ọnị vaa jị ịraa da ẹtẹ Ịmagọgị, dị ọ vavọọ vatụra ẹkụra-ẹkụra ene hi utenyi ịzị aza rá hi ẹngwọọrọ. Avaba aza vaa yẹ́ ka ọnị ọ vị Ẹnẹyịmavara nị.

Imika 2:13

Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.

Ihabaku 1:6

Ẹnẹyịmavara kà ọnị vaa kụ́ Anibabironi nịnị kwẹẹtẹ ka ẹ dọ̀ avaba ẹkụra ene hi ẹtẹ ọnọọ, dị ẹẹ mẹ ịjọva tụra wa ịrẹsụ. Anibabironi ẹnẹẹ ẹ divi. Ẹ yị nyị aza ene hi wa ụhwẹ.

Ịrịka 11:1

Ẹ yị nyịnyịnyị, dị aza nyima aa rị uhuhu hi Ẹnẹyịmavara agụvị ẹngụkata ene tu wa nị. Ẹnẹyịmavara mẹ wụ̀ ọ, dị ayị kụ ọ hi wa, dị ọ sị ịra aa rị ụtụụtọ ajẹngụ ẹnịnị ne hu nị.

Ịrịka 16:35

Dị ịra chi hụụ ịdị Ẹnẹyịmavara vẹ vaa rị aza ẹnị ịrẹka tụra ẹvarẹwụ anaa rị eturare ịra.

Iruuku 17:29

Ama ịhị ọnị Ịrọọtị jịnẹ hụụnị ẹkụra Isodọmị gẹdẹ-gẹdẹ, ịhị ọnọọ orihi ịra ọnịrị ata ịra-ịra zụ̀ hụrẹ ẹbẹẹba vẹ dị ọ rị avaba aza ana vọ ịra và ha nị.

Iruuku 19:43

Ẹkụhị aa vẹ ọnị ọnịvị vaa kụ́ ezii pe ugene ana kara wụ, dị ẹ rẹ kara wụ okiri-okiri ka asị u re oze zị.

Iruuku 21:20

“Ịhị wèe re nịnị ka isoja tatarata ẹ sị kara Ijerusarẹmị okiri-okiri, yẹ nịnị ka vi ee vee vú ọọ ẹtẹ avọọ nị.

Iruuku 9:54

Ịjị ezirẹma anị ẹnyị, Ịjọọnụ ọnịrị Ijemiisi, maanị re aza ẹnẹnị, dị ẹ ka, “Ananyị yị, ụ wáá ka ya hị́ ịra hụrẹ ẹbẹẹba vẹ, dị ọ̀ wụ̀ wa, anka Érija mẹ̀ vịdị mẹ avọọ nị?”

Iwe Ọhụhị Imosiisi ana aa hị́ Ọyịvatụrọda 23:14

Agụvị ka Ẹnẹyịmavara Ohomorihi awụ ya avaba aha udi ọnọnị, di e sere wu, dị ọ dọ ha hụụnị ụvọ ọnịvị awụ. Navọ ịzị ụ kụ́ udi aanị ọ vị aha ọnịnị, agụvị dị asị o re ebira odivi ịnị akakana awụ nịnị dị ọ va varẹma wụ nịnị.

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

Anihiburu 13:13

À vẹ vi ye ne tù ọ ịrẹma ẹkụra, dị ẹ yà rẹ gà ịnị ụhị anị!

Ẹtore 11:5

Àa nyị ọza ene sì ka ọnị ọ̀ mẹ ịrẹyị, dị ịra jịnẹ hụụnị irenu ẹnịnị vẹ, dị ọ wụ ọnịvị ẹnịnị ẹnẹẹ. Aza ene èe sì ka ẹnị ẹ̀ mẹ wa ịrẹyị, vị a vaa wụ̀ wa nị.

Ẹtore 13:13

Dị ọ mẹ̀ ụkọrọ ohyozirenu irenyi-irenyi nị. Ọ́ọ mẹ ka ịra ọ̀ hụrẹ ẹbẹẹba chí vẹ ịnị ẹhẹ éyi avaba aza.