Ẹtore 20:4 - IWE ỌNỊNỊ

⁴ Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.

Ẹtore 20:4 ပူးပေါင်းရင်းမြစ်များ

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ịdanịyẹrị 7:18

Ama, Ohomorihi ene hu kere-kere vaa sị ụkataa yị aza anị ẹnẹ ẹ vaa sị mẹ ohinọyị pooro zịna-zịna.

Ịdanịyẹrị 7:22

Dị Ọza ana yara pooro zịna-zịna vẹ, dị ọ mẹ̀ ọkarẹyị yị wa nị, Ohomorihi ene hu kere-kere ộ jị ịhị yị aza nị. Ịjọnọọ dị a va sị ụkata yị aza Ohomorihi ka ẹ sịị mẹ ịjọva nị.

Ịdanịyẹrị 7:27

Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.

Ịdanịyẹrị 7:9

Ịdanịyẹrị ka ọnị mee re ẹtẹ, dị ọnị re ka ê to aga ohinọyị nịnị hi ẹtẹ nị. Dị ọnị re ka ọza ana ya ịzọọ hụrị ụmọrụmọ ka ộ va yaatụ ịnị aga ẹnẹẹ ọnya nị. Ịta ọnị ọza ọnọnị kụ hi ẹngụ vị ọvwọọvụ sẹnẹ-sẹnẹ, dị ẹyịrẹsụ anị â vwẹtẹ anka owu oyiche avọọ nị

Ịmarakayị 4:5

Dị ọ ka, ree nịnị, mị vaa tụ Erija ọnịsẹ tụ ọvịdị ẹkụhị ọnị Ẹnẹyịmavara vaa sị mẹ̀ ọkarẹyị. Ẹkụhị ọnọọ ee vee tu. Aza vee hí angwa ẹtẹẹtẹrẹ.

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Imatiwu 24:10

Aza ọrụrụ-ọrụrụ vaa hyẹdụ hụụnị ẹdọwụ ẹnịnị. Ịjọnọọ di eyee sì iruvo ẹngụ, dị ẹ rẹ yaa kụ́ ayị ẹngụ.

Ịmaakị 6:16

Ịjị Ịhẹrọdị maanị wụ́, dị ọ ka, “Ịjọọnụ ọnị mị jị ịrẹsụ yọ nị! Ọ sị ha hụụnị ikuta.”

Ịmaakị 6:27

Dị ohinọyị wụsẹ tụ́ isoja anị ọnya, dị ọ ka ọ̀ na jị Ịjọọnụ ịrẹsụ vẹ nị. Dị isoja ọnọọ na, dị ọ ngụ ịnị ẹngwa, dị ọ jị Ịjọọnụ ịrẹsụ nị.

Ịmaakị 9:11

Dị ẹ họ̀ Ijeesu use ka, “Sị ẹ vẹ dị ọzwọzọda nịnị kà a ka Erija ọ vịdị vaa vẹ nị?”

Iruuku 1:17

Ụkata Erija ọnịrị ebira anị ọ vaa nyị nị. Ọnị ọ vaa dọ ọvịdị Ananyị yị nị. Ọ vaa mẹ ka ada ọnịrị ezi è ze. Dị ọ rẹ mẹ ka anakamawụ nịnị ẹ̀ varẹma va zị oze ọnịrẹyịzẹyịza. Dị ọ re tenyi aza ẹngụ tịtẹ yị Ananyị yị.”

Iruuku 14:14

Ịjọnọọ Ohomorihi vaa mẹ ka waa jẹ, agụvị ka aza ẹnẹẹ e yi zụ sí wu atọ. Ịhị ọnịrẹyịzẹyịza nịnị ẹ̀ẹ ha hụụnị isu, Ohomorihi vee sí wu atọ.”

Iruuku 22:30

ka wa yaayịtẹ aha ịsọyịrị amị ịzị mị yà aa mẹ ịjọva nịnị, dị ụ waa rị, di u wee hú nịnị. Ẹwụ nịnị rẹ vaa vị ohinọyị, dị ụ waa mẹ̀ ọkarẹyị tụ́ ịrẹsụ ovwoovu ẹwụrẹva Anisirẹrị nịnị.”

Ịjọọnụ 14:19

Òo nee kù chee, anẹhẹ e yi kuku vee re mi. Ẹwụ nịnị vee re mi. Mị yàra, ẹwụ nịnị rẹ vaa yàra bẹẹ.

Aniroomi 11:15

Óhomorihi mè yi wa tịtẹ, ọ raà mẹ ka anẹhẹ ẹnị ẹ̀ vara ọta Ohomorihi. Ịhị Ohomorihi ọ̀ọ va varẹma sị wa dọ yọ? Ọ vaa mẹ ka ịsa ẹbanyị ẹ̀ mẹ anka óku òo rere ha hụụnị isu avọọ nị.

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

2 Itimoti 2:12

Yàa yịị sị ẹngụụ dọ ụya, ẹyịrị ọọ rẹ vaa rị ohinọyị. Yàa kà ka yẹ yị yẹẹ, ọnị rẹ vaa kà a ka ọnị ọ yị rẹ yẹ ẹyị.

Ẹtore 1:2

Ịjọọnụ ộ chẹrẹ ịrẹyị oni Ohomorihi kà, di Ijeesu Ikirisiti dọ ivenu tụ́ ọọ tịtẹ, ọnịrị avaba ịsa oni o re.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ẹtore 11:11

Ịjị ẹkụhị ẹẹta rị ẹjịjị sị mẹ kwooze, dị Ohomorihi tụ́ ụhwẹ ana aa mẹ ka ọza ọ̀ yàra, ngụ ịnịnẹ oku ẹnẹẹ nị. Dị ẹ sị ahụ ẹnịnị kwẹẹtẹ jẹẹ nị. Angwa ô hi aza ene re e ẹtẹẹtẹrẹ.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).

Ẹtore 11:7

Ẹ̀ẹ sị ịrẹyị ẹnịnị kà ta, dị uye odivi ana jịnẹ hụụnị ọbọbọ ọnọọ vẹ, ve pe wa kụ̀ ịrẹkụ. O vee huna wa, dị ọ wụ̀ wa.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 14:11

Dị areyi ịra ana aa sị ụyaa rị wa, aa vàa hịrẹ pooro zịna-zịna. Aza ana àa hẹkẹ uye ọnọọ ọnịrị ori anị dị ẹ rẹ dọ apọtẹrẹwa ịrẹha anị nị, ẹ mā vana tụ́ ụhwọ́ pooro ọọdụ ọnịrị ịrahụ.”

Ẹtore 15:2

Mê re ịsa ẹnyị aanị anka enyi ana sị mẹẹ anka ore avọọ, dị a sị ịra vá hura a nị. Me re re aza ana sị uye ịnị avị ọnọọ ọnịrị ori anị huna beri ịnọmba ịrẹha anị. Ẹnịnị jẹẹ ụtọ oku ene enyi anị sị mẹẹ anka ore avọọ, dị ẹ sị igita oni Ohomorihi sị yị wa rị ụvọ nị.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Ẹtore 2:26

Ọ kà, Ọza ana àa nyị ehuna, dọ ọ sị ụvọ za ụkọrọ anị ne tù ịrẹsụ nị, ọnị vaa mẹ ka ẹ̀ nyị ọda tụ́ ịrẹsụ anẹhẹ,

Ẹtore 20:6

Ọnịpaapa ẹnẹẹ ana a vịdị vavọọ ha hụụnị isu vị Óhomorihi, ẹ rẹ vaa dàa jẹ. Ẹngụ aza ẹnẹẹ e mè vene kuku sú ụpẹ ọhụva. Ohirẹsụ irehi Ohomorihi ẹ vaa vịị yị Ohomorihi ọnịrị ohinọyị ọnị ọ ka ọ̀ dọ yị há nị. Dị ẹnịrị ọọ dudu mẹ ohinọyị mẹ ịrayị akahị.

Ẹtore 22:5

Ẹtẹ o yi vee hozi ịzọọ pooro, ẹ yị nyị ịsị ẹ vaa sị ozotupa, à vị ọyịị̄ mẹ. Ohomorihi ọ vaa vị ẹtohweyi yị wa nị. Ẹnịnị vị ana vaa mẹ ohinọyị pooro zịna-zịna.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ẹtore 4:4

A rẹ nyị aga ohinọyị ohurẹẹna ana kara aga ohinọyị ọnọọ. Azọkụ ohurẹẹna ẹnyị aanị ệ yaayịtẹ ịnị ẹnịnị, dị e chire awuru ọvwọọvụ, dị e re kú ọkẹkẹrẹkụ ana sị igooru mẹ nị.

Ẹtore 6:9

Ọ mẹ̀ rẹ hụ̀ ịsa ọhụhị ana a sị vá iwe ọnọọ, di mi re ụhwẹ aza ana vịdị sị wụ agụvị ịrẹyị Ohomorihi ẹnẹ ẹ dọ wụ dị ẹ rẹ yaa kà a e mè hi iruvo ụta nị.

Ẹtore 7:3

Dị ọ ka: Asị e du ẹhẹ ọnịrị oku beri ọchị nịnị ha pooro dị ẹnị ẹ̀ mẹ apọtẹrẹwa tụ́ ini ibe ezi ahụ Ohomorihi ẹnịnị.